பாபநாசம்:
பாபநாசம் அருகே கோவில் தேவராயன் பேட்டை கிராமத்தில் அமைந்துள்ள மகா மாரியம்மன் கோவில் தேர் திருவிழா நடைபெற்றது. கலை நிகழ்ச்சிகளுடன் குடமுருட்டி ஆற்றங்கரையிலிருந்து திரளான பக்தர்கள் பால்குடம்,காவடி எடுத்து முக்கிய வீதிகள் வழியாக மகா மாரியம்மன் கோவிலை வந்து அடைந்தனர்.
அம்மனுக்கு சிறப்பு அபிஷேக ஆராதனைகள் நடைபெற்று மகா தீபாராதனை காண்பிக்கப்பட்டது. மாலையில் அம்மன் வீதி உலா காட்சி நடைபெற்றது. அதனைத் தொடர்ந்து பல்சுவை இசை நிகழ்ச்சி நடைபெற்றது. விழாவில் கோவில் தேவராயன்பேட்டை நாட்டாமைகள், கிராம வாசிகள் திரளான பக்தர்கள் கலந்து கொண்டனர்.
