இந்தியா -நியூசிலாந்து அணிகள் மோதும் முதல் டெஸ்ட் போட்டி பெங்களூருவில் நடந்து வருகிறது. முதல் நாள் ஆட்டம் மழையால் கைவிடப்பட்ட நிலையில் 2-வது நாள் ஆட்டம் இன்று தொடங்கியது.
டாஸ் வென்று முதலில் பேட்டிங் ஆடிய இந்திய அணி 46 ரன்னில் ஆல் அவுட் ஆனது. இதனையடுத்து களமிறங்கிய நியூசிலாந்து அணி 2-ம் நாள் ஆட்ட நேர முடிவில் 3 விக்கெட்டுகளை இழந்து 180 ரன்கள் எடுத்துள்ளது.
இந்நிலையில் இந்திய அணியின் முன்னாள் கேப்டன் டோனியின் சாதனையை விராட் கோலி முறியடித்துள்ளார். அதன்படி சர்வதேச அளவில் இந்திய அணிக்காக டோனி 535 போட்டிகளில் விளையாடி உள்ளார். விராட் கோலி இந்த போட்டியில் விளையாடியதன் மூலம் 536 போட்டிகளில் விளையாடி இந்த பட்டியலில் 2-வது இடத்தை பிடித்துள்ளார்.
சர்வதேச அளவில் இந்திய அணிக்காக விளையாடிவர்கள் பட்டியலில் யாரும் நெருங்க முடியாத முதல் இடத்தில் சச்சின் டெண்டுல்கர் உள்ளார். அவர் 664 போட்டிகளில் விளையாடி உள்ளார் என்பது குறிப்பிடத்தக்கது.
