மதுரை
மதுரை மாவட்டம் திருப்பரங்குன்றத்தில் தனியார் கலைக்கல்லூரி கல்லூரி செயல்பட்டு வருகிறது. இங்கு படிக்கும் மாணவர்கள் இடையே முன் விரோதம் இருந்து வந்ததாக கூறப்படுகிறது.
இந்த நிலையில் கல்லூரியில் படிக்கும் குப்ப நத்தத்தைச் சேர்ந்த பழனிச்சாமி மகன் ஜெகதீஸ் (வயது 19),திருநகர் சொர்ணம் காலனியை சேர்ந்த ஆண்டி மகன் முனீஸ்வரன் (19)ஆகியோருக்கும், அதே கல்லூரியில் படிக்கும் காமராஜர் புரம், முத்து ராமலிங்கத் தேவர் நகரை சேர்ந்த 17 வயது மாணவருக்கும் இடையே முன்விரோதம் காரணமாக தகராறு ஏற்பட்டது. இதில் ஆத்திரமடைந்த 17 வயது மாணவர், தன்னுடன் தகராறு செய்த ஜெகதீஷ், முனீஸ்வரன் ஆகிய இருவரையும் அரிவாளால் வெட்டி உள்ளார். இதில் அவர்களுக்கு காயம் ஏற்பட்டது.இதுபற்றி அறிந்த கல்லூரி முதல்வர் வெங்கடே ஸ்வரன் திருப்பரங்குன்றம் போலீசில் புகார் செய்தார். அதன் பேரில் போலீசார் வழக்குப்பதிவு செய்து, மாணவர்களை அரிவாளால் வெட்டிய 17 வயது மாணவரை கைது செய்தனர்.
இந்த சம்பவம் திருப்பரங்குன்றம் பகுதியில் பரபரப்பை ஏற்படுத்தி உள்ளது.
