அருமனை, ஜூன்.11-
திக்குறிச்சி கடை விளையை சார்ந்தவர் விஜயகுமார் (வயது 52) இவர் இந்த பகுதியல் நிதிநிறுவனம் நடத்தி வருகிறார். இவரது தம்பி ரெஜி இவர் செங்கல் சூளை நடத்தி வருகிறார். அண்ணன் தம்பிக்குள் குடும்ப பிரச்சினை இருந்ததாக தெரிகிறது. இந்நிலையில் நேற்று அதிகாலையில் விஜயகுமார் தனது காரில் வரிக்க விளை பகுதியில்சென்று கொண்டிருந்த போது தம்பி ரெஜியும் அவரது நண்பர்கள் வரிக்க விளையை சார்த்த சத்தியன் (49), காட்டு விளையை சார்ந்த புனிதகுமார் (40) ஆகியோர் சேர்ந்து விஜயகுமாரின் காரை வழிமறித்து சரமாரியாக தாக்கியுள்ளனர். விஜயகுமாரின் சத்தம் கேட்டு அக்கம்பக்கத்தினர் ஓடிவந்துள்ளனர்.
பின்னர் தாக்குதல் நடத்திய 3 பேரும் அங்கிருந்து தப்பி சென்றுள்ளனர். ரத்த வெள்ளத்தில் கிடந்த விஜயகுமாரை மீட்டு மார்தாண்டம் தனியார் ஆஸ்பத்திரிக்கு கொண்டு சென்றுள்ளனர். இது சம்மந்தமாக சத்தியன், புனிதகுமார் ஆகியோரை அருமனை போலீசார் கைது செய்துள்ளனர்.தம்பி ரெஜி தலைமறைவாகியுள்ளார். இவரை போலீசார் தேடி வருகின்றனர்.
