சிறுமுகையில் திருமணமான 2 மாதத்தில் புதுமாப்பிள்ளை தற்கொலை

மேட்டுப்பாளையம்:

சிறுமுகை அருகே இலுப்பநத்தம் எஸ்.புங்கம்பாளையம் மாதப்பன் நகரைச்சேர்ந்தவர் ராஜன். இவரது மகன் அஜித்குமார் (வயது22) கூலி தொழிலாளி. இவரது மனைவி பிரியா (21). இருவருக்கும் திருமணமாகி 2 மாதம் தான் ஆகிறது. இந்தநிலையில் அஜித்குமார் கடந்த 6-ந்தேதி வீட்டில் தூக்குப்போட்டு தற்கொலை செய்து கொண்டார்.

இது குறித்து தகவல் கிடைத்ததும் சிறுமுகை போலீசார் சம்பவ இடத்திற்கு சென்று உடலை மீட்டு பிரேத பரிசோதனைக்காக மேட்டுப்பாளையம் அரசு ஆஸ்பத்திரிக்கு அனுப்பி வைத்தனர்.

போலீசார் வழக்குப்பதிவு செய்து புதுமாப்பிள்ளை அஜித்குமார் திடீர் தற்கொலைக்கான காரணம் குறித்து விசாரணை நடத்தி வருகிறார்கள்.