பயங்கரவாதம் இல்லாத இந்தியாவை உருவாக்க மோடி அரசு உறுதிபூண்டுள்ளது: அமித் ஷா

இரண்டு நாள் பயங்கரவாத தடுப்பு மாநாடு இன்று தொடங்குகிறது. இதனைத் தொடர்ந்து இந்திய உள்துறை மந்திரி அமித் ஷா வெளியிட்டுள்ள எக்ஸ் பக்க பதிவில் கூறியிருப்பதாவது:-

சிறிதும் சகித்து கொள்ளாத கொள்கையோடு பயங்கரவாதம் இல்லாத இந்தியாவை உருவாக்குவதில் பிரதமர் மோடி தலைமையிலான அரசு உறுதிபூண்டுள்ளது. இரண்டு நாள் பயங்கரவாத தடுப்பு மாநாடு நாளை (இன்று) தொடங்குகிறது.

நாளை தொடங்கும் இரண்டு நாள் பயங்கரவாத எதிர்ப்பு மாநாடு, நாட்டின் பாதுகாப்பு கோட்டையை வலுப்படுத்த அமைப்புகளிடையே ஒருங்கிணைப்பை மேலும் மேம்படுத்தும். நாளை மாநாட்டில் உரையாற்ற ஆவலுடன் காத்திருக்கிறோம்.

இவ்வாறு அமித் ஷா தெரிவித்துள்ளார்.