நீங்கள் தேடியது "பருவமழை"

சென்னை:

தமிழ்நாட்டில் இந்த ஆண்டு வடகிழக்கு பருவமழை பொய்த்துவிட்டது. மழை சீசன் முடிவடையும் தருவாயில் உள்ளது. பல மாவட்டங்களில் மழை குறைவாகவே பெய்துள்ளது. இருந்தாலும் சென்னையில் மிகவும் குறைந்த அளவே மழை பெய்து இருக்கிறது.

சென்னையில் இதுவரை வடகிழக்கு பருவமழை 84 செ.மீ. பெய்து இருக்க வேண்டும். ஆனால் 35 செ.மீ. மட்டுமே பெய்துள்ளது. கடந்த 2003-ம் ஆண்டில் 31 செ.மீ. மழைதான் பெய்து இருந்தது. தற்போது 15 ஆண்டுகளுக்கு பிறகு மீண்டும் அதே நிலை ஏற்பட்டுள்ளது.

பொதுவாக சென்னை மாவட்டத்தில் ஆண்டுக்கு சராசரியாக 140 செ.மீ. மழை பெய்ய வேண்டும். ஆனால் இந்த ஆண்டு 83 செ.மீ. மட்டுமே மழை பெய்துள்ளது.

கடந்த 2003-ம் ஆண்டில் 31 செ.மீ. மழையே பெய்து இருந்ததால் அப்போது கடுமையான குடிநீர் தட்டுப்பாடு உருவானது. அதே நிலை தற்போதும் ஏற்படும் என நிபுணர்கள் கருதுகின்றனர். சென்னைக்கு குடிநீர் தரும் ஏரிகள் மூலம் இன்னும் 2 மாதங்களுக்கு மட்டுமே தண்ணீர் வழங்க முடியும்.



எனவே குன்றத்தூர் அருகே உள்ள சிக்கராயபுரம் மற்றும் எருமையூரில் உள்ள கல்குவாரிகள், திருவள்ளூர் மாவட்டத்தில் உள்ள விவசாய கிணறுகள் மற்றும் ரெட்டேரி, அயனம்பாக்கம், பெரும்பாக்கம் ஏரிகளில் இருந்து குடிநீர் வழங்க சென்னை மெட்ரோ நிர்வாகம் ஏற்பாடு செய்துள்ளது.

மேலும் நெய்வேலியில் 240 மீட்டர் ஆழத்தில் 9 ஆழ்துளை குழாய் கிணறுகள் அமைத்து அதன்மூலம் சென்னைக்கு குடிநீர் கொண்டு வரவும் முடிவு செய்யப்பட்டுள்ளது.

பொன்னேரி:

வடகிழக்கு பருவ மழை முன் எச்சரிக்கை நடவடிக்கையாக பொன்னேரி ஆரணி ஆற்றின் கரைகள் பலப்படுத்தும் பணிகள் நடைபெற்று வருகின்றன.

ஆற்றின் இருபுறங்களிலும் முள்செடிகள் அகற்றப்பட்டு ஜே.சி.பி. எந்திரம் மூலம் கரைகள் பலப்படுத்தப்படுகின்றன.

மராமத்து பணிகள் முடிவடைந்துள்ள நிலையில் மீஞ்சூர் ஒன்றிய அலுவலகத்தில் 2 ஆயிரம் மணல் மூட்டைகளும் பொதுப்பணித்துறை அலுவலகத்தில் 2 ஆயிரம் மணல் மூட்டைகளும், சவுக்கு கம்புகளும் தயார் நிலையில் உள்ளன.

இந்த தகவலை பொதுப் பணித்துறை உதவி செயற்பொறியாளர் முருகன் தெரிவித்தார்.

மும்பை:

மராட்டியம், குஜராத், அசாம், மேற்கு வங்காளம் மற்றும் கேரளா மாநிலங்களில் பருவமழை கொட்டித் தீர்த்து வருகிறது. இதனால் அம்மாநிலங்களில் உள்ள பல பகுதிகள் வெள்ளத்தில் தத்தளிக்கின்றன. பல கிராமங்களில் மக்கள் வெள்ளத்தில் சிக்கி அவதிப்பட்டு வருகிறார்கள்.

பலத்த மழையால் மும்பை மாநகரம் சில நாட்கள் வெள்ளத்தில் ஸ்தம்பித்தது. இதேபோல் குஜராத், அசாம், மேற்கு வங்காளத்திலும் இயல்பை விட மழை அதிகமாக இருந்தது.

வெள்ளத்தில் சிக்கிய மக்கள் மீட்கப்பட்டு நிவாரண முகாமில் தங்க வைக்கப்பட்டுள்ளனர். இந்த பருவ மழைக்கு இதுவரை 465 பேர் பலியாகி இருக்கிறார்கள்.

பருவமழைக்கு மகாராஷ்டிராவில் 138 பேரும், கேரளாவில் 125 பேரும், மேற்கு வங்காளத்தில் 116 பேரும், குஜராத்தில் 52 பேரும், அசாமில் 34 பேரும் பலியாகி இருக்கிறார்கள்.

மகாராஷ்டிராவில் 22 மாவட்டங்களும், மேற்கு வங்காளத்தில் 22 மாவட்டங்களும், அசாமில் 21 மாவட்டங்களும், கேரளாவில் 14 மாவட்டங்களும், குஜராத்தில் 10 மாவட்டங்களும் கடுமையாக பாதிக்கப்பட்டுள்ளன.

அசாமில் அதிகபட்சமாக 10 லட்சம் மக்கள் வெள்ளத்தால் பாதிக்கப்பட்டுள்ளனர். அங்கு 12 தேசிய மீட்பு குழுவினர் மீட்பு பணியில் ஈடுபட்டுள்ளனர். மேற்கு வங்காளத்தில் 1.65 லட்சம் மக்களும், கேரளாவில் 1.43 மக்களும் பாதிக்கப்பட்டுள்ளனர். #Monsoon #flood