நீங்கள் தேடியது "வெள்ளையன்"

ஈரோடு:

தமிழ்நாடு வணிகர் சங்கங்களின் பேரவை மாநில தலைவர் வெள்ளையன் ஈரோட்டில் நிரூபர்களுக்கு பேட்டி அளித்தார் அப்போது அவர் கூறியதாவது:-

வணிகர்கள் மிகுந்த வலிமையோடு செயல்பட வேண்டிய காலம் இது அந்நிய முதலீடு ஆன்லைன் வர்த்தகம் போன்றவை சில்லரை வணிகர்களுக்கு பெரும் சவாலாக உள்ளது சில்லறை வணிகர்கள் கடைப் பிடிக்க முடியாத பல்வேறு சட்டங்கள் தற்போது நடைமுறையில் உள்ளது சில்லறை வணிகர்கள் அன்னிய முதலீட்டாளர்கள் உடன் போட்டி போடும் சூழ்நிலை ஏற்பட்டுள்ளது.

முன்பு ஆங்கிலேயர்கள் எவ்வாறு நமது நாட்டிற்குள் நுழைந்தார்களோ அதேபோன்று அந்நிய முதலீடு ஆன்லைன் வர்த்தகம் வந்துள்ளது.

பெட்ரோல் டீசல் விலை உயர்வை கண்டித்து லாரி ஸ்டிரைக் நடந்து வருகிறது இதை ஆட்சியாளர்களுக்கு இடித்துரைக்கும் வகையில் லாரி உரிமையாளர்கள் ஈடுபட்டு வருகின்றனர் இப்போதாவது பெட்ரோல் டீசல் விலையை மத்திய மாநில அரசுகள் குறைக்க முன்வர வேண்டும்.

நெடுஞ்சாலைக்கு சுங்க கட்டணம் வசூலிப்பது கொடுமையானது இது புதிய முறை கொள்ளை ஆகும் எனவே மத்திய அரசு இதை கைவிட வேண்டும் லாரி உரிமையாளர் கோரிக்கையை அரசு ஏற்க வேண்டும் லாரி உரிமையாளர்கள் போராட்டத்திற்கு தமிழ்நாடு வணிகர் சங்கங்களின் பேரவை முழு ஆதரவை தெரிவித்துக் கொள்கிறது.

இவ்வாறு வெள்ளையன் கூறினார்.  #vellaiyan

கோவை:

தமிழ்நாடு வணிகர் சங்கங்களின் பேரவை கோவை மாவட்ட தலைவர் மாணிக்கம், மாவட்ட செயலாளர் முத்துராஜ், பொருளாளர் பொன். தங்கமாரியப்பன்,மாநில துணை பொது செயலாளர் அபிபுல்லா ஆகியோர் விடுத்துள்ள அறிக்கையில் கூறி இருப்பதாவது-

தூத்துக்குடி ஸ்டெர்லைட் ஆலையை மூடக்கோரி கடந்த 100 நாட்களுக்கு மேலாக பல போராட்டத்தை தூத்துக்குடியை சேர்ந்த பொதுமக்கள், பல்வேறு அமைப்புகள்,வணிகர் சங்கங்கள் செய்து கொண்டிருக்கிறது.

நேற்று போராட்டத்தில் ஈடுபட்டு வந்த அப்பாவி பொதுமக்கள் 12 பேரை காவல் துறையினர் சுட்டு வீழ்த்தியதற்கும் அதற்கு துணை போன தமிழக அரசை கண்டித்து நாளை (24-ந் தேதி) முழு கடையடைப்பு நடத்த மாநில தலைவர் வெள்ளையன் வேண்டு கோள்விடுத்துள்ளார்.

இதனை ஏற்று கோவையில் நாளை காலை 6 மணி முதல் மாலை 6 மணி வரை கடையடைப்பு நடத்துவது என முடிவு செய்யப்பட்டுள்ளது.

இதற்கு அரசியல் கட்சிகள், தொண்டு நிறுவனங்கள், அனைத்து வணிகர் சங்கங்கள் ஆதரவு தெரிவித்துள்ளன.

இவ்வாறு அவர்கள் கூறி உள்ளனர்.

சென்னை:

தமிழ்நாடு வணிகர் சங்கங்களின் பேரவை தலைவர் த.வெள்ளையன் சென்னையில் இன்று நிருபர்களுக்கு பேட்டி அளித்தார்.

சில்லரை வணிகத்தில் அந்நிய நேரடி முதலீட்டை அனுமதிப்பது சில்லரை வணிகத்தை சீரழிக்கும் செயல் ஆகும். லட்சோப லட்சம் சிறுவணிகர்களின் வாழ்தாவாரத்தையும், வாழ்க்கை முறையையும் சின்னா பின்னாமாக்கி விடும்.

எனவேதான் அந்நிய நேரடி முதலீட்டை கடுமையாக எதிர்த்து வருகிறோம். அமெரிக்காவின் வால்மார்ட் நிறுவனம் தமிழகத்தில் கால் ஊன்ற முயற்சித்த போது வணிகர்களை திரட்டி போராடினோம். அப்போதைய முதல்-அமைச்சர் ஜெயலலிதா இந்த வி‌ஷயத்தில் வணிகர்களுக்கு துணையாக நின்றது மறக்க முடியாதது.

அன்று விரட்டப்பட்டு முன் வாசல் வழியாக வெளியேறி வால்மார்ட் நிறுவனம் இன்று இந்திய ஆன்-லைன் வர்த்தக நிறுவனமான பிளிப்கார்ட்டின் 77 சதவீத பங்குகளை வாங்கி பின் வாசல் வழியாக நுழைந்து சில்லரை வணிகத்தை ஒட்டு மொத்தமாக கைப்பற்ற பார்க்கிறது. மத்திய அரசு இதை அனுமதித்து இருப்பது கண்டிக்கத்தக்கது.

உள்நாட்டு வணிகத்தின் மீதும், வணிகர்கள் மீதும் உண்மையில் அக்கறையிருந்தால் பிளிப்கார்ட்- வால்மார்ட் உடன்பாட்டை மத்திய அரசு ரத்து செய்ய வேண்டும். பன்னாட்டு நிறுவனங்களை இந்தியாவிற்குள் நுழைய அனுமதிக்க கூடாது. உலக வர்த்தக ஒப்பந்தத்தில் இருந்து இந்தியா விலக வேண்டும். வால்மார்ட் நிறுவனத்தை இந்தியாவிற்குள் நுழைய வணிகர்கள் அனுமதிக்கமாட்டோம். ஆன்லைன் வணிகத்தில் நுழைந்த வால்மாட்டை விரட்டி அடிப்போம்.

தேச விரோத வர்த்தக செயல்பாடுகளை மத்திய அரசு உன்னிப்பாக கவனித்து தடுத்து நிறுத்த வேண்டும். இல்லை என்றால் வணிகர் நலன் காக்க தமிழ்நாடு வணிகர் சங்க பேரவை நேரடியாக களம் இறங்க வேண்டிய கட்டாயம் ஏற்படும் என்பதை எச்சரிக்கிறோம்.

இவ்வாறு த.வெள்ளையன் கூறினார். #tamilnews