திருச்சி,
நாடு முழுவதும் யு.பி.எஸ்.சி. சிவில் சர்வீஸ் முதன்மை தேர்வுகள் இன்று (ஞாயிற்றுக்கிழமை) நடைபெற்றது. தமிழகத்தில் சென்னை, கோவை, திருச்சி, மதுரை, வேலூர் ஆகிய நகரங்களில் இந்த தேர்வு நடந்தது.திருச்சி மாவட்டத்தில் மாநகர் மற்றும் புறநகரில் 14 மையங்களில் இந்த தேர்வுகள் இன்று நடந்தன. இந்த மையங்களில் மட்டும் 5 ஆயிரத்து 31 பேர் தேர்வு எழுத விண்ணப்பித்தனர். இவர்களில் 2,820 பேர் மட்டுமே தேர்வு எழுத வந்திருந்தனர். 2,211 பேர் தேர்வெழுத வரவில்லை. ஒட்டுமொத்தமாக விண்ணப்பித்தவர்களில் 56 சதவீதத்தினர் மட்டுமே தேர்வை எதிர்கொண்டு இருக்கிறார்கள். 44 சதவீதம் பேர் தேர்வெழுத முன் வரவில்லை. இது அதிகப்படியான சதவீதமாக உள்ளது.
