மத்திய பட்ஜெட்: பொருளாதார நிபுணர்களுடன் பிரதமர் மோடி ஆலோசனை

புதுடெல்லி:

பாராளுமன்ற பட்ஜெட் கூட்டத்தொடர் வரும் 22-ம் தேதி முதல் ஆகஸ்ட் 12-ம் தேதி வரை நடைபெற உள்ளது. வரும் 23-ம் தேதி 2024-25-ம் ஆண்டுக்கான மத்திய பட்ஜெட்டை நிதி மந்திரி நிர்மலா சீதாராமன் தாக்கல் செய்கிறார்.

பாராளுமன்ற தேர்தல் காரணமாக இடைக்கால பட்ஜெட் மட்டுமே தாக்கல் செய்யப்பட்டிருந்த நிலையில், வரும் 23-ம் தேதி மத்திய பட்ஜெட் தாக்கல் செய்யப்பட உள்ளது. பிரதமர் மோடி மூன்றாவது முறையாக பதவி ஏற்றபின் தாக்கல் செய்யப்படும் முதல் பட்ஜெட் ஆகும்.

இந்நிலையில், 2024-25-ம் ஆண்டுக்கான பட்ஜெட் தொடர்பாக தலைநகர் டெல்லியில் பிரதமர் நரேந்திர மோடி தலைமையில் இன்று ஆலோசனை கூட்டம் நடைபெற்றது.

இந்தக் கூட்டத்தில் நிதி மந்திரி நிர்மலா சீதாராமன், நிதி ஆயோக் அதிகாரிகள் மற்றும் பொருளாதார நிபுணர்கள் பலரும் கலந்து கொண்டனர்.