தாரமங்கலம்:
தாரமங்கலம் அருகிலுள்ள சிக்கம்பட்டி பகுதியை சேர்ந்த தங்கவேல் மனைவி வசந்தி (வயது 55). இவர் அதே பகுதியில் மளிகை கடை நடத்தி வருகிறார். சம்பவத்தன்று பகலில் பைக்கில் வந்த 2 வாலிபர்கள் பொருள் வாங்குவது போல் நடித்து வசந்தி கழுத்தில் இருந்த 3 பவுன் செயினை பறித்துள்ளனர். சுதாரித்துக் கொண்ட வசந்தி செயினை பிடித்துக்கொண்டார். ஆனாலும் பாதி செயினை பறித்துக்கொண்ட வாலிபர்கள் பைக்கில் தப்பி ஓடிவிட்டனர். இதுபற்றி வசந்தி தாரமங்கலம் போலீசில் புகார் செய்தார். புகாரின் பெயரில் போலீசார் வழக்கு பதிவு செய்து விசாரணை நடத்தி வருகின்றனர்.
