மன்னிப்பு கேட்க வேண்டும்: ராகுல் காந்திக்கு நோட்டீஸ் அனுப்பிய பா.ஜ.க. தலைவர்

மும்பை:

மகாராஷ்டிர மாநிலம் பால்கர் மாவட்டத்தில் உள்ள வாக்காளர்களுக்கு பா.ஜ.க. தேசிய பொதுச்செயலர் வினோத் தாவ்டே கடந்த 19-ம் தேதி பண விநியோகம் செய்தார் என பகுஜன் விகாஸ் அகாதி குற்றம்சாட்டியது.

இதுதொடர்பாக அவர்மீது போலீசார் வழக்குப்பதிவு செய்தனர். இதுகுறித்த வீடியோவை காங்கிரஸ் வெளியிட்டது. இதனை வைத்து ராகுல் காந்தி பிரதமர் மோடியை விமர்சித்து இருந்தார்.

இந்நிலையில், இந்த விவகாரத்தில் எதிர்க்கட்சி தலைவர் ராகுல் காந்தி, காங்கிரஸ் தலைவர் மல்லிகார்ஜூன கார்கே, செய்தித் தொடர்பாளர் சுப்ரியா ஸ்ரீநாதே ஆகியோருக்கு வினோத் தாவ்டே வக்கீல் நோட்டீஸ் அனுப்பியுள்ளார்.

அதில், என் மீதான குற்றச்சாட்டு பொய். ஆதாரமற்றது. தவறான நோக்கத்துடன் சுமத்தப்பட்டது. பணம் கொடுத்த விவகாரத்தில் என் மீதான குற்றச்சாட்டுகளுக்கு காங்கிரஸ் தலைவர்கள் மன்னிப்பு கேட்க வேண்டும் அல்லது கிரிமினல் நடவடிக்கையை தொடர நேரிடும் என தெரிவித்துள்ளார்.