நீங்கள் தேடியது "slug 107583"

திருப்பதி:

தெலுங்கானா மாநிலம் ஸ்ரீசைலம் அடுத்த சூர்யாபேட்டையை சேர்ந்தவர் மாதவி (வயது 34). இவருக்கு கார்த்திக் (18) என்ற மகன் உள்ளார். மாதவி கடந்த 2 ஆண்டுகளாக கேன்சர் நோயால் அவதிபட்டு வந்தார்.

இதற்காக ஐதராபாத்தில் உள்ள அரசு ஆஸ்பத்திரியில் சிகிச்சை பெற்று வந்தும் குணமடையாததால் வாழ்க்கையில் விரக்தி அடைந்த மாதவி தன்னுடைய மகன் கார்த்திக்குடன் ஸ்ரீசைலம் மலை பகுதியில் உள்ள சாட்சி கணபதி கோவிலுக்கு நேற்று வந்தார்.

பின்னர் தான் தயாராக கொண்டு வந்த பூச்சி மருந்தை குளிர்பானத்தில் கலந்து தன்னுடைய மகன் கார்த்திக்கு கொடுத்து விட்டு தானும் குடித்தார்.

பின்னர் தனது உறவினர்களுக்கு போன் செய்து எனக்கு கேன்சர் நோய் உள்ளதால் நான் இனி பிழைக்க மாட்டேன். அதனால் நானும் என்னுடைய மகனும் பூச்சி கொல்லி மருந்து குடித்து விட்டதாக கூறிவிட்டு போனை ஸ்விட்ச் ஆப் செய்துவிட்டார்.

இதுகுறித்து உறவினர்கள் ஸ்ரீசைலம் போலீசாருக்கு தகவல் கொடுத்தனர். இதையடுத்து சம்பவம் இடத்திற்கு சப்-இன்ஸ்பெக்டர் சின்னய்யா மற்றும் போலீசார் விரைந்த வந்து மயங்கி கிடந்த தாய் மகனை மீட்டு அரசு ஆஸ்பத்திரிக்கு கொண்டு சென்றனர். அங்கு இவர்களை சோதனை செய்த டாக்டர்கள் இருவரும் ஏற்கனவே இறந்து விட்டதாக கூறினர்.

இது குறித்து போலீசார் வழக்கு பதிவு செய்து விசாரணை நடத்தி வருகின்றனர்.

காடையாம்பட்டி:

சேலம் மாவட்டம் காடையாம்பட்டியை அடுத்த அக்ரஹாரம் பகுதியில் நூறு ஏக்கர் பரப்பளவில் ஏரி உள்ளது. இந்த ஏரி முழுவதும் கருவேலை மரம் நிறைந்துள்ளது. இந்த மரங்களை ஓமலூர் பகுதியை சேர்ந்த ரமேஷ் என்பவர் டெண்டர் எடுத்து ஊட்டி பகுதியை சேர்ந்த நபருக்கு மொத்தமாக விற்பனை செய்தாக கூறப்படுகிறது.

இந்த மரங்களை வெட்ட 10-க்கும் மேற்பட்ட குடும்பங்கள் ஏரி பகுதியில் குடிசை அமைத்து தங்கி வருகின்றனர். இவர்கள் மேச்சேரி, கொளத்தூர், கருகல்லூர் பகுதியை சேர்ந்தவர்கள். லாரிகள் வேலை நிறுத்தம் நடந்ததால் சில நாட்களாக மரம் வெட்டும் வேலை நிறுத்தபட்டது. மரம் வேலை தொடங்க நேற்று மாலை கருங்கல்லூர் பகுதியை சேர்ந்த மாது (60) என்பவர் அக்ரஹார ஏரிக்கு வந்ததாக கூறப்படுகிறது.

மாது மட்டும் தனியாக இரவில் ஏரிபகுதியில் இருந்தாக கூறப்படுகிறது. இன்று காலை வழக்கம் போல் மரம் வெட்ட மற்றவர்கள் ஏரிக்கு சென்றார். அப்போது மாது வெள்ளை துணியில் மரத்தில் தூக்கில் தொங்கியதை கண்டு அதிர்ச்சி அடைந்தார். இதுகுறித்து தீவட்டிபட்டி போலீசில் புகார் அளித்தனர். இது குறித்து போலீசார் விசாரணை நடத்தி வருகின்றனர்.

இவருக்கு அம்மாசி என்ற மனைவியும், சாமி என்ற மகன் உள்ளார். சாமி தீயனைப்புதுறையில் பணியாற்றி வருகிறார்.

சேலம்:

சேலம் கோரிமேடு ஜெயாநகர் பகுதியை சேர்ந்தவர் முருகன். இவர் மகன் தினேஷ்பாபு (வயது 35). கார் டிரைவர். இவரது மனைவி அருணா. இவர்களுக்கு திருமணம் ஆகி 4 ஆண்டுகள் ஆகிறது. குழந்தை இல்லை. தினேஷ் பாபு நேற்று மது அருந்தி வீட்டுக்கு வந்ததாக கூறப்படுகிறது. இதனால் கணவன் மனைவிக்கு இடையே தகராறு ஏற்பட்டது.

இதில் அருணா கோபத்தில் வீட்டின் வெளியே இருந்தார். அப்போது வீட்டை பூட்டி கொண்டு தினேஷ்பாபு தூக்கு போட்டு தற்கொலை செய்துகொண்டார்.

இது குறித்து அவரது மனைவி கன்னங்குறிச்சி போலீசாருக்கு தகவல் தெரிவித்தார். புகாரின் பேரில் போலீசார் அவரது உடலை மீட்டு அரசு ஆஸ்பத்திரிக்கு அனுப்பி வைத்தனர்.

பின்னர் விசாரணை நடத்தியதில் கடந்த ஒரு ஆண்டுகளுக்கு முன்பு திருச்சி மாவட்டம் லால்குடிக்கு காரில் 2 பேரை அழைத்து சென்றார். அப்போது கார் விபத்துக்குள்ளானது. இதில் 2 பேரும் பலியானார்கள். இந்த வழக்கு விசாரணை விரைவில் வர உள்ளது. இதற்கு பயந்து அவர் தற்கொலை செய்து கொண்டது தெரியவந்தது.