குத்தாலம் அருகே கோவிலில் தங்க நகைகள் திருட்டு

குத்தாலம்:

குத்தாலம் அருகே பாலையூர் போலீஸ் நிலையத்திற்குட்பட்ட ஏ.கிளியனூர் கிராமத்தில் செல்லியம்மன் கோவில் உள்ளது. இந்த கோவிலில் நேற்றுமுன்தினம் இரவு பூஜைகளை முடித்துவிட்டு கோவில் பூசாரி அர்ஜூன் கதவை பூட்டி சென்றுள்ளார். நேற்று காலை பூசாரி கோவிலுக்கு வந்து பார்த்தபோது கதவு உடைக்கப்பட்டு இருந்ததை கண்டு அதிர்ச்சி அடைந்தார். இதுகுறித்து தகவல் அறிந்த பாலையூர் போலீசார் சம்பவ இடத்துக்கு வந்து விசாரணை நடத்தினர். இதில் செல்லியம்மன் கழுத்திலிருந்த 4 கிராம் எடையுள்ள 2 தாலிகள், 4 கிராம் மதிப்புள்ள ஒரு பொட்டு என மொத்தம் 1½ பவுன் நகையை மர்ம நபர்கள் திருடி சென்றது தெரிய வந்தது. இதுகுறித்து போலீசார் வழக்குப்பதிவு செய்து கோவிலில் நகையை திருடி சென்ற மர்ம நபர்களை வலைவீசி தேடி வருகின்றனர்.