நீங்கள் தேடியது "கர்நாடக மாநிலம்"

பெங்களூரு:

கர்நாடக மாநில நீர்ப்பாசனத்துறை மந்திரி டி.கே.சிவக்குமார் உப்பள்ளியில் நிருபர்களுக்கு பேட்டி அளிக்கையில் கூறியதாவது:-

முதல்-மந்திரி பதவி மீது ஆசை இல்லை என்று சொல்வதற்கு நான் சன்னியாசி அல்ல. எல்லா முயற்சிகளையும் மேற்கொள்வேன். அதன் முடிவை இறைவன் பார்த்துக்கொள்வார். கடந்த ஆண்டு என்னுடைய பிறந்தநாளன்று சட்டசபை தேர்தல் முடிவுகள் வெளியானது.


பா.ஜனதாவினர் என்னை இலக்காக வைத்து செயல்படுகிறார்கள். அவர்கள் தங்களின் வேலையை செய்கிறார்கள். இதை தவறு என்று நான் சொல்லமாட்டேன். மாங்காய் பழமானால் மட்டுமே, அதை கல்லால் அடித்து விழவைக்க முடியும்.

சித்தராமையா பற்றி எச்.விஸ்வநாத் கூறிய கருத்தால், கூட்டணியில் எந்த பிரச்சினையும் ஏற்படாது. ராகுல் காந்தியின் வழிகாட்டுதல்படி நானும், சித்தராமையாவும் செயல்படுகிறோம். மீண்டும் முதல்-மந்திரியாவேன் என்று எடியூரப்பா சொல்கிறார். அதுபோல் ஒன்றும் நடைபெறாது.

இவ்வாறு டி.கே.சிவக்குமார் கூறினார்.

பெங்களூரு:


தவனகேரேவில் இருந்து பரமசாகரா நோக்கி செல்லும் அந்த பேருந்தில் வழக்கமாக பயணம் செய்யும் ஒரு ஆசிரியருடன் வந்த அந்த குரங்கு கடந்த முதல் தேதியன்று திடீரென்று ஸ்டீயரிங் மீது ஏறி அமர்ந்து கொண்டதாகவும், அதை விரட்ட முயற்சிக்காத டிரைவர் குரங்குடன் சேர்ந்து ஸ்டீயரிங்கை இயக்கி வாகனத்தை ஓட்டிச் சென்றதாகவும் கூறப்படுகிறது.

இந்நிலையில், அந்த பேருந்தில் பயணித்தவர்களின் உயிருக்கு ஆபத்தான முறையில் செயல்பட்டதற்காக அந்த பஸ் டிரைவர் தற்காலிகமாக பணியிடை நீக்கம் செய்யப்பட்டுள்ளார். #KSRTCbusdriver #Suspended

மங்களூரு:

சிரூர் மடத்தின் மடாதிபதி லட்சுமிவரதீர்த்த சுவாமி நேற்று திடீரென மருத்துவமனையில் மரணம் அடைந்தார். அவர் விஷம் வைத்து கொல்லப்பட்டிருக்கலாம் என்றும், எனவே உரிய விசாரணை நடத்த கோரியும் மடாதிபதியின் தம்பி போலீசில் பரபரப்பு புகார் அளித்துள்ளார்.

கர்நாடக மாநிலம் உடுப்பி மாவட்டம் சிரூரில் அமைந்துள்ளது சிரூர் மடம். பிரசித்திபெற்ற இந்த மடத்தின் 30-வது மடாதிபதியாக இருந்து வந்தவர் லட்சுமிவரதீர்த்த சுவாமி ஆவார். தற்போது 54 வயதான லட்சுமிவரதீர்த்த சுவாமிக்கு நேற்று முன்தினம் திடீரென உடல்நலக்குறைவு ஏற்பட்டது.

இதையடுத்து அவரை மடத்தில் இருந்தவர்கள் மீட்டு சிகிச்சைக்காக மணிப்பாலில் உள்ள தனியார் ஆஸ்பத்திரியில் சேர்த்தனர். அங்கு தீவிர சிகிச்சை அளித்தும் பலனின்றி நேற்று காலை 5 மணியளவில் அவருடைய உயிர் பிரிந்தது.

மரணம் அடைந்த லட்சுமிவரதீர்த்த சுவாமியின் உடல் நேற்று காலையில் பிரேத பரிசோதனை செய்யப்பட்டு பின்னர் அவருடைய சீடர்களிடம் ஒப்படைக்கப்பட்டது.

அவர்கள் மடாதிபதியின் உடலை சிரூர் மடத்தின் வளாகத்திலேயே வைத்து இறுதி அஞ்சலி செலுத்தினர். இதில் ஆயிரக்கணக்கான பக்தர்கள் கலந்து கொண்டு லட்சுமிவரதீர்த்த சுவாமிக்கு அஞ்சலி செலுத்தினர். அதைதொடர்ந்து இந்து சம்பிரதாய முறைப்படி அவரது உடலுக்கு இறுதிச்சடங்குகள் நடத்தப்பட்டது. அதையடுத்து மடத்தின் வளாகத்திலேயே லட்சுமிவரதீர்த்த சுவாமிகளின் உடல் அடக்கம் செய்யப்பட்டது.

அவரது உடல் அமர்ந்த கோலத்தில் வைக்கப்பட்டு, தங்க ஆபரணங்கள் அணிவித்து அடக்கம் செய்யப்பட்டது குறிப்பிடத்தக்கது.

இதற்கிடையே மடாதிபதி லட்சுமிவரதீர்த்த சுவாமியின் மரணத்தில் மர்மம் இருப்பதாகவும், அவர் விஷம் வைத்து கொல்லப்பட்டிருக்கலாம்? என்றும், இதுகுறித்து உரிய விசாரணை நடத்தப்பட வேண்டும் என்றும் கூறி மடாதிபதியின் தம்பி லதாவியா ஆச்சார்யா, இரியடுக்கா போலீசில் பரபரப்பு புகார் செய்துள்ளார். அதன்பேரில் போலீசார் வழக்குப்பதிவு செய்து தீவிரமாக விசாரித்து வருகிறார்கள்.

மடாதிபதி லட்சுமிவரதீர்த்த சுவாமிகளின் மரணம் குறித்து அவரது வக்கீல் ரவிகிரண் முருடேஷ்வர் கூறுகையில்‘ மடாதிபதியின் மரணத்தில் சந்தேகமும், மர்மமும் உள்ளது. கடந்த மாதம் அவர் எனது அலுவலகத்துக்கு வந்தார். அப்போது புத்திகே மடத்தை மட்டும் விட்டுவிட்டு, கிருஷ்ணா மடம் உள்பட மற்ற 6 மடங்கள் மீதும் கிரிமினல் வழக்கு தொடர வேண்டும் என்று அவர் என்னிடம் கூறினார். அதற்கான பணிகளில் நான் ஈடுபட்டு இருந்த நிலையில் அவர் திடீரென மரணம் அடைந்து உள்ளார். அவரது மரணத்தில் உள்ள மர்ம முடிச்சுகளை அவிழ்த்து உண்மை நிலையை கண்டறிய வேண்டும்‘ என்றார்.

இதற்கிடையே மடாதிபதி லட்சுமிவரதீர்த்த சுவாமிக்கு சிகிச்சை அளித்த தனியார் மருத்துவமனை கண்காணிப்பாளர் டாக்டர் அவினாஷ் ஷெட்டி நிருபர்களிடம் கூறுகையில், ‘மடாதிபதி திடீரென ரத்த வாந்தி எடுத்ததாகவும், மூச்சுதிணறல் ஏற்பட்டதாகவும் கூறி அவரை எங்கள் ஆஸ்பத்திரியில் சேர்த்தனர். அவருக்கு எங்களால் முடிந்த வரையில் சிறப்பாக சிகிச்சை அளித்தோம். ஆனால் சிகிச்சை பலனின்றி அவர் மரணம் அடைந்து விட்டார். அவர் சாப்பிட்ட உணவில் விஷம்(நச்சுத்தன்மை) கலக்கப்பட்டதா? என்பது குறித்து ஆய்வு செய்ய அவருடைய ரத்த மாதிரியை சேகரித்து சோதனைக்கு அனுப்பி உள்ளோம். இதுபற்றி போலீசுக்கு தெரிவித்து உள்ளோம்’ என்றார்.

இந்த நிலையில் பெங்களூருவில் முதல்-மந்திரி குமாரசாமியும், துணை முதல்-மந்திரி பரமேஸ்வரும் நிருபர்களிடம் கூறுகையில், ‘சிரூர் மடாதிபதி லட்சுமிவரதீர்த்த சுவாமிகள் திடீரென மரணம் அடைந்துள்ளார். அவரது மறைவுக்கு எங்களது இரங்கலை தெரிவித்து கொள்கிறோம். அவருடைய மரணத்தில் மர்மம் இருப்பதாக பலர் சந்தேகங்களை எழுப்பி உள்ளனர். அதனால் தேவைப்பட்டால் இதுபற்றி உரிய விசாரணை நடத்தப்படும். மடாதிபதியின் மரணத்தில் உள்ள சந்தேகங்களுக்கு விரைவில் முடிவு தெரியவரும்’ என்றனர்.  #HeadPontiff #LakshmivaraTeertha #tamilnews 

பெங்களூரு:

தமிழகத்தைச் சேர்ந்த சிலர் சுற்றுலா சென்றுவிட்டு கர்நாடக மாநிலம் வழியாக ஊர் திரும்பிக்கொண்டிருந்தனர். இன்று காலை அவர்கள் சித்ரதுர்கா அருகே ஜவனஹள்ளி என்ற இடத்தில் வந்தபோது, அவர்களின் கார் மீது சரக்கு லாரி மோதியது.

இந்த விபத்தில் கார் முற்றிலும் நொறுங்கி சேதமடைந்தது. காருக்குள் இருந்த 5 பேர் உடல் நசுங்கி உயிரிழந்தனர்.

விபத்து குறித்து தகவல் அறிந்த போலீசார் சம்பவ இடத்திற்கு வந்து சடலங்களை மீட்டு பிரேத பரிசோதனைக்கு அனுப்பி வைத்தனர்.

விபத்தில் இறந்தவர்கள் ஆம்பூரைச் சேர்ந்தவர்கள் என்பது முதற்கட்ட விசாரணையில் தெரியவந்துள்ளது. #KarnatakaAccident

தஞ்சாவூர்:

உலகின் முதல் தொழில் விவசாயம். இந்த தொழிலில் தமிழனே தலைசிறந்து விளங்குகிறான்.

தமிழகத்தில் ஒரு காலத்தில் முப்போகம் விளைந்த நெல்ரகங்கள் வெளி மாநிலங்களுக்கு ஏற்றுமதி செய்யப்பட்டு வந்தது. இயற்கை விவசாயத்தை தமிழக விவசாயிகள் கடைபிடித்து வந்தனர். இதனால் மண் வளம் பாதுகாக்கப்பட்டது.

இந்தநிலையில் வெளிநாட்டு வேளாண் முறைகள் தமிழகத்தில் அறிமுகப்படுத்தப்பட்டு குட்டை நெல் ரகங்கள் அதிகமாக பயிரிடப்பட்டன. இதனால் கால்நடைகளுக்கு தீவனங்கள் கிடைக்காத நிலை ஏற்பட்டது. தமிழகத்தின் நெற்களஞ்சியமாக தஞ்சை, திருவாரூர், நாகை மாவட்டங்கள் திகழ்ந்தன. லட்சக்கணக்கான ஏக்கரில் சம்பா சாகுபடி செய்து வந்தன. காவிரி நீர் பாசனத்தில் முப்போகம் விளைச்சல் கண்ட டெல்டா மாவட்டங்கள் செல்வச் செழிப்போடு திகழ்ந்தன.

கடந்த சில ஆண்டுகளாக பருவ மழை பொய்த்து விட்டதால் டெல்டா மாவட்டங்களில் ஒரு போக சாகுபடி கூடசெய்வது அரியதாகி விட்டது. வறட்சியின் காரணமாக வயல்வெளிகள் பாலைவனம் போல காட்சி தருகின்றன.

தமிழகத்தில் நெல் சாகுபடி வீழ்ச்சியை சந்தித்த நிலையில் கர்நாடகாவில் தடுப்பணைகள் கட்டப்பட்டு வருகிறது. அங்கு ஒரு போகம் விளைந்த இடங்களில் தற்போது முப்போகம் சாகுபடி நடைபெற்று வருகின்றன.

இதனால் அங்கு விளையும் நெல் அரவை செய்யப்பட்டு தமிழகத்திற்கு அதிகளவில் கொண்டு வரப்பட்டு விற்பனை செய்யப்படுகின்றன.

தமிழகத்தில் விளையும் நெல் அரசு மூலம் கொள்முதல் செய்யப்பட்டு பொது வினியோக திட்டத்திற்கு அரிசி அனுப்பி வைக்கப்பட்டு வருகிறது.

இதனால் விவசாயிகளுக்கு உரிய விலை கிடைக்காத நிலைமை ஏற்பட்டு உள்ளது. அதே நேரத்தில் கர்நாடகா பொன்னி அரிசி பெரும் அளவில் வியாபாரிகளால் கொள்முதல் செய்யப்பட்டு தமிழகத்தின் அனைத்து பகுதிகளிலும் விற்பனை செய்யப்படுகின்றன. இந்த அரிசி கிலோ ரூ.45 முதல் ரூ.55 வரை விற்பனை செய்யப்படுகிறது. சுருக்கமான சொன்னால் கர்நாடகா மாநிலத்தில் விளையும் பொன்னி ரக அரிசிகளின் விற்பனை சந்தையாக தமிழகம் முற்றிலும் மாறி விட்டது.


தமிழகத்தில் வறட்சி காரணமாக வேலை இல்லாத நிலை ஏற்பட்டதால் டெல்டா விவசாயிகள் கேரளாவிற்கு சென்று கட்டிட தொழிலில் ஈடுபட்டு வருகின்றனர். மேலும் திருப்பூர், ஈரோடு, கோவை ஆகிய நகரங்களில் செயல்படும் டெக்ஸ்டைல்ஸ் நிறுவனங்களில் தொழிலாளர்களாக வேலை பார்த்து வருகின்றனர். அதில் கிடைக்கும் சொற்ப வருமானத்தை கொண்டு குடும்ப செலவுகளை செய்து வருகின்றனர்.

டெல்டா மாவட்டங்களில் தற்போது 75 சதவீத விவசாயிகள் வேலையின்றி தவிக்கின்றனர். கிராம புறங்களில் வசிப்பவர்கள் 100 நாள் வேலை திட்டத்தில் பணிபுரிந்து வருகின்றனர். இதன் எதிரொலியாக 25 சதவீத விவசாய பணிகளுக்கும் ஆட்கள் கிடைக்காத அவல நிலை ஏற்பட்டுள்ளது. எனவே நாற்று நடவு முதல் அறுவடை வரை எந்திரங்களை கொண்டே செய்து வருகின்றனர். வயல்களில் ரசாயன உரங்களை அதிகமாக பயன்படுத்தியதால் மண் வளம் குறைந்து விட்டது.

இதுமட்டுமின்றி மணல் கடத்தல் அதிகளவில் நடந்து வருகிறது. டெல்டா மாவட்டங்களில் இருந்து கடத்தப்படும் மணல்கள் சென்னை, கோவை, கேரளா உள்பட பல்வேறு இடங்களுக்கும் கொண்டு செல்லப்படுகின்றன. ஒரு மாட்டு வண்டி அளவிலான மணல் ரூ.2 ஆயிரம் வரை விற்பனை செய்யப்படுகிறது. வருமானம் இல்லாத விவசாயிகள் மாட்டு வண்டியில் மணல் எடுத்து விற்கும் நிலைக்கு தள்ளப்பட்டு உள்ளனர்.

விவசாயத்தில் கர்நாடகா முன்னேறி வரும் நிலையில் தமிழகம் வீழ்ச்சியை சந்தித்து வருகிறது. இந்த சந்தர்ப்பத்தை பயன்படுத்தி ரியல் எஸ்டேட் தொழிலில் ஈடுபடுபவர்கள் விவசாய நிலங்களை அடிமாட்டு விலைக்கு வாங்கி வீட்டு மனைகளாக்கி வருகின்றனர். இதன்காரணமாக எதிர்கால தலைமுறைக்கு அரிசி கிடைக்காத நிலை ஏற்படும். அரிசிக்காக வெளி மாநிலங்களையும், வெளி நாடுகளையும் எதிர்பார்க்கும் கட்டாயம் ஏற்படும். எனவே எதிர்கால நலனை கருத்தில் கொண்டு விவசாய நிலங்களை பாதுகாக்க நடவடிக்கை எடுக்க வேண்டும். காவிரி தண்ணீரை வழங்காத கர்நாடகாவின் அரிசியை தமிழ்நாட்டில் வாங்குவதை புறக்கணிக்க வேண்டும்.

தமிழகம் மற்றும் கேரளாவில் தான் அரிசியை அதிகமாக பயன்படுத்துகின்றனர். வட மாநிலங்களில் வசிக்கும் மக்கள் கோதுமையை தான் முக்கிய உணவாக கொண்டுள்ளனர். தமிழகத்தில் கர்நாடகா அரிசியை வியாபாரிகளும், பொதுமக்களும் வாங்காமல் புறக்கணித்தால் கர்நாடகா அரிசி விலை வீழ்ச்சி அடையும். இதனால் கர்நாடகா விவசாயிகள் ஆர்வம் காட்டாத சூழ்நிலை ஏற்படும்.

அப்போது தான் தமிழகத்துக்கு வழக்கம் போல் கர்நாடகா தண்ணீர் தரும் முடிவுக்கு வரும். இதற்கு தமிழர்களிடம் ஒற்றுமை உணர்வு ஏற்பட்டால் தான் சாத்தியமான சூழ்நிலை உருவாகும்.  #TNfarmers #delta