நீங்கள் தேடியது "ஆணையம்"

தேனி:

தமிழகத்தில் கடந்த மாதம் 18-ந் தேதி பாராளுமன்ற தேர்தல் நடைபெற்றது. இந்த தேர்தலில் தேனி பாராளுமன்ற தொகுதிக்குட்பட்ட பெரியகுளம் அருகே வடுகபட்டியில் உள்ள வாக்குச்சாவடி எண் 197-ல் மாதிரி வாக்குப்பதிவு முடிந்த பின்னர் யாருக்கு வாக்களித்தோம் என்பதை காட்டும் விவி பேட் கருவியில் இருந்து ஒப்புகை சீட்டை அகற்றாமல் தொடர்ந்து வாக்குப்பதிவு நடந்தது.

இது பற்றி அதிகாரிகள் விசாரணை நடத்தினர். இந்த மையத்தில் 1405 வாக்குகள் உள்ளன. இதில் ஆண்கள் 702 பேரும், பெண்கள் 703 பேரும் வாக்காளர்களாக உள்ளனர். இதில் ஆண்கள் 450 பேர், பெண்கள் 454 பேர் என 904 பேர் வாக்களித்திருந்தனர்.

இதே போல ஆண்டிப்பட்டி அருகே பாலசமுத்திரம் வாக்குச்சாவடி எண் 67-ல் மாதிரி வாக்குப்பதிவு அழிக்காமலும், ஒப்புகை சீட்டை அகற்றாமலும் வாக்குப்பதிவு நடந்தது. இந்த மையத்தில் 644 ஆண்கள், 611 பெண்கள் என 1255 பேர் வாக்காளர்களாக உள்ளனர். இதில் 523 ஆண்கள், 500 பெண்கள் என மொத்தம் 1023 பேர் வாக்களித்திருந்தனர். இதனால் இந்த இரண்டு வாக்குச்சாவடிகளிலும் மறு வாக்குப்பதிவு நடைபெற உள்ளது.

இதற்காக 2 வாக்குச்சாவடிகளிலும் பலத்த போலீஸ் பாதுகாப்பு போடப்பட்டுள்ளது. 100-க்கும் மேற்பட்ட போலீசார் பாதுகாப்புக்கு நிறுத்தப்பட்டுள்ளார்கள். தேர்தல் பணியில் ஈடுபடும் அலுவலர்கள் இன்று மாலையே வாக்குச்சாவடிகளுக்கு செல்ல அறிவுறுத்தப்பட்டுள்ளனர். வாக்குச்சாவடிகளுக்கு இன்று காலை வாக்குப்பதிவு எந்திரங்கள் மற்றும் விவி பேட் எந்திரம் அனுப்பி வைக்கப்பட்டது. மாவட்ட தேர்தல் அதிகாரியும் கலெக்டருமான பல்லவி பல்தேவ் வாக்குச்சாவடிகளை பார்வையிட்டு ஆய்வு செய்தார்.

திருவள்ளூர்:

திருவள்ளூர் மாவட்ட தேர்தல் அதிகாரியும், கலெக்டருமான மகேஸ்வரி ரவிக்குமார் தலைமையில், நிலையான கண்காணிப்பு மற்றும் தேர்தல் பறக்கும் படை குழுக்கள் ஆலோசனைக் கூட்டம் நடந்தது. அப்போது மாவட்ட கலெக்டர் மகேஸ்வரி கூறியதாவது:-

நடைபெறவுள்ள பாராளுமன்ற தேர்தலையொட்டி, ஆணையத்தின் உத்தரவின்படி, திருவள்ளுர் மாவட்டத்தில் 30 நிலையான கண்காணிப்புக் குழுக்கள் மற்றும் 30 பறக்கும் படை குழுக்கள் அமைக்கப்பட்டுள்ளன. இந்த குழுக்கள் தேர்தல் தேதி அறிவிக்கப்பட்ட நாளிலிருந்து தேர்தல் முடியும் வரை பணியிலிருக்க வேண்டும்.

நிலையான கண்காணிப்பு குழுவில் ஒரு மாஜிஸ்திரேட் அந்தஸ்து வழங்கப்பட்ட அலுவலர் தலைமையில் மூன்று காவல் துறையினர் மற்றும் வீடியோ கிராபர் ஒருவர் உள்பட 5 பேர் கொண்ட குழு பணி செய்ய வேண்டும்.

தேர்தல் பறக்கும்படை குழுவில் கூடுதலாக ஒரு காவலரும் கொண்ட 6 பேர் பணி செய்ய வேண்டும். இக்குழுக்களின் முக்கிய பணிகளாக தேர்தல் நடத்தை விதிமுறைகளுக்கு மாறான செயல்பாடுகளை கண்காணித்து கிடைக்கப் பெறும் புகார்களுக்கு உடனுக்குடன் நடவடிக்கை எடுக்கப்பட வேண்டும்,

முக்கியமாக வாக்காளர்களுக்கு லஞ்சம் கொடுக்கும் நோக்கத்தில் ஆதாரம் இல்லாமல் ரொக்க பணம் ரூ. 50 ஆயிரத்திற்கு மேல், ரூ. 10 ஆயிரத்திற்கு மேல் மதிப்புள்ள, வெளிமாநில மதுவகைகள், எரிசாராயம், கள்ளச்சாராயம் ஆகியவற்றை கொண்டு சென்றால், முறைப்படி பறிமுதல் செய்து தக்க நடவடிக்கை எடுக்க வேண்டும்.

உரிமம் இல்லாத மற்றும் உரிமம் பெற்ற ஆயுதங்கள் மற்றும் வெடிபொருட்களை கொண்டு செல்வதை கண்காணித்து பிடித்து முறைப்படி பறிமுதல் செய்து தக்க நடவடிக்கை எடுக்க வேண்டும். சமூக விரோதிகளின் நடமாட்டத்தை கண்காணித்து, குற்றம் நடைபெறுவதை தடுத்தல், அனைத்து பெரிய ஊர்வலங்கள், பொதுக்கூட்டங்கள் ஆகியவற்றை வீடியோ பதிவு செய்து கண்காணித்தல் வேண்டும்.

அதிகாரிகளுக்கு தகவல் தெரிவிக்கும் பொருட்டு, தேர்தல் பறக்கும் படை குழுவினர் பறிமுதல் செய்த பணம் மற்றும் பொருட்களை படிவம் ஏ-யின் மூலமும், தேர்தல் நடத்தை விதிமுறைகளை மீறிய செயல்களுக்காக எடுக்கப்பட்ட நடவடிக்கையினை படிவம் பி-யின் மூலமும் தெரிவித்தல் வேண்டும். பெண்களை சோதனை செய்யும்போது ஒரு பெண் அலுவலர் மூலமாக மட்டுமே சோதனை செய்ய வேண்டும்.

இவ்வாறு அவர் கூறினார்.

சென்னை:

கர்நாடக அரசு காவிரி ஆற்றின் குறுக்கே மேகதாதுவில் ரூ.5,912 கோடி செலவில் புதிய அணை கட்டுவதற்கான சாத்திய கூறு அறிக்கையை மத்திய நீர்வள ஆணையத்தில் தாக்கல் செய்திருந்தது.

இந்த அறிக்கையை ஏற்றுக் கொண்ட நீர்வள ஆணையம் விரிவான திட்ட அறிக்கையை தயாரித்து அளிக்குமாறு கர்நாடக நீர்ப்பாசனைத்துறைக்கு உத்தரவிட்டது.

இதற்கு தமிழகத்தில் கடும் எதிர்ப்பு கிளம்பியது. அனைத்து கட்சியினரும் கண்டனம் தெரிவித்துள்ளனர்.

இந்த நிலையில் காவிரி மேலாண்மை ஆணையத்தின் 2-வது கூட்டம் டெல்லியில் நேற்று முன்தினம் நடை பெற்றது. கூட்டத்துக்கு மத்திய நீர்வள ஆணையத்தின் தலைவரும், காவிரி மேலாண்மை ஆணைய தலைவருமான மசூத் உசேன் தலைமை தாங்கினார்.

இதில் தமிழக அரசு சார்பிலும், கர்நாடக அரசு சார்பிலும் அதிகாரிகள் கலந்து கொண்டனர். அப்போது தமிழக பொதுப் பணித்துறை முதன்மை செயலாளர் எஸ்.கே.பிரபாகர் தனது எதிர்ப்புகளை பதிவு செய்தார்.

தமிழக அரசு தெரிவித்த நியாயமான மறுப்புகளை பரிசீலிக்காமலும் தமிழ்நாடு மற்றும் இதர படுகை மாநிலங்களின் அனுமதி பெறாமலும் மேகதாது அணைக்கான விரிவான திட்ட அறிக்கையை கர்நாடகம் தயாரிப்பதற்கு மத்திய நீர்வள பாசன ஆணையம் அனுமதி அளித்தது காவிரி நடுவர் மன்ற இறுதி ஆணை மற்றும் சுப்ரீம் கோர்ட்டு தீர்ப்பை மீறும் செயலாகும். எனவே இந்த அனுமதியை ஆணையம் ரத்து செய்து திரும்ப பெற வேண்டும் என்று கூறி இருந்தார்.

ஆனால் காவிரி மேலாண்மை ஆணைய தலைவர் மசூத் உசேன் நிருபர்களிடம் கூறுகையில், மேகதாது அணை விவகாரத்தில் விரிவான திட்ட அறிக்கையை தாக்கல் செய்வதற்கு மட்டுமே மத்திய நீர்வள ஆணையம் அனுமதி அளித்து உள்ளது. ஆனால் அணை கட்ட அனுமதிக்க வில்லை என்று கூறினார்.

எனவே மத்திய நீர்வள ஆணைய தலைவர் மசூத் உசேன் முன்னுக்கு பின் முரணாக இங்கே ஒரு கருத்தும் அங்கே ஒரு கருத்தும் தெரிவித்து வருவதால் அவர் மீது கோர்ட்டு அவமதிப்பு வழக்கு தொடர தமிழக அரசு முடிவு செய்துள்ளது.

காவிரி மேலாண்மை ஆணைய தலைவர் பதவி, மத்திய நீர்வள ஆணைய தலைவர் பதவி ஆகிய இரண்டு பதவியிலும் மசூத் உசேன் நீடிக்க கூடாது என்றும் ஏதாவது ஒரு பதவியில் தான் அவர் இருக்க வேண்டும் என்றும் தமிழக அரசு சுப்ரீம் கோர்ட்டில் முறையிட உள்ளது.

இதற்காக சட்டநிபுணர்களுடன் தமிழக அரசு ஆலோசித்து வருகிறது. #MekedatuDam #TNGovt