ஆஸ்திரேலியாவிற்கு எதிரான முதல் டெஸ்ட் போட்டியில் ஜெய்ஸ்வால் சதம் அடித்து அசத்தினார்

இந்தியா- ஆஸ்திரேலியா இடையிலான முதல் டெஸ்ட் பெர்த்தில் நடைபெற்று வருகிறது. டாஸ் வென்று முதலில் பேட்டிங் செய்த இந்தியா 150 ரன்னில் சுருண்டது.

பின்னர் முதல் இன்னிங்சை தொடங்கிய ஆஸ்திரேலியா இன்றைய 2-வது ஆட்டத்தில் 104 ரன்கள் எடுத்து ஆல்அவுட் ஆனது. பும்ரா 5 விக்கெட் வீழ்த்தினார்.

பின்னர் இந்தியா 2-வது இன்னிங்சை தொடங்கியது. ஜெய்ஸ்வால் மற்றும் கே.எல். ராகுல் ஆகியோர் தொடக்க வீரர்களாக களம் இறங்கினர். முதல் இன்னிங்சில் டக்அவுட் ஆன ஜெய்ஸ்வால் 2-வது இன்னிங்சில் சிறப்பாக விளையாடி சதம் அடித்து அசத்தியுள்ளார்.

204 பந்துகளில் 95 ரன்கள் அடித்திருந்த ஜெய்ஸ்வால் 205 ஆவது பந்தை சிக்சர் அடித்து சதத்தை பூர்த்தி செய்தார்.

2 ஆவது இன்னிங்சில் இந்தியா அணி தற்போது வரை 1 விக்கெட் இழப்பிற்கு 212 ரன்கள் அடித்து 258 ரன்கள் முன்னிலை பெற்றுள்ளது.