திருச்சி,
திருச்சி மாவட்டம் மண்ணச்சநல்லூர் அய்யம்பாளையம் பஜார் பகுதியைச் சேர்ந்தவர் சிதம்பரநாதன், கூலித் தொழிலாளி. இவர் வழக்கம் போல் காலையில் தனது வீட்டை பூட்டி விட்டு மனைவியுடன் தோட்டத்து வேலைக்கு புறப்பட்டு சென்றார். அப்போது வீட்டின் சாவியை ஜன்னல் ஓரத்தில் வைத்து விட்டு சென்றனர். பின்னர் மதியம் சாப்பிடுவதற்காக வீடு திரும்பினர்.அப்போது வீட்டின் கதவு திறந்து கிடப்பதை கண்டு அதிர்ச்சி அடைந்தனர். உள்ளே சென்று பார்த்தபோது பீரோவில் வைத்திருந்த ரூ.5 ஆயிரத்து 250 பணம் திருடப்பட்டது தெரியவந்தது.பின்னர் அக்கம் பக்கத்தில் விசாரித்தபோது ஒரு ஒரு மர்மப் பெண் வீட்டிலிருந்தே வெளியே வருவதை பார்த்ததாக தெரிவித்தனர்.உடனே இது பற்றி சிதம்பரநாதனின் மனைவி சுலோச்சனா மண்ணச்சநல்லூர் போலீசில் புகார் செய்தார். அதன் பேரில் போலீசார் வழக்கு பதிவு செய்து லால்குடி அரியூர் காளியம்மன் கோவில் தெரு பகுதியை சேர்ந்த மேனகா காந்தி (வயது 32) என்ற பெண்ணை கைது செய்தனர்.
