அரியானா மாநிலத்தில் 90 இடங்களுக்கு நடைபெற்ற தேர்தலில் பதிவான வாக்குகள் எண்ணப்பட்டு வருகின்றன. முதலில் காங்கிரஸ் முன்னணி பெற்ற நிலையில் தற்போது பா.ஜ.க. 49 தொகுதிகளிலும், காங்கிரஸ் 35 தொகுதிகளிலும் முன்னணி பெற்றுள்ளன.
ஆனால் வாக்கு வித்தியாசம் மிகவும் குறைவான சதவீதமாக உள்ளது. காங்கிரஸ் மற்றும் சிபிஎம் கட்சிகள் இணைந்து இதுவரை 41 சதவீதம் வாக்குகள் பெற்றுள்ளன. பா.ஜ.க. 39 சதவீதம் வாக்குகள் பெற்றுள்ளன. 2 சதவீதம் வாக்குகள் மட்டுமே வித்தியாசமாக உள்ளது.
இந்தியன் தேசிய லோக் தளம் (INLD) மற்றும் பகுஜன் சமாஜ் கட்சி (BSP) இணைந்து கிட்டத்தட்ட 6.6 சதவீத வாக்குகளை பெற்று வருகிறது. எனவே வாக்குகள் அதிகம் பெற்றாலும் காங்கிரஸ் அணி சற்று பின் தங்குகிறது.
துஷ்யந்த் சவுதாலாவுடன் அணி சேர்ந்து போட்டியிட்ட சந்திரசேகர ஆசாத் கட்சி பெரிய தாக்கம் எதுவும் ஏற்படுத்தியதாக தெரியவில்லை. மற்றவர்கள் 10சதவீதம் பெறுகிறார்கள். அதில் சுயேச்சைகளும், ஆசாத் அணியும் அடக்கம். எனவே காங்கிரஸ் கடைசி நேரத்தில் தப்பிப் பிழைக்க வாய்ப்பு இருக்கிறது. அப்படி பிழைத்தால் அதன் பின் சுவாரஸ்யமான ஆட்டம் நடக்கலாம்.
