கடந்த அக்டோபர் 7 அன்று, இஸ்ரேல் மீது நடைபெற்ற தாக்குதலுக்கு பதிலடி கொடுக்கும் விதமாக, பாலஸ்தீனத்தை சேர்ந்த ஹமாஸ் அமைப்பினரை முற்றிலுமாக ஒழிக்க போவதாக கூறி பாலஸ்தீனம் முழுவதும் அவர்களை தேடி பழி வாங்கி வருகிறது. இஸ்ரேல்-ஹமாஸ் அமைப்பினரின் போர் 10-வது நாளாக தீவிரமடைந்து வரும் நிலையில், பல்வேறு நாடுகளைச் சேர்ந்த பலரும் உயிரிழந்துள்ளதாக தகவல் வெளியாகியுள்ளது.
அதன்படி, இஸ்ரேலில் ஹமாஸ் அமைப்பினர் நடத்திய தாக்குதலில் 41 நாடுகளை சேர்ந்தவர்கள் உயிரிழப்பு மற்றும் மாயமாகியுள்ளதாக இஸ்ரேல் வெளியுறவுத் துறை அமைச்சகம் தெரிவித்துள்ளது.
இதில், 105 பேர் கொல்லப்பட்டுள்ளதாகவும், 103 பேர் மாயமாகியுள்ளனர் என்றும் இது ஹமாஸூக்கும், இஸ்ரேலுக்கும் இடையேயான போர் மட்டுமல்ல, இது உலகளாவிய போர் என்றும் குறிப்பிடப்பட்டுள்ளது.
மேலும், எந்தெந்த நாட்டை சேர்ந்தவர்கள் மாயம் மற்றும் உயிரிழப்பு என்ற தகவலையும் இஸ்ரேல் வெளியிட்டுள்ளது. அதில், இந்தியா, இலங்கை, நேபாளம், சீனா, அர்ஜென்டினா, ஆஸ்திரேலியா, பிரேசில், கனடா, ஜெர்மனி, அமெரிக்கா, ரஷியா, தென்னாப்பிரிக்கா, ஸ்பெயின், தாய்லாந்து, பிரிட்டன், உக்ரைன் ஆகிய நாட்டைச் சேர்ந்தவர்கள் உயிரிழப்பு மற்றும் மாயமாகியுள்ளதாக கூறப்பட்டுள்ளது.
