கிண்டலடித்த பாஜக வேட்பாளர்: ஆங்கிலத்தில் பதவியேற்று பதிலடி கொடுத்த தேசியவாத காங்கிரஸ் எம்.பி

மகாராஷ்டிரா மாநிலம் அகமத் நகர் பாராளுமன்ற தொகுதியில் வென்ற பெற்ற தேசியவாத காங்கிரஸ் வேட்பாளர் நிலேஷ் தனியன்தேவ் லங்கே ஆங்கிலத்தில் உறுதிமொழி கூறி பதவி ஏற்றுக் கொண்டார்.

ஏழ்மையான குடும்பத்தைச் சேர்ந்த லங்கேவுக்கு ஆங்கிலம் அவ்வளவாக பேச வராத நிலையில் தேர்தல் பிரச்சாரத்தின் போது இவர் எதிர்த்துப் போட்டியிட்ட பாஜக வேட்பாளர் சுஜய் பாட்டில் உங்களால் ஆங்கிலத்தில் பேச முடியுமா என கேலி செய்தார்.

மேலும் லங்கே ஆங்கிலத்தில் பேசினால் தேர்தலில் போட்டியிடுவதில் இருந்து தான் வாபஸ் பெற்று கொள்வதாக நக்கல் அடித்து இருந்தார்.

ஆனால் நடந்து முடிந்த தேர்தலில் பாஜக வேட்பாளரை விட 28,000 வாக்குகள் அதிகம் பெற்று லங்கே வெற்றி பெற்றார்.

தேர்தலில் வெற்றி பெற்ற பின்னர் பேசிய லங்கே, பாராளுமன்றத்தில் ஆங்கிலத்தில் தான் பேசுவேன், கேள்வி கேட்பேன் என்று பேசியிருந்தார்.