திருச்சி:
திருச்சி உறையூர் ராமலிங்க நகர் 3-வது கிராஸ் முதல் மெயின் ரோடு பகுதியைச் சேர்ந்தவர் ராமகிருஷ்ணன். இவரது மகன் கோபாலகிருஷ்ணன் (வயது 17). இவர் அண்ணாமலை நகரில் உள்ள ஒரு பள்ளியில் 11-ம் வகுப்பு படித்து வருகிறார். கடந்த 4-ந் தேதி பள்ளிக்குச் சென்ற கோபாலகிருஷ்ணன் பின்னர் வீடு திரும்பவில்லை. இது குறித்து அவரது தந்தை ராமகிருஷ்ணன் உறையூர் போலீசில் புகார் செய்தார். புகாரின் பேரில் இன்ஸ்பெக்டர் ராஜா வழக்குப்பதிவு செய்து விசாரணை நடத்தி வருகிறார்.
