நீங்கள் தேடியது "பிஎஸ்என்எல்"

புதுடெல்லி:

அரசு தொலைத்தொடர்பு நிறுவனமான பி.எஸ்.என்.எல்., தனது வாடிக்கையாளர்களுக்கு அவ்வப்போது அதிரடி சலுகைகளை அறிவித்து வருகிறது. அந்த வகையில் சாதாரண தொலைபேசி (தரைவழி இணைப்பு) கொண்டிருக்கும் வாடிக்கையாளர்களுக்கு இலவச இணையதள வசதி அளிக்கும் திட்டத்தை பி.எஸ்.என்.எல். நிறுவனம் நேற்று அறிமுகம் செய்தது.

தரைவழி இணைப்பு பெற்றிருப்பவர்கள் இந்த இலவச அதிவேக பிராட்பேண்ட் வசதியை தொலைபேசி அழைப்பு மூலமே பெறலாம் என அறிவித்துள்ள பி.எஸ்.என்.எல். நிறுவனம், அதற்காக கட்டணமில்லா தொலைபேசி எண் ஒன்றையும் அறிவித்து உள்ளது. அதன்படி 18003451504 என்ற எண்ணில் அழைத்து இந்த இணையதள வசதியை பெற்றுக்கொள்ள முடியும்.

இந்த வசதியை பெறுவதற்கு இணைப்பு கட்டணம் எதுவும் தேவையில்லை என்பதும் குறிப்பிடத்தக்கது. இந்த திட்டத்தின் மூலம் தினந்தோறும் 5 ஜி.பி. டேட்டாக்களை பதிவிறக்கம் செய்யலாம்.

இதைப்போல ஏற்கனவே பிராட்பேண்ட் சேவையை பயன்படுத்தி வரும் வாடிக்கையாளர்களுக்கும் 25 சதவீத கேஷ்பேக் உள்ளிட்ட சலுகைகளும் அறிவிக்கப்பட்டு உள்ளன. #BSNL

சென்னை:

தி.மு.க. தலைவர் மு.க. ஸ்டாலின் தனது டுவிட்டர் பக்கத்தில் கூறி இருப்பதாவது:-

பி.எஸ்.என்.எல். நிறுவனம் தனது ஊழியர்களுக்கு சம்பளம் கொடுக்க முடியாமல் கடும் நிதி பற்றாக்குறையில் சிக்கித் தவித்து வருகிறது.

1.70 லட்சம் ஊழியர்களின் குடும்பங்கள் பாதிக்கப்பட்டு வரும் சூழ்நிலையில், தனியார் செல் நிறுவனங்களை தாங்கிப்பிடிக்கும் மத்திய அரசு பி.எஸ்.என்.எல். நிறுவனத்தை தகர்த்துக் கொண்டிருப்பது ஏன்?

இவ்வாறு அதில் கூறியுள்ளார்.  #BSNL #MKStalin

சிவகங்கை:

சிவகங்கை மற்றும் ராமநாதபுரம் மாவட்டத்தில் பி.எஸ்.என்.எல். நிறுவனத்தின் மூலம் ஆப்டிகல் பைபர் கேபிள் மூலம் அதிக வேகம் கொண்ட இன்டர் நெட் சேவை தொடங்கப்பட்டுள்ளது. சிவகங்கையில் உள்ள தொலைபேசி நிலையத்தில் இந்த சேவையை முதன்மை பொதுமேலாளர் ராஜம் தொடங்கி வைத்தார். இதுகுறித்து அவர் நிருபர்களிடம் கூறியதாவது:- மாவட்டத்தில் இதுவரை காப்பர் கம்பிகளின் மூலம் இன்டர்நெட் வசதி வழங்கப்பட்டுள்ளது. தற்போது ஆப்டிகல் பைபர் கேபிள் மூலம் அதிக வேகம் கொண்ட இன்டர் நெட் இணைப்பு வழங்கப்படுகிறது. தனியார் கேபிள் ஆபரேட்டர் மூலம் இந்த இணைப்புகள் வீடுகளுக்கு வழங்கப்படும்.

இதன் மூலம் தொலைபேசி, டி.வி., கம்ப்யூட்டர் ஆகியவைகளுக்கு இணைப்பு பெறலாம். இந்த சேவையை பெற விரும்புபவர்கள் சிவகங்கையில் உள்ள தொலைபேசி நிலையத்தில் பதிவு செய்ய வேண்டும். மேலும் இந்த திட்டத்தில் அதிவேக இணைப்பு பெறுபவர்களுக்கு ஒரு ஆண்டிற்கான வாடகையை மொத்தமாக செலுத்தும் போது 10 மாத வாடகையை செலுத்தினால் போதும். 2 மாத வாடகை தள்ளுபடியாகும். இந்த இணைப்பு கேட்பவர்களுக்கு அமைப்பு கட்டணம் கிடையாது. இந்த சேவையை எத்தனை பேர் பெற்றாலும், அனைவருக்கும் இணைப்பின் வேகம் குறையாமல் கிடைக்கும்.

தற்போது வெளிநாடுகளில் வசிப்பவர்கள் தங்கள் உறவினர்களுடன் பேச வாட்ஸ்-அப் அல்லது ஐ.எம்.ஓ. என்ற இணைப்பை பயன்படுத்தி பேசுகின்றனர். சவுதி அரேபியா உள்ளிட்ட பல நாடுகளில் வாட்ஸ்-ஆப் பயன்படுத்த தடை விதிக்கப்பட்டுள்ளது. இதுபோல் தடை உள்ள நாடுகளில் இருந்து பேச முடியாமல் அவதிப்படுபவர்களுக்கு உதவிட பி.எஸ்.என்.எல். நிறுவனம் விங்ஸ் வாய்ஸ் கால் என்ற ஒரு செயலியை உருவாக்கியுள்ளது. இந்த செயலியை ப்ளே ஸ்டோரில் இருந்து பதிவிறக்கம் செய்து கொள்ளலாம்.

இந்த செயலியை பயன்படுத்த வருடத்திற்கு ரூ.1099 கட்டணமாக செலுத்த வேண்டும். இதன் சிறப்பம்சம் என்னவென்றால் இந்த செயலி மூலம் வெளிநாடுகளில் உள்ளவர்களுடன் எளிதாக பேசலாம். மாவட்டத்தில் வசிக்கும் ஏராளமானவர்கள் வெளிநாடுகளில் வேலையில் உள்ளனர். அவர்கள் குறைந்த கட்டணத்தில் உறவினர்களுடன் பேச இந்த செயலி மிக பயனுள்ளதாக இருக்கும். இதில் சந்தேகம் இருந்தால் அருகில் உள்ள தொலைபேசி நிலையங்களில் கேட்டு தெரிந்து கொள்ளலாம். இவ்வாறு அவர் கூறினார்.

நிகழ்ச்சியில் துணை பொது மேலாளர் ராஜேந்திரன், கோட்டபொறியாளர் யுவராஜ், உதவி பொது மேலாளர் பாண்டியன், துனை கோட்ட பொறியாளர் சரஸ்வதி ஆகியோர் உடன் இருந்தனர். முன்னதாக நடந்த விழிப்புணர்வு ஊர்வலத்தை முதன்மை பொது மேலாளர் தொடங்கி வைத்தார்.

ஈரோடு:

பி.எஸ்.என்.எல். ஊழியர்கள், அதிகாரிகள், ஒப்பந்த ஊழியர்கள் சார்பில் அகில இந்திய அளவில் வேலை நிறுத்தம் தொடங்கி நடந்து வருகிறது. இன்று 3-வது நாளாக வேலை நிறுத்த போராட்டம் நீடித்து வருகிறது. இன்று அவர்கள் ஆர்ப்பாட்டத்தில் ஈடுபட்டனர்.

15 சதவீத ஊதிய நிர்ணய பலனுடன் 3-வது ஊதிய மாற்றத்தை அமல்படுத்த வேண்டும். பிஎஸ்என்எல் ஓய்வூதியதாரர்களுக்கு ஓய்வூதிய மாற்றத்தை அமல்படுத்த வேண்டும்.

2-வது ஊதிய மாற்றக் குழுவின் விடுபட்ட பரிந்துரைகளை அமல்படுத்த வேண்டும். பிஎஸ்என்எல் மொபைல் டவர்களை பராமரிக்க அவுட் சோர்சிங் கைவிட வேண்டும். பிஎஸ்என்எல் நிறுவனத்திற்கு 4ஜி சேவையை வழங்க வேண்டும் உள்பட பல்வேறு கோரிக்கைகளை வலியுறுத்தி இந்த போராட்டம் நடக்கிறது.

ஈரோடு மாவட்டத்தில் இருந்து 1250 ஊழியர்கள் அதிகாரிகள் 500 ஒப்பந்த ஊழியர்கள் என மொத்தம் ஆயிரத்து 750 ஊழியர்கள் பங்கேற்றுள்ளனர்.

இதனால் ஈரோடு காந்தி ஜி ரோட்டில் உள்ள பொது மேலாளர் அலுவலக ஊழியர்களிடம் வெறிச்சோடி காணப்பட்டது.

இந்த வேலை நிறுத்தப் போராட்டம் காரணமாக பிஎஸ்என்எல் வாடிக்கையாளர் சேவை மையம் கட்டணம் பணி, புதிய தொலைபேசி இணைப்பு பணி பழுது பார்க்கும் பணிகள் நடைபெறவில்லை.

இன்று 3-வது நாளாக கோரிக்கைகளை வலியுறுத்தி பி.எஸ்.என்.எல்.ஊழியர்கள் அதிகாரிகள் சம்மேளனம் சார்பில் காந்தி ஜி ரோட்டில் உள்ள பொது மேலாளர் அலுவலகத்தில் ஆர்ப்பாட்டத்தில் ஈடுபட்டனர். இதில் ஊழியர்கள் உள்பட பலர் கலந்து கொண்டனர்.

சென்னை:

மத்திய அரசின் நிறுவனமான பி.எஸ்.என்.எல். தொடர்ந்து நஷ்டத்தில் இயங்கி வருகிறது. தனியார் தொலை தொடர்பு நிறுவனங்களில் கிடைக்கின்ற வசதிகள் பி.எஸ்.என்.எல்.-ல் கிடைக்காததால் வாடிக்கையாளர்கள் நாளுக்கு நாள் குறைந்து கொண்டே செல்கின்றனர்.

நாடு முழுவதும் மிகப்பெரிய அளவில் கட்டமைப்பு வசதிகள் கொண்ட இந்நிறுவனத்திற்கு இன்னும் 4ஜி அலைக்கற்றை ஒதுக்கப்படாததால் ஏராளமான வாடிக்கையாளர்கள் வேறு நெட் ஒர்க்கிற்கு மாறி செல்கின்றனர்.

இந்த நிலையில் பி.எஸ்.என்.எல். அதிகாரிகள், மற்றும் ஊழியர்கள் அனைத்து தொழிற்சங்கங்கள் (ஏ.யூ. ஏ.பி.) சார்பாக நாடு முழுவதும் இன்று வேலை நிறுத்தம் தொடங்கியது.

20-ந்தேதி வரை 3 நாட்கள் நடக்கும் இந்த ஸ்டிரைக்கில் ஒரு லட்சத்து 90 ஆயிரம் பேர் பங்கேற்கின்றனர்.

நலிவடைந்துள்ள பி.எஸ்.என்.எல். நிறுவனத்தை மேம்படுத்த மத்திய அரசு நடவடிக்கை எடுக்க வேண்டும், 4ஜி அலைக்கற்றை ஒதுக்கீடு, சம்பள உயர்வு உள்ளிட்ட பல்வேறு கோரிக்கைகளை வலியுறுத்தி ஸ்டிரைக்கில் ஈடுபட்டுள்ளனர்.

தமிழ்நாட்டில் அதிகாரிகள், ஊழியர்கள் என மொத்தம் 20 ஆயிரம் பேர் பணியாற்றி வருகிறார்கள். சென்னையில் மட்டும் 5 ஆயிரம் பேர் வேலை செய்கிறார்கள். இதில் 1,800 பேர் அதிகாரிகள் ஆவார்கள்.

ஊழியர்கள், அதிகாரிகள் வேலைநிறுத்தம் காரணமாக சென்னையில் உள்ள பெரும்பாலான பி.எஸ்.என்.எல். அலுவலகங்கள் மூடப்பட்டன. ஒருசில இடங்களில் அதிகாரிகள், ஊழியர்கள் பணிக்கு வந்திருந்தனர்.

சென்னையில் பி.எஸ்.என்.எல். சேவை மையங்கள் செயல்படவில்லை. இண்டர் நெட் இணைப்பு, ப்ரீ பெய்டு, போஸ்ட்பெய்டு புதிய இணைப்பு மற்றும் பில் தொகை வசூலிப்பது உள்ளிட்ட பல்வேறு பணிகள் பாதிக்கப்பட்டன.

நெட்ஒர்க் பிரச்சனை எதுவும் ஏற்பட தற்போது வாய்ப்பு இல்லை. டெலிபோன் செயல்பாட்டிலும் எந்த இடையூறும் இருக்காது என்றாலும் டெலிபோன் இணைப்பில் பாதிப்பு ஏற்பட்டால் அதனை சரி செய்ய ஊழியர்கள் யாரும் இருக்கமாட்டார்கள்.

வாடிக்கையாளர்கள் புகார் குறித்து எந்தவித நடவடிக்கையும் எடுப்பதற்கு வாய்ப்பு இல்லை. மற்றபடி செல்போன், டெலி சேவையில் பாதிப்பு இருக்காது என்று அதிகாரி ஒருவர் தெரிவித்தார்.

போராட்டம் குறித்து ஏ.யூ.ஏபி. தொழிற்சங்க தலைவர் சண்முகசுந்தர ராஜன் கூறியதாவது:-

பி.எஸ்.என்.எல். நிறுவனத்தை நலிவடைய செய்து அதனை தனியாருக்கு தாரை வார்க்க மத்திய அரசு நடவடிக்கை மேற்கொண்டு வருகிறது.

அதற்காக மறைமுகமான வேலைகளை செய்து வருகிறது. பி.எஸ்.என்.எல். வளர்ச்சியை தடை செய்து அதனை முழுமையாக தனியாருக்கு கொடுப்பதே மத்திய அரசின் நோக்கமாக இருக்கிறது. 4ஜி அலைக்கற்றை ஒதுக்கீடு செய்யாமல் தாமதப்படுத்தி வருகிறது. தனியாருக்கு 4ஜி அலைக்கற்றை ஒதுக்கீடு செய்யும் போது பி.எஸ்.என்.எல்.-க்கு ஏன் தாமதப்படுத்த வேண்டும்? இதன்மூலம் பி.எஸ்.என்.எல். வாடிக்கையாளர்கள் தனியாருக்கு மாறி செல்ல ஊக்குவிக்கிறார்கள்.

பேச்சுவார்த்தைக்கு அழைத்து கோரிக்கைகளை நிறைவேற்றாவிட்டால் போராட்டம் தொடரும். இன்று அதிகாலையில் இருந்தே வேலைநிறுத்தம் தொடங்கி விட்டது. அனைத்து அலுவலகங்களும் மூடப்பட்டுள்ளன. சேவை மயங்களும் செயல்படவில்லை.

இவ்வாறு அவர் கூறினார். #BSNL

பெரும்பாறை:

திண்டுக்கல் அருகே பெரும்பாறையில் பி.எஸ்.என்.எல். செல்போன் டவர் அமைக்கப்பட்டு உள்ளது. இந்த பி.எஸ்.என்.எல். செல்சேவை டவர் பழுதடைந்துள்ளது. இதனால் 2 நாட்களாக பி.எஸ்.என்.எல். செல்சேவை இயங்கவில்லை.

எனவே பி.எஸ்.என்.எல். வாடிக்கையாளர்கள் பெரும் அவதிப்பட்டு வருகின்றனர். இதனால் பெரும்பாறை, கொங்கப்பட்டி, மஞ்சள்பரப்பு, புல்லாவெளி மற்றும் அதனை சுற்றியுள்ள பகுதிகளில் சேவை பாதிக்கப்பட்டுள்ளது.

எனவே இது சம்பந்தப்பட்ட உயர் அதிகாரிகள் உடனே நடவடிக்கை எடுத்து பழுதடைந்த பி.எஸ்.என்.எல். செல்சேவையை சரிசெய்து இயக்க வேண்டும் என்று இப்பகுதி பொதுமக்கள் கோரிக்கை விடுத்துள்ளனர்.

சென்னை:

விழாக்கால சலுகையாக பி.எஸ்.என்.எல். நிறுவனம் வாடிக்கையாளர்களுக்கு பில் தொகையில் சிறப்பு தள்ளுபடி திட்டத்தை அறிவித்துள்ளது.

‘தனலட்சுமி’ என்ற இத்திட்டத்தின்படி ஆயுத பூஜை மற்றும் தீபாவளி பண்டிகைகளுக்கு இடைப்பட்ட காலத்தில் தொலைபேசி, மொபைல் மற்றும் இதர சேவைகளுக் கான பில்களை கடைசி தேதிக்குள் செத்துபவர்களுக்கு சேவை வரி நீங்கலாக உள்ள தொகையில் தள்ளுபடி அளிக்கப்படும்.

வரும் மாதங்களுக்கான பில்களை முன்னதாக செலுத்துபவர்களுக்கும் இந்த தள்ளுபடி உண்டு.

பில்லில் உள்ள தொகை முழுமையாக செலுத்தப்பட வேண்டும். வரும் மாதங்களுக்கான தொகையை முன்னதாக செலுத்துபவர்கள், பில் தொகைக்கு மேல் எந்த தொகையையும் செலுத்தலாம்.

இந்த விழாகால நாட்களில் அடுத்த 5 மாதங்களுக்கான பில் தொகைகளை முன்னதாக செலுத்துபவர்களுக்கு 3 சதவீத தள்ளுபடி அடுத்து வரும் இரண்டாவது பில்லில் இருந்து தொடங்கி அந்தந்த பில்லில் வழங்கப்படும்.

இந்த விழாக்கால நாட்களில் பில் தொகையை செலுத்தும் அனைத்து பி.எஸ்.என்.எல். எண்டர்பிரைசஸ் வாடிக்கையாளர் நிறுவனங்களுக்கும் அனைத்து பில்களிலும் 2 சதவீத தள்ளுபடி வழங்கப்படும்.

பி.எஸ்.என்.எல். வாடிக்கையாளர்கள் இந்த விழாக்கால தள்ளுபடி சலுகைகளை பயன்படுத்தி பயன் அடையலாம். மேலும் விவரங்களுக்கு அருகில் உள்ள வாடிக்கையாளர் சேவை மையத்தை தொடர்பு கொள்ளலாம் என்று பி.எஸ்.என்.எல். தமிழ்நாடு வட்டம் தலைமை பொது மேலாளர் வி.ராஜீ மற்றும் சென்னை டெலிகாம் துணை பொது மேலாளர் ஜி.விஜயா ஆகியோர் தெரிவித்துள்ளனர். #BSNL

பெரும்பாறை:

பி.எஸ்.என்.எல். செல் சேவை டவரில் இருந்து 5 பாய்ண்டு சிக்னல் கிடைக்கிறது. ஆனால் யாருக்கும் தொடர்பு கொள்ள முடியவில்லை. இதனால் பி.எஸ்.என்.எல். வாடிக்கையாளர்கள் பெரும் அவதிப்பட்டு வருகின்றனர்.

இதனால் பெரும்பாறை, கொங்கப்பட்டி, மஞ்சள்பரப்பு, புல்லாவெளி மற்றும் அதனை சுற்றியுள்ள பகுதிகளில் பி.எஸ்.என்.எல். செல்சேவை பாதிக்கப்பட்டுள்ளது. சிக்னல் இருந்தும் தொடர்பு கொள்ளமுடியவில்லை.

எனவே இதுசம்பந்தப்பட்ட உயர் அதிகாரிகள் உடனே நடவடிக்கை எடுத்து பழுதடைந்த பி.எஸ்.என்.எல். செல்சேவையை சரிசெய்து இயக்க வேண்டும் என்று இப்பகுதி பொதுமக்கள் கோரிக்கை விடுத்துள்ளனர்.