திருச்சி,
திருச்சி பாலக்கரை தர்மநாதபுரத்தை சேர்ந்தவர் ஜெபமாலை ராஜ் (வயது 45). இவரது மனைவி ரேணுகாதேவி (41). இவர் கட்டிட வேலைக்கு சென்று வந்தார். இதில் அவரது நடத்தையில் கணவனுக்கு சந்தேகம் ஏற்பட்டது. இதனால் கணவன், மனைவிக்கு இடையே தகராறு ஏற்பட்டு வந்துள்ளது.இந்த நிலையில் ரேணுகாதேவி உறையூர் மின்னப்பன் தெரு பகுதியில் நடந்து சென்று கொண்டிருந்தார். அப்போது மீண்டும் கணவன் மனைவிக்கு இடையே தகராறு ஏற்பட்டது. இதில் ஆத்திரமடைந்த ஜெபமாலைராஜ், ரேணுகா தேவியின் கழுத்தின் இடது பகுதியில் பிளோடல் கிழித்து விட்டார். இதையடுத்து லேசான காயத்துடன் ரேணுகாதேவி திருச்சி அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார்.இந்த சம்பவம் குறித்து ரேணுகா தேவி உறையூர் போலீசில் புகார் கொடுத்தார். புகாரின் பேரில் போலீசார் ஜெபமாலை ராஜ் மீது வழக்குப்பதிவு செய்து விசாரித்து வருகின்றனர்
