பாராளுமன்ற குளிர்கால கூட்டத்தொடர்- லைவ் அப்டேட்ஸ்

எதிர்க்கட்சிகள் பல்வேறு பிரச்சனைகள் எழுப்பி அமளியில் ஈடுபட்டதால் மக்களவையும் நாள் முழுவதும் ஒத்திவைக்கப்பட்டுள்ளது.

அதானி, மணிப்பூர் விவகாரம் தொடர்பாக எதிர்க்கட்சிகள் அமளியில் ஈடுபட்டதால் மாநிலங்களவை நாள் முழுவதும் ஒத்திவைப்பு. புதன்கிழமை காலை 11 மணிக்கு மீண்டும் அவை கூடும் என அறிவிப்பு

எதிர்க்கட்சி தலைவர்கள் கூட்டத்தில் மணிப்பூரில் நடைபெற்ற கற்பழிப்பு, கொலை மற்றும் அங்கு சட்டம் ஒழங்கு சீர்குலைந்துள்ளது தொடர்பாக பிரச்சனை எழுப்பும்படி கேட்டுள்ளோம். நாட்டில் வேலைவாய்ப்பின்மை அதிகரித்துள்ளது. காற்று மாசு வடக்கு இந்தியாவை மிக மிக மோசமான நிலைக்கு தள்ளியுள்ளது. இது தொடர்பாக கேள்வி எழுப்பவும் கேட்டுள்ளதாக காங்கிரஸ் தலைவர் பிரமோத் திவாரி தெரிவித்துள்ளார்.

மறைந்த மக்களவை உறுப்பினர்களுக்கு அஞ்சலி தெரிவித்த நிலையில், அவை 12 மணி வரை ஒத்திவைப்பு

ஒடிசா மாநிலத்திற்கு சிறப்பு அந்தஸ்து வழங்க வேண்டும் என குரல் எழுப்புவோம் என்று அம்மாநில பிஜு ஜனதா தளம் கட்சி எம்.பி. சஸ்மித் பத்ரா தெரிவித்தார்.

இந்திய பாராளுமன்றத்தின் இந்த ஆண்டின் கடைசி கூட்டத் தொடரான குளிர்கால கூட்டத்தொடர் தொடங்கியது.

எதிர்க்கட்சி எம்.பி.க்கள் பாராளுமன்றத்திற்குள் விவாதம் நடத்த ஆர்வம் காட்டவில்லை. அவர்கள் தடையை ஏற்படுத்துவதன் மூலம் நேரத்தை வீணடிக்கின்றனர் என ஆர்.எல்.எம். எம்.பி. உபேந்திரா குஷ்வாஹா தெரிவித்துள்ளார்.

முக்கியமான பிரச்சனையில் இருந்து மத்திய அரசு நழுவி ஓடக்கூடாது என்பதுதான் என்னுடைய வேண்டுகோள் என காங்கிரஸ் எம்.பி. கவுரவ் கோகாய் தெரிவித்தார்.

காங்கிரஸ் தேசிய தலைவர் மல்லிகார்ஜூன கார்கே தலைமையில் எதிர்க்கட்சி தலைவர்கள் ஆலோசனை