மதுரை
மதுரை பழங்காநத்தம், முத்துமாரி அம்மன் கோவில் தெருவைச் சேர்ந்த வைரகண்ணன் மனைவி நாகசித்ரா (வயது 22). இவருக்கும் கணவருக்கும் இடையில் அடிக்கடி தகராறு ஏற்பட்டது. இதனால் வாழ்க்கையில் விரக்தி அடைந்த நாகசித்ரா சம்பவத்தன்று நள்ளிரவு வீட்டில் விஷம் குடித்து மயங்கி கிடந்தார்.
அவரை உறவினர்கள் மீட்டு மதுரை அரசு ஆஸ்பத்திரியில் சேர்த்தனர். அங்கு அவருக்கு தீவிர சிகிச்சை அளிக்கப்பட்டது. இருந்தபோதிலும் அவர் சிகிச்சை பலனின்றி பரிதாபமாக இறந்தார். இது தொடர்பாக சுப்பிரமணியபுரம் போலீசார் வழக்குப்பதிவு செய்து விசாரணை நடத்தி வருகின்றனர்.
மதுரை அலங்காநல்லூர் அடுத்த கல்லானை, ஆதித்தனார் தெருவை சேர்ந்தவர் பிரவீன்குமார் (21). இவரது மனைவி ரேவதி. பிரவீன்குமார் குடும்ப பிரச்சனை காரணமாக தற்கொலை செய்து கொள்ள முடிவு செய்தார்.
இதனைத்தொடர்ந்து அவர் நேற்று கூடல்புதூருக்கு புறப்பட்டு சென்றார். பின்னர் கூடல்நகர் பாலம் அடியில் விஷம் குடித்து சம்பவ இடத்திலேயே மயங்கி விழுந்து இறந்தார். இது தொடர்பாக செல்லூர் போலீசார் வழக்குப்பதிவு செய்து விசாரணை நடத்தி வருகின்றனர்.
மதுரை வில்லாபுரம், மீனாட்சி நகர், காளியம்மன் கோவில் தெருவை சேர்ந்தவர் மூர்த்தி (62). இவருக்கு வயோதிகம் காரணமாக அடிக்கடி உடல்நலக்குறைவு ஏற்பட்டு வந்தது. இதனால் வாழ்க்கையில் விரக்தியடைந்த மூர்த்தி சம்பவத்தன்று நள்ளிரவு வீட்டில் தூக்குப்போட்டு தற்கொலை செய்து கொண்டார்.
இதுதொடர்பாக அவனியாபுரம் போலீசார் வழக்குப்பதிவு செய்து அவரது உடலை கைப்பற்றி பிரேத பரிசோதனைக்கு அனுப்பி வைத்தனர். மேலும் இது தொடர்பாக விசாரணை நடத்தி வருகின்றனர்.
