நிலக்கோட்டை அருகே மைனர் பெண்ணை கடத்திய வாலிபர்

நிலக்கோட்டை:

நிலக்கோட்டை அருகே குல்லிசெட்டிபட்டியை சேர்ந்தவர் சங்கர். இவரது மகள் மீனா (வயது16). 10-ம் வகுப்பு வரை படித்து விட்டு வீட்டில் இருந்து வந்தார்.

சம்பவத்தன்று வீட்டில் இருந்த மீனா திடீரென மாயமானார். இதனால் அதிர்ச்சி அடைந்த அவரது தாயார் நண்பர் மற்றும் உறவினர் வீடுகளில் தேடி பார்த்தார். ஆனால் எங்கும் கிடைக்கவில்லை.

இது குறித்து நிலக்கோட்டை போலீசில் புகார் அளித்தார். அந்த புகாரில் அதே பகுதியை சேர்ந்த சின்னசாமி மகன் கார்த்திக் என்பவர்தான் தனது மகளை ஆசை வார்த்தை கூறி கடத்தி சென்றிருக்க கூடும் என குறிப்பிட்டுள்ளார். இது குறித்து இன்ஸ்பெக்டர் கருப்பசாமி வழக்குப்பதிவு செய்து மாயமான இளம்பெண் மற்றும் அவரை கடத்திய கார்த்திக்கை தேடி வருகிறார். #tamilnews