திருச்சி,
திருச்சி மாவட்டம் சமயபுரம் இந்திரா காலனி பகுதியை சேர்ந்தவர் ராஜாராமன் (வயது 67). இவரது பேத்தியான 17 வயது சிறுமி ஒருவர் திருச்சியில் உள்ள ஒரு தனியார் மருத்துவமனையில் பயிற்சி நர்சாக பணியாற்றி வந்தார். நேற்று முன்தினம் வழக்கம்போல் வேலைக்கு புறப்பட்டு சென்ற அவர் பின்னர் வீடு திரும்பவில்லை. உறவினர்கள் மற்றும் தோழிகள் வீடுகளில் விசாரித்தனர். ஆனால் எந்த தகவலும் கிடைக்கவில்லை. அதைத் தொடர்ந்து ராஜாராமன் சமயபுரம் போலீசில் புகார் செய்தார். போலீசார் மாயமான பயிற்சி நர்சை தேடி வருகின்றனர்.
