தென்காசி:
தென்காசி மாவட்டத்தில் பணிபுரியும் போலீசார் மற்றும் அவர்களின் குடும்பத்தினர் பயன்பெறும் விதமாக போலீசார் பல்பொருள் அங்காடி கடந்த 15-ந் தேதி போலீஸ் டி.ஜி.பி. சைலேந்திர பாபு காணொலி காட்சி வாயிலாக திறந்து வைத்தார்.
இதைத் தொடர்ந்து மாவட்ட போலீஸ் சூப்பிரண்டு கிருஷ்ணராஜ் பல்பொருள் அங்காடியில் அமைந்துள்ள பொருட்கள், போலீசார் பெற்றுக் கொள்ளும் முறை, அதன் விலைப்பட்டியல் மற்றும் பொருட்களை வாங்க வருபவர்கள் நேரத்தை வீணடிக்காமல் குறைவான நேரத்தில் எளிதாக வாங்கும் விதமாக நடைமுறையை ஏற்படுத்துவது போன்ற செயல்பாடுகள் குறித்து ஆய்வு மேற்கொண்டார். உடன் டிஎஸ்பி மணிமாறன் , ஆயுதப்படை இன்ஸ்பெக்டர் மார்ட்டின் ஆகியோர் உடன் இருந்தனர்.
