மதுரை
மதுரை எம்.கே.புரம் தண்டு மாரியம்மன் கோவிலில் திருவிழா நடந்து வருகிறது. இதற்காக நேற்று அங்கு அலங்கார வளைவுகள் வைக்கப்பட்டு இருந்தன.
இந்தநிலையில் நேற்று மாலை சூறைக்காற்றுடன் கூடிய மழை பெய்தது. அப்போது எம்.கே.புரம் தண்டுமாரியம்மன் கோவில் அலங்கார வளைவு திடீரென சரிந்து மின் கம்பம் மேல் விழுந்தது. இதனால் மின்கம்பி அறுந்து விழுந்தது. இதன் காரணமாக அந்த பகுதியில் மின்சாரம் துண்டிக்கப்பட்டது.
இதுபற்றி தகவல் கிடைத்ததும் மின்வாரிய ஊழியர்கள், சம்பவ இடத்துக்கு வந்து கோவில் அலங்கார வளைவை அப்புறப்படுத்தி மின் இணைப்பை மீண்டும் வழங்க ஏற்பாடு செய்தனர். தண்டு மாரியம்மன் கோவில் திருவிழாவில் விபத்து நடந்த இடத்தில் அதிர்ஷ்டவசமாக யாருமில்லை. இதனால் அங்கு உயிர்சேதம் எதுவும் ஏற்படவில்லை.
