திண்டுக்கல்:
திண்டுக்கல் அடுத்துள்ள சென்னமநாயக்கன்பட்டியை சேர்ந்த முருகேசன் மகன் அஜித்(24). இவருக்கும் அதேபகுதியை சேர்ந்த 17 வயது மாணவி ஒருவருக்கும் பழக்கம் ஏற்பட்டது. மாணவியை தனிமையில் அழைத்து பாலியல் தொந்தரவு செய்து அதனை தனது செல்போனில் படம் பிடித்தார்.
இதேபோல தாடிக்கொம்பு அருகில் உள்ள காமாட்சிபுரத்தை சேர்ந்த தங்கராஜ்(26) என்பவரும் அந்த மாணவியை தனிமையில் அழைத்து பாலியல் தொந்தரவு கொடுத்து அதனை செல்போனில் பதிவு செய்தார். இந்த காட்சிகளை காட்டி அடிக்கடி மாணவியை அழைத்து இருவரும் பாலியல் தொந்தரவு செய்து வந்துள்ளனர்.
இதுகுறித்து மாணவி தாடிக்கொம்பு போலீசில் புகார் அளித்தார். அதன்பேரில் போலீசார் அஜித்தை கைது செய்தனர். அவரது செல்போனில் ஏராளமான ஆபாச காட்சிகள் இருந்ததை கண்டு அதிர்ச்சி அடைந்தனர்.
மேலும் தலைமறைவான தங்கராஜை தேடி வருகின்றனர்.
