நீங்கள் தேடியது "slug 139734"

புதுடெல்லி:

மத்திய அரசு செல்லாத நோட்டு அறிவிப்பு வெளியிட்ட போது தலைமை பொருளாதார ஆலோசகராக இருந்த அரவிந்த் சுப்பிரமணியன் விருப்ப ஓய்வு பெற்றார்.

அவர் பண மதிப்பு நீக்கம் குறித்து கூறுகையில், “இந்த நடவடிக்கை மக்களுக்கு கடுமையான நிதி நெருக்கடியை ஏற்படுத்தியது. நாட்டின் பொருளாதார வளர்ச்சி பாதிக்கப்பட்டு சரிவடைந்தது” என்றார்.

இதுகுறித்து காங்கிரஸ் தலைவர் ராகுல் காந்தி டுவிட்டரில் தெரிவித்த கருத்து வருமாறு:-

பண மதிப்பு நீக்க நடவடிக்கைக்கு ஒப்புதல் அளிக்காத அரவிந்த் சுப்பிரமணியன் ஏன் அப்போது பதவி விலகவில்லை.

ஆனால் முன்னாள் ராணுவ மந்திரி மனோகர் பாரிக்கர் ரபேல் ஒப்பந்தத்தை எதிர்த்து ராஜினாமா செய்தார்.

ரபேல் ஒப்பந்தம் நாட்டுக்கு எதிரான மிகப் பெரிய குற்றம். மனோகர் பாரிக்கர் அதில் இருந்து விலகி தன்னை காப்பாற்றிக் கொண்டார்.

அரவிந்த் சுப்பிரமணியனும் இப்போது கருத்து தெரிவித்து அதில் இருந்து விடுவித்துக் கொண்டார்.

ரபேல் ஒப்பந்தமும், பண மதிப்பு நீக்கமும் நாட்டின் மிகப் பெரிய ஊழல்கள். இதுபற்றி விசாரண நடத்தி குற்றவாளிகளை தண்டிக்க வேண்டும்.

இவ்வாறு கூறியுள்ளார். #RahulGandhi #Demonetisation

நகரி:

தெலுங்கானா மாநிலம் ரங்காரெட்டி மாவட்டத்தில் உள்ள மாவட்ட நீதிமன்ற 14-வது கூடுதல் நீதிபதியாக உள்ளவர் வரபிரசாத். இவர் வருமானத்துக்கு அதிகமாக சொத்து குவித்து உள்ளதாக லஞ்ச ஒழிப்பு துறைக்கு புகார்கள் வந்தது.

இதையடுத்து லஞ்ச ஒழிப்புதுறை போலீசார் நீதிபதியின் நடவடிக்கைகளை தீவிரமாக கண்காணித்து வந்தனர். இதில் அவருக்கு தெலுங்கானா மற்றும் மும்பையில் பல சொத்துக்கள் இருப்பது தெரியவந்தது.

இதையடுத்து லஞ்ச ஒழிப்பு துறை போலீசார் நேற்று தெலுங்கானாவில் உள்ள நீதிபதி வரபிரசாத்திற்கு சொந்தமான கட்டிடங்கள் மற்றும் மும்பை தானேவில் உள்ள அவரது நண்பரின் வீடு, அலுவலகங்களில் அதிரடி சோதனையில் ஈடுபட்டனர்.

இதில் ரூ.3 கோடி அளவிலான கணக்கில் காட்டப்படாத சொத்து ஆவணங்கள் பறிமுதல் செய்யப்பட்டன. இதையடுத்து ஐதராபாத்தில் சுக் நகரில் உள்ள வீட்டில் வைத்து நீதிபதி வரபிரசாத்தை லஞ்ச ஒழிப்பு போலீசார் கைது செய்து கோர்ட்டில் ஆஜர்படுத்தினர்.

அவரை 14 நாட்கள் நீதிமன்ற காவலில் வைக்கும் படி நீதிபதி உத்தரவிட்டார். இதையடுத்து நீதிபதி வரபிரசாத் கஞ்சல் கூடா சிறையில் அடைக்கப்பட்டார்.

நீதிபதி வரபிரசாத் ஊழலில் ஈடுபட்டு வருவாய்க்கு அதிகமாக சொத்து குவித்து இருப்பது தெரியவந்தது.

இந்த பணத்தை மும்பை தானேவில் ரியல் எஸ்டேட் நிறுவனம் நடத்தும் நண்பரிடம் கொடுத்து அதில் முதலீடு செய்திருக்கிறார். தனது குடும்பத்துடன் அடிக்கடி சீனா, அமெரிக்கா, ஹாங்காங், மலேசியா, சிங்கப்பூர் ஆகிய நாடுகளுக்கு சுற்றுலா சென்று லட்சக் கணக்கில் செலவு செய்து வந்திருக்கிறார். #judgearrested #Hyderabadjudge

புதுடெல்லி:

பீகார் முன்னாள் முதல்- மந்திரி லாலு பிரசாத் யாதவ் மற்றும் அவரது குடும்ப உறுப்பினர்கள் மீதான பல்வேறு முறைகேடு குறித்து அமலாக்கத்துறை, வருமான வரித்துறை விசாரணை நடத்தி வருகிறது.

லாலு குடும்பத்தினர் மீதான வரி ஏய்ப்பு தொடர்பாக இந்த ஆண்டு தொடக்கத்தில் ரூ.1000 கோடி மதிப்புள்ள அசையா சொத்துக்களை வருமான வரித்துறை தற்காலிகமாக முடக்கி இருந்தது. இது தொடர்பான விசாரணையில் பினாமி பெயர்களில் சொத்துக்களை வாங்கி இருந்தது தெரியவந்தது.

டெல்லி பிஜ்வாசன் பகுதியில் லாலு மகள் மிசா பார்தி, மருமகன் சைலேஷ் குமார் ஆகியோருக்கு சொந்தமான இரண்டு பண்ணை வீடுகள் அடுத்தடுத்து உள்ளன. இந்த சொத்துக்களை பினாமி பெயரில் வாங்கி இருந்தனர். கே.எச்.கே. கோல்டிங்ஸ் என்ற போலி நிறுவனம் மூலம் இந்த பண்ணை வீடுகள் வாங்கப்பட்டன. பின்னர் இந்த சொத்துக்கள் இருவரது பெயருக்கு மாற்றப்பட்டன.

இந்த நிலையில் மிசாபார்தி, சைலேஷ்குமாருக்கு சொந்தமான இரண்டு பண்ணை வீடுகளை வருமான வரித்துறை முடக்கி உள்ளது. இதன் மதிப்பு ரூ.15 கோடியாகும்.

பினாமி தடுப்பு சட்டத்தின் கீழ் இந்த சொத்துக்களை முடக்கி நடவடிக்கை எடுக் கப்பட்டுள்ளது. #LaluPrasadYadav #IncomeTax