தொண்டர்கள் தங்கள் தலைவரை தானைத்தலைவன் என்று புகழ்வது உண்டு. அதற்கு என்ன பொருள் தெரியுமா..?
தற்போது, முப்படைகள் என்பது, தரைப்படை, கடற்படை, வான்படை என்பதாகும். இதைப்போல சங்க காலத்திலும் முப்படைகள் இருந்தன.. ஆனால் அப்போதைய மூன்று படைகளும் தரைப்படைகளாகவே இருந்தன. அவை தானைப் படை , யானைப் படை , குதிரைப் படை.
தானைப்படை என்பது காலாட்படை ஆகும். குதிரைப் படையும், யானைப் படையும் காலாட்படையில் வராது.
போர்க் கருவிகளைத் தாங்கி, நடந்து சென்று போரிடுகிற வீர்களை மட்டும் கொண்ட படையே தானைப் படை ஆகும். தானே செல்லும் படை என்பதனால், தானைப் படை என அழைக்கப்பட்டது. "தானைத் தலைவன்" என்றால், தானைப் படையின் தலைவன் எனப் பொருள்.
யானை மீதும், குதிரை மீதும் போர்வீரகள் அமர்ந்து செல்லும் யானைப் படை, குதிரைப் படை என்கிற மற்ற இருவகைப்படைகளும், போர் வீரகளால் செலுத்தப்படும் படைகளாகும்.
குதிரைகளைக் கொண்டே தேர்கள் இயக்கப்படுவதால், "தேர்ப்படை" என்பது குதிரைப் படையின் உட்பிரிவாகவே கருதப்பட்டது.
-தபூசங்கர்
