கடலூர்:
பண்ருட்டி அடுத்த மருங்கூர் தோப்பு கொல்லை ஏரிமேட்டு தெருவை சேந்தவர் லிங்கமூர்த்தி. இவரது மனைவி சினேகா (24). இவர்களுக்கு 6 மாத பெண் குழந்தை உள்ளது. நேற்று (19ம் தேதி) மாலை வீட்டில் இருந்த சினேகா திடீரென குழந்தையுடன் காணாமல்போய்விட்டார்.பல இடங்களில் தேடி எங்கும் கிடைக்காததால் அவரது கணவர் லிங்க மூர்த்தி முத்தாண்டிக்குப்பம் போலீசில் புகார் கொடுத்தார்.
புகாரில் லிங்கமூர்த்தியின் தம்பி சபாபதி என்பவர் தனது மனைவி சினேகாவை குழந்தையுடன் கடத்தி சென்றதாக கூறியுள்ளார். இதுகுறித்து காடாம்புலியூர் போலீஸ் இன்ஸ்பெக்டர் ராஜ தாமரைபாண்டியன், வழக்கு பதிவு செய்து குழந்தையுடன் காணாமல் போன சினேகாவை தனிப்படை அமைத்து தேடி வருகிறார்.
