நம்பிக்கையில்லா தீர்மானம் மீது 8-ந்தேதி முதல் விவாதம் - லைவ் அப்டேட்ஸ்

மத்திய அரசுக்கு எதிராக எதிர்க்கட்சிகள் மக்களவையில் நம்பிக்கையில்லா தீர்மானம் கொண்டுவர உள்ளது என மேற்கு வங்காள காங்கிரஸ் தலைவர் ஆதிர் ரஞ்சன் சவுத்ரி தெரிவித்துள்ளார்.

மக்களவை நாளைக்கு ஒத்திவைப்பு

பல மாநில கூட்டுறவு சங்கங்கள் (திருத்தம்) மசோதா மக்களவையில் நிறைவேறியது. அதன்பின்னர் மக்களவை நாளைக்கு ஒத்திவைக்கப்பட்டது. 

மணிப்பூர் விவகாரம் குறித்து விவாதிப்பதற்கு அரசு தயாராக உள்ளது என்று இரு அவைகளின் எதிர்க்கட்சித் தலைவர்களுக்கு கடிதம் எழுதியுள்ளதாக மக்களவையில் உள்துறை மந்திரி அமித் ஷா தெரிவித்தார்.

எதிர்க்கட்சிகளின் கடும் அமளிக்கு இடையே, பல மாநில கூட்டுறவு சங்கங்கள் (திருத்தம்) மசோதா- 2022, மக்களவையில் விவாதத்திற்கு எடுத்துக்கொள்ளப்பட்டது.

சத்தீஸ்கரில் உள்ள தனுஹர், தனுவர், கிசான், சான்ரா, சவோன்ரா மற்றும் பிஞ்சியா சமூகங்களை பட்டியலிடப்பட்ட பழங்குடியினர் (ST) பட்டியலில் சேர்ப்பதற்கான சட்ட மசோதா மாநிலங்களவையில் நிறைவேறியது. அதன்பின்னர் நாள் முழுவதும் அவை ஒத்திவைக்கப்பட்டது.

மாநிலங்களவை 2 மணி வரை ஒத்திவைப்பு

மணிப்பூர் விவகாரம் குறித்து மாநிலங்களவையில் அமித் ஷா பேசுவார். நாங்கள் ராஜஸ்தான், சத்தீஸ்கர், மேற்கு வங்காளம், மணிப்பூர் மாநிலங்களில் நடைபெற்றுள்ள பெண்களுக்கு எதிரான கொடுமைகள் குறித்து பேச விரும்புகிறோம் என பியூஸ் கோயல் தெரிவித்துள்ளார்.

மணிப்பூர் விவகாரம் தொடர்பாக அரசின் மீது நம்பிக்கையில்லா தீர்மானம் கொண்டு வர எதிர்க்கட்சிகள் முடிவு

மாநிலங்களவை மதியம் 12 மணி வரை ஒத்திவைப்பு

பாராளுமன்றத்தில் எதிர்க்கட்சிகள் அமளி - மக்களவை நாளை காலை 11 மணி வரை ஒத்திவைப்பு