தமிழகத்தில் அதிமுக-பா.ஜனதா டெபாசிட் இழக்கும்- இளங்கோவன்

ஈரோடு:

ஈரோடு முனிசிபல் காலனியில் மறைந்த முன்னாள் முதல்வர் கருணாநிதி முழு உருவச்சிலையை கடந்த சில தினங்களுக்கு முன் தி.மு.க. தலைவர் மு.க.ஸ்டாலின் திறந்து வைத்தார்.

இந்த நிலையில் இன்று மாநில காங்கிரஸ் கட்சியின் முன்னாள் தலைவர் ஈ.வி.கே.எஸ்.இளங்கோவன் மறைந்த கருணாநிதி சிலைக்கு மாலை அணிவித்தார்.

அப்போது அவர் நிருபர்களிடம் கூறியதாவது:-

கலைஞர் சிலைக்கு மாலை அணிவித்ததை பெருமையாக கருதுகிறேன். பாராளுமன்ற தேர்தலில் தி.மு.க.- காங்கிரஸ் கூட்டணி புதுச்சேரியையும் சேர்த்து 40 தொகுதிகளிலும் அமோக வெற்றி பெறும்.


மோடி ஈரோடு மாவட்டத்தில் கவுந்தப்பாடியில் கூட்டம் நடத்தினாலும் சரி மொடக்குறிச்சியில் கூட்டம் நடத்தினாலும் சரி கொங்கு மண்டலத்தில் வெற்றி பெறவே முடியாது. அ.தி.மு.க.வும் வெற்றி பெற முடியாது.

மம்தா போராட்டத்தை காங்கிரஸ் கட்சி ஆதரிக்கிறது. மோடி தனது ஆளுமை அதிகாரம் மூலம் சி.பி.ஐ-யை ஏவி அடக்குமுறை கையாள்கிறார்.

மாநில காங்கிரஸ் தலைவராக நியமிக்கப்பட்டுள்ள அழகிரி நீண்ட நாட்களாக கட்சிக்கு பாடுபட்டு வருகிறார். மூத்த தலைவர். அவர் பணி சிறக்க வாழ்த்துகிறேன். காங்கிரஸ் கட்சி புது எழுச்சியை பெற்றுள்ளது.

இவ்வாறு இளங்கோவன் கூறினார். #Congress #Elangovan #ADMK #BJP