என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
இந்தியா
ஜம்மு-காஷ்மீர் தேர்தல்: முதற்கட்ட வேட்பாளர் பட்டியலை வெளியிட்ட வேகத்தில் திரும்பப்பெற்றது பாஜக
- ஜம்மு-காஷ்மீரில் 60 முதல் 70 தொகுதிகளில் போட்டியிட திட்டமிட்டுள்ளது.
- கோட்டையாக விளங்கும் ஜம்முவில் காங்கிரஸ் கூட்டணியை முறியடிக்க திட்டம்.
ஜம்மு- காஷ்மீர் மாநிலத்தில் செப்டம்பர் 18, செப்டம்பர் 25, அக்டோபர் 1-ந்தேதி என மூன்று கட்டங்களாக சட்டமன்ற தேர்தல் நடைபெற இருக்கின்றன. இன்று காலை பாஜக 44 தொகுதிகளுக்கான முதற்கட்ட வேட்பாளர் பட்டியலை வெளியிட்டது. இந்த நிலையில் அறிவித்த வேகத்தில் அந்த வேட்பாளர் பட்டியலை திரும்பப் பெற்றுள்ளது. அதற்குப்பதிலாக புதிய வேட்பாளர் பட்டியல் விரைவில் வெளியிடப்படும் என பாஜக தெரிவித்துள்ளது.
முன்னதாக, 44 இடங்களுக்கான முதற்கட்ட வேட்பாளர் பட்டியலை இன்று காலை வெளியிட்டுள்ளது. முதல் கட்ட தேர்தல் நடைபெறும் 15 இடங்களுக்கும், 2-ம் கட்ட தேர்தல் நடைபெறும் 10 இடங்களுக்கும் 3-ம் கட்ட தேர்தல் நடைபெறும் 19 இடங்களுக்கும் வேட்பாளர் பட்டியலை வெளியிட்டது.
ஜம்முவில் உள்ள பாம்போர், ஷோபியான், அனந்த்நாக் மேற்கு, அனந்த்நாக் உள்ளிட்ட ஜம்மு பகுதி தொகுதிகளுக்கும் வேட்பாளர்களை வெளியிட்டது.
அரவிந்த் குப்தா, யுத்வீர் சேதி முறையே ஜம்மு மேற்கு மற்றும் ஜம்மு கிழக்கு தொகுதி வேட்பாளர்களாக நிறுத்தப்பட்டுள்ளனர். தேவேந்திர சிங் ராணா நக்ரோட்டா தொகுதியில் நிறுத்தப்பட்டுள்ளார். அர்ஷித் பாத் ராஜ்போரா தொகுதியிலும், ஜாவித் அகமது குவாத்ரி ஷோபியான் தொகுதியிலும், முகமது ரபீக் வாணி அனந்த்நாக் மேற்கு தொகுதியிலும், சயத் வசாஹாத் அனந்த்நாக் தொகுதியிலும், சுஷ்ரி ஷகுன் பரிஹார் கிஷ்த்வார் தொகுதியும், கஜய சிங் ராணா தோடா தொகுதியிலும் நிறுத்தப்படுவதாக தெரிவித்தது.
BJP releases a list of 44 candidates for the upcoming Jammu & Kashmir assembly elections Arshid Bhat to contest from Rajpora, Javed Ahmad Qadri to contest from Shopian, Mohd. Rafiq Wani to contest from Anantnag West. Adv. Syed Wazahat to contest from Anantnag, Sushri Shagun… pic.twitter.com/s7dXVe8Fdm
— ANI (@ANI) August 26, 2024
ஜம்மு-காஷ்மீர் மாநிலத்தில் கடைசியாக 2014-ல் தேர்தல் நடைபெற்றது. பாஜக 25 இடங்களில் வெற்றி பெற்றது குறிப்பிடத்தக்கது.
காங்கிரஸ் கட்சி பரூக் அப்துல்லாவின் தேசிய மாநாடு கட்சியுடன் கூட்டணி வைத்துள்ளது. தனது கோட்டையாக விளங்கும் ஜம்முவில் அந்த கூட்டணியின் திட்டத்தை முறியடிக்க பாஜக அனைத்து வகையிலான முயற்சிகளையும் மேற்கொள்ளும்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்