கன்னியாகுமரி :
குழிக்கோடு அருகே உள்ள செருக்குத்தோட்டம் பகுதியை சேர்ந்தவர் ராஜேஷ் குமார் பெயிண்டர். இவரது மனைவி பிரீதாகுமாரி ஆலத்தட்டை அம்மன் கோவிலில் பணி செய்து வருகிறார். குழந்தை இல்லாத ஏக்கத்தில் ராஜேஷ்குமார் மனச்சோர்வுடன் வாழ்ந்து வந்ததாக தெரிகிறது.
நேற்று வழக்கம் போல் பிரீதாகுமாரி கோவில் பணிக்கு வந்தார். அவரை கணவர் ராஜேஷ்குமார் காலை 9:30 மணியளவில் கோவிலில் சென்று பார்த்ததாக தெரிகிறது. இந்நிலையில் பகல் 11:30 மணியளவில் பிரீதாகுமாரி வீட்டிற்கு சென்றார். அங்கு படுக்கையறை பூட்டப்பட்டிருந்ததை கண்டு அதிர்ச்சியடைந்தார்.
அக்கம்பக்கத்தினர் உதவியுடன் வீட்டின் கதவை உடைத்து அறைக்குள் சென்று பார்த்த போது அங்கு மின் விசிறியில் துப்பட்டாவினால் தூக்கு போட்டு ராஜேஷ்குமார் தற்கொலை செய்தது தெரிய வந்தது. சம்பவம் குறித்து அவர் தக்கலை போலீஸ் நிலையத்தில் புகார் கொடுத்தார். இந்த புகார் மனுவின் அடிப்படையில் போலீசார் விசாரணை நடத்தி வழக்கு பதிவு செய்து உடலை உடல்கூறு பரிசோதனைக்காக அரசு ஆஸ்பத்திரிக்கு அனுப்பி வைத்தனர்.
