என்.ஜி.காலனி:
சுசீந்திரம், சொத்தவிளை கண்டாங்கி தோப்பு பகுதியில் சுடலைமாட சுவாமி கோவில் உள்ளது. கோவிலுக்கு நேற்று தெங்கம் புதூர் புதுக்குடியிருப்பு பகுதியை சேர்ந்தவர் சுபாஷ் (வயது 30). மற்றும் அவரது உறவினர்கள் சென்றனர். அப்போது கோவிலில் இருந்த உண்டியலை மோட்டார் சைக்கிளில் வந்த வாலிபர் ஒருவர் உண்டியலை உடைத்துக் கொண்டிருந்தார். அவர்கள் வருவதை பார்த்ததும் அந்த வாலிபர் அங்கிருந்து தப்பி ஓடினார். ஆனால் அந்த வாலிபரை பின் தொடர்ந்து விரட்டிச் சென்று சிறிது தூரத்தில் மடக்கிப் பிடித்தனர்.
இது குறித்து சுசீந்திரம் போலீசாருக்கு தகவல் கொடுக்கப்பட்டது. சப்- இன்ஸ்பெக்டர் சுரேஷ்குமார், சிறப்பு சப்-இன்ஸ் பெக்டர் சலீம் ஆகியோர் சம்பவ இடத்திற்கு சென்று அந்த வாலிபரை அழைத்து வந்து விசாரணை மேற்கொண்டனர். அதில் பறக்கை வண்டி குடியிருப்பு பகுதியை சேர்ந்த ஆனந்த் (23) என்பது தெரியவந்துள்ளது. இதையடுத்து அவரை போலீசார் கைது செய்தனர்.
புத்தளம் அரியபெருமாள்விளை பகுதியை சேர்ந்தவர் கண்ணன். இவரது மனைவி தங்கம் (57). இவர்கள் கடந்த சில நாட்களுக்கு முன்பு மதுரைக்கு சென்று இருந்தனர். பின்னர் வீடு திரும்பியபோது வீட்டின் கூரைகள் பிரிக்கப்பட்டு வீட்டில் இருந்த டி.வி. மற்றும் வீட்டு உபயோக பொருட்களை திருடிச் சென்றது தெரியவந்தது. இது குறித்து சுசீந்திரம் போலீசில் புகார் செய்யப்பட்டது.
சப்-இன்ஸ்பெக்டர் செபாஸ்டின் கிரேசியஸ், சிறப்பு சப்-இன்ஸ்பெக்டர் பிரசாத்குமார் ஆகியோர் வழக்குபதிவு செய்து விசாரணை நடத்தி வருகின்றனர்.
