நீங்கள் தேடியது "Human Rights Organization"

திருவனந்தபுரம்:

கேரள மாநிலம் திருவனந்தபுரத்தில் உள்ளது பூஜப்புரா மத்திய சிறை. இங்கு ஏராளமான தண்டனை மற்றும் விசாரணை கைதிகள் அடைக்கப்பட்டுள்ளனர். இந்த சிறையில் லியோன் ஜான்சன் என்பவர் கடந்த 4 மாதங்களாக கைதியாக அடைக்கப்பட்டுள்ளார்.

சம்பவத்தன்று காலை லியோன் ஜான்சன் சிறையில் வழங்கப்பட்ட உணவை சாப்பிட்டுள்ளார். அப்போது அதில் முடி கிடந்ததாக கூறப்படுகிறது. அதுகுறித்து உணவு சப்ளைக்கு பொறுப்பு வகிக்கும் சிறை அதிகாரியிடம் அவர் கேட்டுள்ளார்.

அதில் ஆத்திரமடைந்த அந்த அதிகாரி, கொதிக்கும் தண்ணீரை லியோன் ஜான்சனின் மீது ஊற்றினார். இதில் படுகாயமடைந்த அவர் வலியால் துடித்தார். அவர் சிறையில் உள்ள மருத்துவமனையில் சேர்க்கப்பட்டுள்ளார். அங்கேயே அவர் சிகிச்சை பெற்று வருகிறார்.

லியோன் ஜான்சனின் மீது சிறை அதிகாரி கொதிக்கும் தண்ணீரை ஊற்றியது குறித்து அவரது நண்பர், கேரள மாநில மனித உரிமைகள் ஆணையத்தில் புகார் செய்தார். அதன் பேரில் விசாரணை நடத்தப்பட்டது.

கைதி மீது கொதிக்கும் தண்ணீரை ஊற்றிய சம்பவம் குறித்து மனித உரிமைகள் ஆணையம் வழக்கு பதிந்தது. இந்த வழக்கு பி.எம்.ஜி. சந்திப்பில் உள்ள மனித உரிமை ஆணைய அலுவலகத்தில் விசாரணைக்கு எடுத்துக் கொள்ளப்படுகிறது.

இந்த சம்பவம் குறித்து விசாரணை நடத்தி 15 நாட்களுக்குள் அறிக்கை சமர்ப்பிக்குமாறு புஜப்புரா மத்திய சிறையின் சூப்பிரண்டுக்கு, மாநில மனித உரிமை ஆணைய செயல் தலைவர் பைஜூ நாத் உத்தரவிட்டிருக்கிறார் என்பது குறிப்பிடத்தக்கது.

தென்திருப்பேரை:

அரியானா மாநிலத்தை தலைமை இடமாக கொண்டு செயல்படும் மனித உரிமைகள் இன்டர்நேஷனல் அமைப்பின் தமிழ்நாடு, கர்நாடகா மாநில பொறு ப்பாளர்கள் ஆலோசனை கூட்டம் சேலத்தில் நந்தி பவனில் நடைபெற்றது. இந்த அமைப்பு மத்திய அரசின் தேசிய மனித உரிமை ஆணையத்தின் கீழ் பதிவு பெற்ற அமைப்பாகும். இந்த அமைப்பு 1948-ம் ஆண்டு தொடங்கப்பட்டது.

நிகழ்ச்சிக்கு மேற்கு மண்டல தலைவர் நந்தி குமார் தலைமை தாங்கினார். தென்மண்டல இயக்குநர் அலுபினிஷ் பிரேம்குமார் முன்னிலை வகித்தார். தென்மண்டல தலைவர் ஆரோக்கியபழம், பெங்களூரு மண்டல தலைவர் வாஸ்து பிரகாஷ் ஆகியோர் சிறப்பு விருந்தினராக கலந்து கொண்டனர்.

நிகழ்ச்சியில் தென் மண்டல இயக்குநர் அலுபினிஷ் பிரேம்குமார் கூறியதாவது:-

இந்த அமைப்பு மத்திய அரசின் தேசிய மனித உரிமை ஆணையத்தின் கீழ் பதிவு செய்யப்பட்டுள்ளது. காவல்துறை, அரசுத்துறை, அரசு பொதுத்துறை மற்றும் தனியார் நிறுவனங்களில் பொதுமக்களுக்கு எவ்வித மனித உரிமை மீறல்கள் எந்த சூழல்களில் ஏற்பட்டாலும் அவர்களுக்கு ஆலோசனைகள் வழங்கி நேர்மைக்காக கை கொடுப்பதே இந்த அமைப்பின் நோக்கம் என கூறினார். மேலும் சிறப்பாக மக்கள் நல பணிபுரிந்த சேலம் நந்தி குமாருக்கு 'மனித நேயர் விருது' வழக்கப்பட்டது.

நிகழ்ச்சியில் தமிழ்நாடு மாநிலம் ஈரோடு மாவட்ட பொறுப்பாளர்கள், நாமக்கல் மாவட்ட பொறுப்பாளர்கள், தென் மண்டலம் திருநெல்வேலி, தூத்துக்குடி, கன்னியாகுமரி மாவட்ட பொறுப்பாளர்கள், சென்னை மாவட்ட பொறுப்பாளர்கள், கோவை மாவட்ட பொறுப்பாளர்கள், மதுரை மாவட்ட பொறுப்பாளர்கள், கர்நாடகா மாநிலம் பெங்களூரு மண்டல பொறுப்பாளர்கள் ஆகியோர் நிகழ்ச்சிகள் கலந்து கொண்டு சிறப்பித்தனர். நிகழ்ச்சியினை சிறுபான்மை பிரிவு தலைவர் பாபு நெகமியா தொகுத்து வழங்கி னார். மேற்கு மண்டல பொதுமக்கள் தொடர்பு அலுவலர் நந்தினி நன்றி கூறினார்.