நீங்கள் தேடியது "slug 169965"

L மோட்டார்சைக்கிள்ஸ் நிறுவனம் 2023 போன்வில் ஸ்பீடுமாஸ்டர் மோட்டார்சைக்கிள் மாடலை இந்திய சந்தையில் விற்பனைக்கு அறிமுகம் செய்து இருக்கிறது. இதன் துவக்க விலை ரூ. 12 லட்சத்து 05 ஆயிரம் என நிர்ணயம் செய்யப்பட்டு இருக்கிறது. புதிய பெயிண்ட் மூலம் ஸ்டைலிங் மாற்றங்கள் தவிர இந்த மாடலில் வேறு எந்த மாற்றமும் மேற்கொள்ளப்படவில்லை.

இந்திய சந்தையில் புதிய போன்வில் ஸ்பீடுமாஸ்டர் - ஜெட் பிளாக், சபையர் பிளாக், பியுஷன் வைட் மற்றும் கார்டோவன் ரெட் என மூன்று விதமான நிறங்களில் கிடைக்கிறது. இவற்றில் ஜெட் பிளாக் மற்றும் கார்டோவன் ரெட் நிறங்கள் சிங்கில் டோன் பினிஷ், சபையர் பிளாக் பியுஷன் வைட் டூயல் டோன் பினிஷ் கொண்டுள்ளது.

விலை விவரங்கள்:

- டிரையம்ப் போன்வில் ஸ்பீடுமாஸ்டர் ஜெட் பிளாக் ரூ. 12 லட்சத்து 05 ஆயிரம்

- டிரையம்ப் போன்வில் ஸ்பீடுமாஸ்டர் கார்டோவன் ரெட் ரூ. 12 லட்சத்து 18 ஆயிரம்

-டிரையம்ப் போன்வில் ஸ்பீடுமாஸ்டர் சபையர் பிளாக் பியுஷன் வைட் ரூ. 12 லட்சத்து 35 ஆயிரம்

அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு உள்ளது.

2023 டிரையம்ப் போன்வில் ஸ்பீடுமாஸ்டர் மோட்டார்சைக்கிள் வட்ட வடிவ ஹெட்லேம்ப், க்ரோம் பில்லர் கேப் கொண்ட டியர் டிராப் வடிவ பியூவல் டேன்க், ஸ்ப்லிட் ஸ்டைல் சீடர்கள், எக்சாஸ்ட் கேனிஸ்டரில் ஸ்லாஷ் கட் டிசைன், வயர் ஸ்போக் வீல்களை கொண்டுள்ளது.

இந்த மாடலில் 1200 சிசி, பேரலல் ட்வின் சிலிண்டர் லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 76.9 ஹெச்பி பவர், 106 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது.

இந்திய சந்தையில் புதிய டிரையம்ப் போன்வில் ஸ்பீடுமாஸ்டர் மோட்டார்சைக்கிள் ஹார்லி டேவிட்சன் நைட்ஸ்டர் மாடலுக்கு போட்டியாக அமைகிறது. 

ஹீரோ மோட்டோகார்ப் மற்றும் ஹார்லி டேவிட்சன் இந்தியா இணைந்து முற்றிலும் புதிய நைட்ஸ்டர் மோட்டார்சைக்கிளை இந்திய சந்தையில் விற்பனைக்கு அறிமுகம் செய்துள்ளன. புதிய ஹார்லி டேவிட்சன் நைட்ஸ்டர் மாடல் விலை ரூ. 14 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

இந்தியாவில் ஹார்லி டேவிட்சன் நிறுவன மோட்டார்சைக்கிள், பாகங்கள் மற்றும் அக்சஸரீக்களை அதிகாரப்பூர்வமாக வினியோகம் செய்யும் பொறுப்பை ஹீரோ மோட்டோகார்ப் ஏற்று நடத்தி வருகிறது. புதிய ஹார்லி டேவிட்சன் மாடல் முழுமையாக உருவாக்கப்பட்ட நிலையில், இந்தியாவுக்கு இறக்குமதி செய்யப்பட உள்ளன.

இந்த மாடலுக்கான முன்பதிவு துவங்கி நடைபெற்று வருகிறது. இந்த மாடல் ஒற்றை வேரியண்ட் மற்றும் மூன்று விதமான நிறங்களில் கிடைக்கிறது.

விலை விவரங்கள்:

ஹார்லி டேவிட்சன் நைட்ஸ்டர் விவிட் பிளாக் ரூ. 14 லட்சத்து 99 ஆயிரம்

ஹார்லி டேவிட்சன் நைட்ஸ்டர் கன்ஷிப் கிரே ரூ. 15 லட்சத்து 13 ஆயிரம்

ஹார்லி டேவிட்சன் நைட்ஸ்டர் ரெட்லைன் ரெட் ரூ. 15 லட்சத்து 13 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளன.

இந்த மாடலில் ஹார்லி டேவிட்சன் நிறுவனத்தின் ரெவல்யுஷன் மேக்ஸ் 975T, 975சிசி, லிக்விட் கூல்டு, வி-ட்வின் என்ஜின் வழங்கப்பட்டு இருக்கிறது. இந்த என்ஜின் 89 ஹெச்பி பவர், 95 நியூட்டன் மீட்டர் டார்க் இழுவிசையை வெளிப்படுத்துகிறது. மேலும் 41 மில்லிமீட்டர் ஷோவா முன்புற போர்க்குகள், ட்வின் ரியர் ஸ்ப்ரிங்குகள், இரு டயர்களிலும் சிங்கில் டிஸ்க் பிரேக்குகள் உள்ளன.

இத்துடன் மூன்று வித ரைடிங் மோட்கள், ஏபிஎஸ், என்ஜின் பிரேக்கிங் கண்ட்ரோல், டிராக்‌ஷன் கண்ட்ரோல் சிஸ்டம் போன்ற அம்சங்கள் வழங்கப்பட்டுள்ளன. 

நெற்குப்பை

சிவகங்கை மாவட்டம் திருப்பத்தூர் தாலுகா நெற்குப்பை பேரூராட்சி அருகே பரியாமருதுபட்டி என்ற இடத்தில் பொன்னமராவதி-திருப்பத்தூர் செல்லும் சாலையில் இருசக்கர வாகனத்தில் ஒலுகமங்கலம் கிராமத்தை சேர்ந்த சுப்பிரமணியன் (வயது45) அவரது மனைவி மணிமேகலை (40) ஆகியோர் பைக்கில் சென்று கொண்டிருந்தனர்.

அப்போது எதிர் திசையில் சக்திவேல் என்பவர் ஓட்டி வந்த கார் எதிர்பாராத விதமாக கட்டுப்பாட்டை இழந்து பைக் மீது மோதியது. இதில் கணவன்-மனைவி தூக்கி வீசப்பட்டனர். இதில் சுப்பிரமணியனுக்கு தலையில் பலத்த காயமும் மனைவி மணிமேகலைக்கு கால் முறிவும் ஏற்ப–ட்டது.

அக்கம்பக்கத்தினர் இருவரையும் மீட்டு 108 ஆம்புலன்சில் பொன்னமராவதி அரசு மருத்துவமனைக்கு அனுப்பி வைத்தனர். அங்கு சுப்பிரமணியன் சிகிச்சை பலனின்றி பரிதாபமாக உயிரிழந்தார்.மேலும் மனைவி மணிமேகலை மேல் சிகிச்சைக்காக புதுக்கோட்டை அரசு மருத்துவ மனைக்கு அனுப்பி வைக்கப்பட்டார்.

இந்த விபத்து குறித்து நெற்குப்பை காவல்நிலைய ஆய்வாளர் ரவிச்சந்திரன் வழக்குப்பதிவு செய்து விசாரணை நடத்தி வருகிறார்.

வெள்ளகோவில் :

வெள்ளகோவில் அருகே உள்ள உப்புபாளையம் என்ற இடத்தில் கடந்த 2 மாதங்களாக கேட்பாரற்று பைக் ஒன்று நிறுத்திவைக்கப்பட்டுள்ளது. இந்த பைக் யாருடையது, ஏதேனும் கோளாறு காரணமாக நிறுத்தி வைக்கப்பட்டுள்ளதா என்று தெரியவில்லை.

எவராவது திருடி கொண்டு வந்து இங்கே நிறுத்தி சென்று விட்டார்களா? அல்லது குற்ற சம்பவங்களில் பயன்படுத்தியவிட்டு விட்டு சென்றார்களா? என்று தெரியவில்லை. இது மோட்டர் சைக்கிளை போலீசார் மீட்டு உரிய நடவடிக்கை எடுக்க வேண்டும் என்று அந்த பகுதி மக்கள் தெரிவித்தனர். இதேபோல் கடந்த வாரம் வெள்ளகோவில் எல்.கே.ஏ. நகர் என்ற இடத்தில் ஒரு பள்ளி அருகே ஒரு பைக் ரோட்டின் ஓரமாக கிடந்தது என்பது குறிப்பிடத்தக்கது.

திருமங்கலம்

மதுரை மாவட்டம் கள்ளிக்குடியை அடுத்த முனியாண்டிபுரத்தை சேர்ந்தவர் சரவணகுமார்(27). இவருக்கு திருமணமாகி விட்டது. குழந்தை இல்லை.

சம்பவத்தன்று சரவணகுமார் இரு–சக்கர வாகனத்தில் முனியாண்டிபுரம் தோட்டத்து வீட்டிற்கு வந்தபோது கீழே விழுந்து காயம் அடைந்தார். இவரை மீட்டு சிகிச்சைக்காக விருதுநகர் அரசு மருத்துவமனைக்கு அனுப்பி வைத்தனர். அங்கு சிகிச்சையில் இருந்தவர் மதுரை அரசு மருத்துவமனைக்கு மேல் சிகிச்சைக்காக அனுப்பினர்.

பரிசோதனை செய்த மருத்துவர் இறந்து விட்டதாக தெரிவித்தார். இதுகுறித்து மனைவி யோகேஸ்வரி கொடுத்த புகாரின் பேரில் வில்லூர் போலீசார் வழக்குப்பதிவு செய்து விசாரணை நடத்தினர்.

டிரையம்ப் மோட்டார்சைக்கிள்ஸ் இந்தியா நிறுவனம் புதிய ஸ்கிராம்ப்ளர் 900 மோட்டார்சைக்கிளை இந்திய சந்தையில் விற்பனைக்கு அறிமுகம் செய்தது. முன்னதாக இதே மோட்டார்சைக்கிள் ஸ்டிரீட் ஸ்கிராம்ப்ளர் என அழைக்கப்பட்டு இருந்தது குறிப்பிடத்தக்கது. புதிய ஸ்கிராம்ப்ளர் 900 மாடலின் விலை ரூ. 9 லட்சத்து 45 ஆயிரம் என துவங்குகிறது. இந்த மாடல் ஒற்றை வேரியண்ட் மற்றும் மூன்று விதமான நிறங்களில் கிடைக்கிறது.

விலை விவரஙகள்:

டிரையம்ப் ஸ்கிராம்ப்ளர் 900 ஜெட் பிளாக் ரூ. 9 லட்சத்து 45 ஆயிரம்

டிரையம்ப் ஸ்கிராம்ப்ளர் 900 மேட் காக்கி ரூ. 9 லட்சத்து 58 ஆயிரம்

டிரையம்ப் ஸ்கிராம்ப்ளர் 900 கார்னிவல் ரெட் மற்றும் ஜெட் பிளாக் ரூ. 9 லட்சத்து 75 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

ஜெட் பிளாக் மற்றும் மேட் காக்கி நிறங்கள் மோனோ டோன் பினிஷ் கொண்டுள்ளன. கார்னிவல் ரெட் மற்றும் ஜெட் பிளாக் நிறம் மட்டும் டூயல் டோன் தீம் கொண்டுள்ளது. இது இந்த சீரிசில் விலை உயர்ந்த மாடல் ஆகும். இவை தவிர, ஸ்டைலிங், அம்சங்கள் மற்றும் உபகரணங்கள் உள்ளிட்டவை ஒரே மாதிரி வழங்கப்பட்டுள்ளன.

ஸ்கிராம்ப்ளர் 900 மாடலில் வட்ட வடிவ ஹெட்லைட், டியர்டிராப் வடிவ பியூவல் டேன்க், ஸ்ப்லிட் ஸ்டைல் சீட்கள், வயர்-ஸ்போக் வீல்கள், டெயில் செட் மற்றும் ட்வின் பாட் எக்சாஸ்ட் டிசைன் உள்ளது. மெக்கானிக்கல் அம்சங்களை பொருத்தவரை ஸ்கிராம்ப்ளர் 900 மாடலில் பி.எஸ். 6 புகை விதிகளுக்கு பொருந்தும் 900சிசி, பேரலல் ட்வின் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது.

இந்த என்ஜினுடன் 5 ஸ்பீடு கியர்பாக்ஸ் உள்ளது. இது 64.1 ஹெச்.பி. பவர், 80 நியூட்டன் மீட்டர் டார்க் இழுவிசையை வெளிப்படுத்துகிறது. இந்திய சந்தையில் புதிய டிரையம்ப் ஸ்கிராம்ப்ளர் 900 மாடல் டுகாட்டி ஸ்கிராம்ப்ளர் மாடலுக்கு போட்டியாக அமைகிறது.

கேடிஎம் நிறுவனம் RC 125 மற்றும் RC 200 ஃபுல்லி ஃபேர்டு மோட்டார்சைக்கிள் மாடல்களின் விலையை இந்திய சந்தையில் உயர்த்தி இருக்கிறது. முன்னதாக மே மாத வாக்கில் இரு மாடல்கள் விலையும் உயர்த்தப்பட்ட நிலையில், தற்போது மீண்டும் விலை உயர்த்தப்பட்டு இருக்கிறது. தற்போதைய அறிவிப்பின் படி RC 125 மாடலின் விலை ரூ. 1,779, RC 200 மாடலின் விலை ரூ. 1,427 அதிகரிக்கப்பட்டு உள்ளது.

புதிய விலை விவரம்:

கேடிஎம் RC 125: ரூ. 2 லட்சத்து 14 ஆயிரத்து 688

கேடிஎம் RC 200: ரூ. 1 லட்சத்து 88 ஆயிரத்து 640

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

உற்பத்தி செலவீனங்களின் விலை தொடர்ந்து அதிகரித்து வருவதே விலை உயர்வுக்கு காரணமாக இருக்கும் என கூறப்படுகிறது. கடந்த சில மாதங்களாக பல்வேறு நிறுவனங்களும் தங்களின் வாகன விலையை உயர்த்தி வருகின்றன. தற்போதைய விலை உயர்வை அடுத்து RC 125 மற்றும் RC 200 மாடல்கள் அந்த பிரிவில் விலை உயர்ந்த மாடலாக மாறி உள்ளன.

எனினும், இரு மாடல்களிலும் அவற்றுக்கு போட்டியாக உள்ள மோட்டார்சைக்கிள்களை விட அதிக அம்சங்கள், நவீன வசதிகள் மற்றும் அதிரடி செயல்திறன் வழங்கப்பட்டுள்ளன. கேடிஎம் RC 125 மாடலில் 124.7சிசி, லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 14.75 ஹெச்.பி. பவர், 12 நியூட்டன் மீட்டர் டார்க் இழுவிசையை வெளிப்படுத்துகிறது.

கேடிஎம் RC 200 மாடலில் 199.5சிசி என்ஜின் வழங்கப்பட்டு இருக்கிறது. இந்த என்ஜின் 25.4 ஹெச்.பி. பவர், 19.5 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இரு மாடல்களிலும் 6 ஸ்பீடு கியர்பாக்ஸ் வழங்கப்பட்டு இருக்கிறது. இத்துடன் ஸ்லிப்பர் கிளட்ச், பிரீமியம் WP சஸ்பென்ஷன், பைபிரெ பிரேக்குகள், ஸ்டீல் டிரெலிஸ் ஃபிரேம், 13.7 லிட்டர் பியூவல் டேன்க், ஃபுல் எல்இடி லைட்டிங், டிஜிட்டல் இன்ஸ்ட்ரூமெண்ட் கிளஸ்டர், மோட்டோ ஜிபி ஸ்டைலிங் உள்ளன. 

டிரையம்ப் மோட்டார்சைக்கிள்ஸ் நிறுவனம் தனது ஸ்டிரீட் ட்வின் சீரிஸ் மாடல், இனி ஸ்பீடு ட்வின் 900 என பெயர் மாற்றம் செய்து இருப்பதாக அறிவித்து இருக்கிறது. இந்த மாடலின் விலை இந்திய சந்தையில் ரூ. 8 லட்சத்து 35 ஆயிரம் என துவங்குகிறது. புதிய பெயர் மட்டும் இன்றி டிரையம்ப் மோட்டார்சைக்கிள்ஸ் நிறுவனம் இந்த மாடல் மூன்று விதமான நிறங்களில் கிடைக்கும் என அறிவித்து இருக்கிறது.

அதன்படி இந்திய சந்தையில் புதிய டிரையம்ப் ஸ்பீடு ட்வின் 900 மாடல் - டிரையம்ப் ஜெட் பிளாக், மேட் ஐயன்ஸ்டோன் மற்றும் மேட் சில்வர் ஐஸ் நிற ஆப்ஷன்களில் கிடைக்கிறது. புதிய பெயிண்ட் பியூவல் டேன்க் மீது மேட் சில்வர் ஐஸ் பினிஷ் மற்றும் எல்லோ நிற கிராபிக்ஸ் கொண்டு இருக்கிறது. இத்துடன் ஜெட் பிளாக் நிற சைடு பேனல்கள், ஜெட் பிளாக் நிற மட் கார்டுகள் உள்ளன.

விலை விவரங்கள்:

ஜெட் பிளாக் ரூ. 8 லட்சத்து 35 ஆயிரம்

மேட் ஐயன்ஸ்டோன் ரூ. 8 லட்சத்து 48 ஆயிரம்

மேட் சில்வர் ரூ. 8 லட்சத்து 48 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

இதன் ஸ்டைலிங் எவ்வித மாற்றமும் பெறவில்லை. புதிய டிரையம்ப் ஸ்பீடு ட்வின் 900 மாடலில் வட்ட வடிவ ஹெட்லைட், ரியர் வியூ மிரர்கள், டியர் டிராப் வடிவ பியூவல் டேன்க், ஒற்றை பீஸ் சாடில், ட்வின் சைடு எக்சாஸ்ட் கேரியர்கள் வழங்கப்பட்டு உள்ளன.

மெக்கானிக்கல் அம்சங்களை பொருத்தவரை புதிய டிரையம்ப் ஸ்பீடு ட்வின் 900 மாடலில் பி.எஸ். 6 புகை விதிகளுக்கு பொருந்தும் 900சிசி, பேரலெல் ட்வின் லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 64.1 ஹெச்.பி. பவர், 80 நியூட்டன் மீட்டர் டார்க் இழுவிசையை வெளிப்படுத்துகிறது.

இந்த மாடலில் டியுபுலர் ஸ்டீல் ட்வின் கிரேடில் பிரேம், டெலிஸ்கோபிக் முன்புற போர்க்குகள், ட்வின் ரியர் ஸ்ப்ரிங்குகள், இரண்டு சக்கரங்களிலும் ஒற்றை டிஸ்க் பிரேக் வழங்கப்பட்டு இருக்கிறது. 

ஹீரோ மோட்டோகார்ப் நிறுவனம் இந்தியாவில் சூப்பர் ஸ்பிலெண்டர் கேன்வாஸ் பிளாக் எடிஷன் மாடலை அறிமுகம் செய்து இருக்கிறது. புதிய சூப்பர் ஸ்பிலெண்டர் மாடலின் விலை ரூ. 77 ஆயிரத்து 430, எக்ஸ்-ஷோரூம் என நிர்ணயம் செய்யப்பட்டு உள்ளது. புதிய சூப்பர் ஸ்பிலெண்டர் கேன்வாஸ் பிளாக் எடிஷன் மாடல் - டிரம் மற்றும் டிஸ்க் என இரண்டு வேரியண்ட்களில் கிடைக்கிறது. இந்த மாடலுக்கான முன்பதிவு ஆன்லைன் மற்றும் ஆப்லைனில் தொடங்கி நடைபெற்று வருகிறது.

விலை விவரங்கள்:

ஹீரோ சூப்பர் ஸ்பிலெண்டர் டிரம் ரூ. 77 ஆயிரத்து 430

ஹீரோ சூப்பர் ஸ்பிலெண்டர் டிஸ்க் ரூ. 81 ஆயிரத்து 330

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளன.

புதிய சூப்பர் ஸ்பிலெண்டர் கேன்வாஸ் பிளாக் எடிஷன் மாடலில் ஆல் பிளாக் பெயிண்ட், சூப்பர் ஸ்பிலெண்டர் பேட்ஜ், அதிக அளவில் குரோம் எலிமெண்ட்கள் வழங்கப்பட்டு உள்ளன. இந்த மோட்டார்சைக்கிள் மாற்றங்கள் பெயிண்ட் அளவில் மட்டும் நிறுத்தப்பட்டு விட்டது. இவை தவிர டிசைன் மற்றும் தோற்றம் அதன் ஸ்டாண்டர்டு மாடலை போன்றே காட்சி அளிக்கிறது.

ஹீரோ ஸ்பிலெண்டர் கேன்வாஸ் பிளாக் எடிஷன் மாடலில் சிங்கில் பாட் ஹெட்லைட், டிண்ட் செய்யப்பட்ட வைசர், ஒற்றை இருக்கை, அலாய் வீல்கள், சைடு ஸ்லங் எக்சாஸ்ட் உள்ளிட்டவை வழங்கப்பட்டு இருக்கிறது. இந்த மாடலில் பி.எஸ். 6 புகை விதிகளுக்கு பொருந்தும் 124.7சிசி, சிங்கில் சிலிண்டர், ஏர் கூல்டு என்ஜின் வழங்கப்பட்டு உள்ளது. இந்த என்ஜின் 10.7 ஹெச்.பி. பவர், 10.6 நியூட்டன் மீட்டர் டார்க் இழுவிசையை வெளிப்படுத்துகிறது.

இத்துடன் டெலிஸ்கோபிக் ஃபோர்க்குகள், 5 வழிகளில் அட்ஜஸ்ட் செய்யும் வசதி கொண்ட பின்புற ஸ்ப்ரிங், 130 மில்லிமீட்டர் டிரம் பிரேக்குகள் வழங்கப்பட்டுள்ளன. இதன் டிஸ்க் பிரேக் வெர்ஷனில் முன்புறம் 240 மில்லிமீட்டர் ரோட்டார் வழங்கப்பட்டு இருக்கிறது. அனைத்து வேரியண்ட்களிலும் பாதுகாப்புக்காக கம்பைன்டு பிரேக்கிங் சிஸ்டம் வசதி வழங்கப்பட்டு உள்ளது.

யமஹா MT-15 V2.0 மாடலுக்கு இந்திய சந்தையில் அறிமுகம் தேவையில்லை. யமஹா R15 V4 மாடலின் ஸ்டிரீட் நேக்கட் வெர்ஷன் தான் யமஹா MT-15. குறிப்பிடத்தக்க மாற்றங்கள், சில புது அம்சங்களுடன் அறிமுகமான காரணத்தால் யமஹா MT-15 V2.0 எனும் பெயரில் விற்பனைக்கு வந்துள்ளது. சமீபத்திய அப்டேட் காரணமாக இந்த மாடலின் தோற்றம் மற்றும் ரைடிங் அனுபவம் மாறி இருக்கிறது.

அந்த வகையில், சமீபத்தில் விற்பனைக்கு வந்த யமஹா MT-15 V2.0 அன்றாட பயன்பாட்டுக்கு எப்படி இருக்கிறது, இதன் மைலேஜ், டிசைன் மற்றும் அம்சங்கள் பற்றி விரிவாக பார்ப்போம்.

டிசைன் மற்றும் அம்சங்கள்:

யமஹா MT-15 V2.0 பாடி பேனல்களில் அதன் முந்தைய மாடலில் உள்ளதை போன்றே வழங்கப்பட்டு இருக்கிறது. எனினும், MT-15 V2.0 முற்றிலும் புது நிறங்களில் கிடைப்பதால், இவற்றின் தோற்றம் பெருமளவு மாறி இருக்கிறது. ரிவ்யூக்காக நாம் பயன்படுத்திய மாடல் சியான் புளூ நிறம் கொண்டிருந்தது. இதன் நிறம் எத்தனை பெரிய போக்குவரத்து நெரிசல்களிலும் தனித்து காட்டும் வகையில் உள்ளது. மேலும் இந்த மாடலின் வீல்கள் பாடி நிறத்திற்கு ஏற்ப பெயிண்ட் செய்யப்பட்டு இருப்பது இதன் தோற்றத்தை அழகாக மாற்றி இருக்கிறது.

மற்ற அப்டேட்களை பொருத்தவரை புதிய யமஹா MT-15 V2.0 மாடலில் ரிவர்ஸ் எல்சிடி இன்ஸ்ட்ரூமெண்ட் கிளஸ்டரில் ப்ளூடூத் கனெக்டிவிட்டி வழங்கப்பட்டு உள்ளது. இதன் காரணமாக டிஸ்ப்ளேவில் அழைப்புகள், எஸ்எம்எஸ் மற்றும் மின்னஞ்சல் நோட்டிபிகேஷன் மற்றும் போனின் பேட்டரி நிலவரம் உள்ளிட்ட விவரங்களை பார்க்க முடியும்.

புது மாடலின் பிளாஸ்டிக் தரம் தவிர இதில் வேறு எந்த குறையும் கூற முடியாத வகையில் நேர்த்தியாக உருவாக்கப்பட்டு இருக்கிறது. மேலும் இந்த மாடலில் ஹாரன் மற்றும் இண்டிகேட்டர் ஸ்விட்ச் மாற்றி வைக்கப்பட்டு இருப்பது சிலருக்கு பிடிக்காமல் போகலாம். ஆனால், இது நாளடைவில் பழகி விடும் என்றே கூறலாம்.

ரைட் மற்றும் ஹேண்ட்லிங்:

யமஹா MT-15 V2.0 மாடலில் யுஎஸ்டி ஃபோர்க்குகள், அலுமினியம் ஸ்விங்-ஆர்ம் உள்ளன. இவை தவிர இந்த மாடலின் வீல்பேஸ் 10 மில்லிமீட்டர் அளவு குறைக்கப்பட்டு இருக்கிறது. இந்த மாற்றங்கள் காரணமாக மோட்டார்சைக்கிளை ஓட்டும் அனுபவம் மாறுவதோடு, ஹேண்ட்லிங் மிகச் சிறப்பாக இருந்தது. புது மாடலின் ஹேண்ட்லிங் எத்தகைய நகர நெரிசல்களையும் எளிதில் இலகுவாக கடக்க செய்கிறது.

இதில் உள்ள அகலமான ஹேண்டில்பார்கள் ஸ்டீரிங் அனுபவத்தை நேர்த்தியாக்குவதோடு, கூடுதல் சவுகரியம் மற்றும் சிறப்பான ஹேண்ட்லிங் வழங்க உதவுகிறது. அன்றாட பயன்பாடுகளின் போது, இந்த மாடலின் பிரேக்கிங்கில் எந்த விதமான அசவுகரியமும் ஏற்படவில்லை. எனினும், இதன் பின்புறம் ஏபிஎஸ் வழங்கப்படாதது சிலருக்கு குறையாக தெரிய வாய்ப்பு உண்டு.

செயல்திறன் மற்றும் மைலேஜ்:

யமஹா MT-15 சீரிசில் அதன் என்ஜின் திறனுக்கு பெயர் பெற்றது ஆகும். புது மாடலில் என்ஜின் சற்றே அப்டேட் செய்யப்பட்டு இருப்பதை உணர முடிந்தது. சமயங்களில் சட்டென சீறிப் பாய்வது மட்டுமின்றி, போக்குவரத்து நெரிசல்களில் கியரை குறைக்காமலே, வேகத்தை குறைக்கும் போது என்ஜின் அதிக இடையூறை கொடுக்கவில்லை. இதன் காரணமாகவே இதன் மைலேஜ் சிறப்பானதாக இருக்கிறது.

இதில் உள்ள நான்கு வால்வுகள் கொண்ட 155சிசி, லிக்விட் கூல்டு என்ஜின் நகர பயன்பாடுகளிலேயே கிட்டத்தட்ட 45 முதல் 50 கி.மீ. வரையிலான மைலேஜ் வழங்கியது. நெடுஞ்சாலைகளில் பயணம் செய்யும் போது மைலேஜ் மேலும் அதிகரிப்பதை நிச்சயம் கவனிக்க முடியும். புது மாடலின் மைலேஜ் பி.எஸ்.4 மாடல் வழங்கியதை விட அதிகமாகவே இருக்கிறது. அதிக மைலேஜ் காரணமாக இதன் செயல்திறன் சற்றே குறைகிறது.

யமஹா R15 V4 மாடலுடன் ஒப்பிடும் போது MT-15 அதிவேகமாக மணிக்கு 60 கி.மீ. வேகத்தில் செல்கிறது. எனினும், இதில் இருந்து மணிக்கு 100 கி.மீ. வேகத்தை எட்டுவதில் R15 V4 முந்துகிறது. இந்த மாடல் மணிக்கு அதிகபட்சம் 120 கி.மீ. வரை எளிதில் செல்கிறது.

யமஹா MT-15 V2.0: மொத்தத்தில் அழகிய தோற்றம், அதிக மைலேஜ், நகர பயன்பாட்டுக்காக அசத்தலான ஸ்டிரீட் நேக்கட் மாடலை வாங்க விரும்புவோருக்கு தலைசிறந்த தேர்வாக உருவாக்கப்பட்டு இருக்கிறது.

1955 ஆம் ஆண் டு ஜூலை 1 ஆம் தேதி (ஜப்பான்), யமஹா மோட்டார் கம்பெனி லிமிடெட் தொடங்கப்பட்டது, அதன் முதல் தயாரிப்பு மாடலான YA-1 இல் தொடங்கி, அற்புதமான, ஸ்டைலன மற்றும் ஸ்மார்ட்டி தயாரிப்புகளை வழங்குவதற்கான அர்ப்பணிப்பு மற்றும் பணக்கார பந்தய வரலாறு, புதுமைகள் மற்றும் அர்ப்பணிப்பு நிரம்பிய 67 வருட பயணத்தை இன்று நிறைவு செய்கிறது.

உலகெங்கிலும் உள்ள யமஹா ஊழியர்கள் பிராண்டின் மீது சிறந்த புரிதலையும், பாசத்தையும் பெற ஊக்குவிக்கும் நோக்கத்துடன் "யமஹா தினம்" என்றும் அதழக்கப்படும்‌ இந்த அடித்தள நாள், தயாரிப்புகள் மற்றும் சேவைகள் மூலம் "யமஹாவின் தனித்துவமான பாணியை" வெளிப்படுத்துகிறது.

முக்கியமான மைல்கல்லை நினைவுகூரும் வகையில், யமஹா மோட்டார் இந்தியா (YMI) குழுமம் அதன் தாய் நிறுவனத்தின் 67வது ஆண்டு விழாவை சென்னையில் உள்ள YMI கார்ப்பரேட் அலுவலகத்திலும், காஞ்சிபுரம் மற்றும் சூரஜ்பூரில் உள்ள தொழிற்சாலை போன்ற இடங்களிலும் கொண்டாடியது. '

நிகழ்ச்சியில் பேசிய யமஹா மோட்டார் இந்தியா குழும நிறுவனங்களின் தலைவர் திரு. ஈஷின் சிஹானா, "67வது யமஹா தினத்திற்கான உலகளாவிய தீம் "புதிய யுகத்தில் உறவுகள்" என்பதாகும். ஊழியர்கள், டீலர்கள், சப்ளையர்கள், வாடிக்கையாளர்கள் மற்றும்ச மூகம் ஆகிய அனைத்து பங்குதாரர்களுடனும் இதணந்திருப்பதற்கும் உறுதியான பிணைப்பு உருவாக்குவதற்கும் வழிகாட்டியதால், நாங்கள் எப்போதும் போற்றும் முக்கிய முதன்மைகளில் 'தடஸ் ' ஒன்றாகும்.

தனிமனித மற்றும் சமூக விலகல் காரணமாக மனித தொடர்பு காணாமல் போனதால், மனித இணைப்பில் ஒரு பெரிய வெற்றிடத்தை உருவாக்கியது. மனித தொடர்பு என்பது மனித தொடர்புகளின் அடித்தளம், மேலும் மனித தொடுதல் மூலம் வலுவான உறவுகளை உருவாக்குவதன் மூலம் இந்த நிகழ்தவ நாங்கள் கொண்டாடுகிறோம். என தெரிவித்தார்.

சுசுகி இந்தியா நிறுவனம் கட்டானா லிட்டர்-கிளாஸ் மோட்டார்சைக்கிளை இந்தியாவில் அறிமுகம் செய்வதற்கான டீசரை வெளியிட்டு உள்ளது. விரைவில் இந்த மாடல் விற்பனையகம் வரத் துவங்கி விடும் என தெரிகிறது.

சுசுகி நிறுவனத்தின் பெரிய மாடல்கள் பிரிவில் தற்போது 650சிசி வி ஸ்டாம் 650XT அட்வென்ச்சர் பைக், 1340சிசி ஹயபுசா உள்ளிட்ட மாடல்கள் மட்டுமே இந்திய சந்தையில் விற்பனை செய்யப்பட்டு வருகிறது. இரு மாடல்கள் இடையே உள்ள இடைவெளியை குறைக்கும் நோக்கில் சுசுகி பிராண்டு கட்டானா லிட்டர் கிளாஸ் செமி-ஃபேர்டு மோட்டார்சைக்கிளை அறிமுகம் செய்ய இருக்கிறது.

சாமுராய் வீரர்கள் பயன்படுத்திய ஒற்றை எட்ஜ் கொண்ட வாளை தழுவி இந்த மோட்டார்சைக்கிளுக்கு கட்டானா என பெயரிடப்பட்டு உள்ளது. கட்டானா மாடலில் 999சிசி, இன் லைன், நான்கு சிலிண்டர்கள் கொண்ட என்ஜின் வழங்கப்படுகிறது. இந்த என்ஜின் K5 GSX-R1000 மாடலில் இருந்து பயன்படுத்தப்பட்டு இருக்கிறது. இதே என்ஜின் GSX-S1000 மாடலிலும் வழங்கப்பட்டு இருப்பது குறிப்பிடத்தக்கது.

2022 மாடலில் இந்த என்ஜின் கேம் ஷாப்ட்கள், வால்வு ஸ்ப்ரிங் மற்றும் ஏர்பாக்ஸ், எக்சாஸ்ட் சிஸ்டம் அப்டேட்களுடன் வழங்கப்படுகிறது. இத்துடன் ரைடு-பை வயர் சிஸ்டம், சிறிய 40mm எலெக்ட்ரிக் திராட்டில், டிராக்‌ஷன் கண்ட்ரோல், பை டைரக்‌ஷனல் குயிக் ஷிப்டர், மூன்று திராட்டில் மேப்கள் வழங்கப்படுகிறது. இத்துடன் மேனுவல் அட்ஜஸ்ட் செய்யக்கூடிய சஸ்பென்ஷன், அட்ஜஸ்ட் செய்யக்கூடிய யு.எஸ்.டி. ஃபோர்க், மோனோஷாக் உள்ளிட்டவை வழங்கப்படுகிறது.

புதிய சுசுகி கட்டானா மாடலில் ரேடியல் பிரெம்போ கேலிப்பர்கள் உள்ளன. இத்துடன் எல்.சி.டி. டிஸ்ப்ளே, டி.எப்.டி. யூனிட்கள் வழங்கப்படுகின்றன. இந்திய சந்தையில் புதிய சுசுகி கட்டானா மாடலின் விலை ரூ. 12 லட்சத்தில் நிர்ணயம் செய்யப்படலாம். இந்த மாடல் நின்ஜா 1000SX மற்றும் பி.எம்.டபிள்யூ. F 900 XR போன்ற மாடல்களுக்கு போட்டியாக அமையும்.