கன்னியாகுமரி :
திருவட்டார் அருகே வியனூர் பகுதியில் வசித்து வருபவர் ஜெஸ்டின்ராஜ் (வயது 52), புதுக்கடை போலீஸ் நிலையத்தில் தலைமை காவலராக பணிபுரிந்து வருகிறார். இவருக்கும் வியனூர் பகுதியை சேர்ந்த சுரேஷ் (44) என்பவருக்கும் முன்விரோதம் இருந்தது. சம்பவத்தன்று ஜெஸ்டின்ராஜ் இருசக்கர வாகனத்தில் பணிக்குச் செல்லும்போது சுரேஷ் வழிமறித்து மோட்டார் சைக்கிளில் இருந்து கீழே தள்ளி தகாத வார்த்தைகள் பேசி கொலை மிரட்டல் விடுத்தார். கீழே விழுந்ததில் பலத்த காயம் அடைந்த ஜெஸ்டின்ராஜ் தக்கலை அரசு மருத்துவமனையில் சிகிச்சை பெற்று வருகிறார். அவர் கொடுத்த புகாரின்பேரில் திருவட்டார் போலீசார் வழக்கு பதிவு செய்து சுரேசை கைது செய்தனர்.
