நீங்கள் தேடியது "அமேசான்"

அமேசான் வலைதளத்தில் கிரேட் ரிபப்ளிக் டே சேல் (Great Republic Day Sale) சிறப்பு விற்பனை ஜனவரி 13-ம் தேதி துவங்கும் என அறிவிக்கப்பட்டு இருக்கிறது. குடியரசு தினத்திற்கு முன்பு துவங்கும் சிறப்பு விற்பனை பிரைம் சந்தா வைத்திருப்போருக்கு மட்டும் முன்கூட்டியே துவங்கிவிடும். இத்துடன் ஏராளமான பிரத்யேக சலுகைகள் வழங்கப்படுகிறது.

கிரேட் ரிபப்ளிக் டே சேலில் பயனர்கள் அனைத்து விதமான பொருட்களுக்கும் சிறப்பு சலுகைகள், தள்ளுபடி மற்றும் வங்கி சார்ந்த பலன்களை பெற முடியும். அமேசானுக்கு கடும் போட்டியாளராக பார்க்கப்படும் ப்ளிப்கார்ட் வலைதளத்தில் ரிபப்ளிக் டே சேல் ஜனவரி 14-ம் தேதி துவங்க இருப்பது குறிப்பிடத்தக்கது.

சிறப்பு விற்பனை குறித்து அமேசான் வெளியிட்டுள்ள தகவல்களில், அமேசான் கிரேட் ரிபப்ளிக் டே சேல் ஜனவரி 13-ம் தேதி மதியம் 12 மணிக்கு துவங்கும் என குறிப்பிடப்பட்டு இருக்கிறது. அமேசான் பிரைம் சந்தா வைத்திருப்போருக்கு இந்த விற்பனை 12 மணி நேரம் முன்னதாகவே துவங்கிவிடும். இத்துடன் ஏராளமான பொருட்களை ஒன்று அல்லது இரண்டே நாட்களில் டெலிவரி பெறும் வசதியும் வழங்கப்படுகிறது.

எந்தெந்த பொருட்களுக்கு என்னென்ன சலுகைகள் வழங்கப்படும் என்பது குறித்து அமேசான் இதுவரை முழு தகவல்களை வழங்கவில்லை. வரும் நாட்களில் இது தொடர்பான தகவல்கள் வழங்கப்படும் என எதிர்பார்க்கலாம். பொருட்கள் மட்டுமின்றி அமேசான் மியூசிக் மற்றும் வீடியோ ஸ்டிரீமிங் சேவைகளுக்கான சந்தாவும் வழங்கப்படலாம்.

தற்போதைய தகவல்களின் படி அமேசான் கிரேட் ரிபப்ளிக் டே சேலில் ஸ்மார்ட்போன் மற்றும் அக்சஸரீக்களுக்கு 40 சதவீதம் வரையிலான தள்ளுபடி வழங்கப்படும் என தெரிவிக்கப்பட்டு இருக்கிறது. இதே போன்று லேப்டாப், டேப்லெட், ஸ்மார்ட்வாட்ச் மற்றும் இதர அக்சஸரீக்களை வாங்கும் போது அதிகபட்சம் 75 சதவீதம் வரையிலான தள்ளுபடி வழங்கப்பட இருக்கிறது. 

2020 கொரோனா பெருந்தொற்று காலகட்டத்திற்கு பிறகு தொடங்கிய பொருளாதார மந்தநிலை நாளுக்கு நாள் மோசமடைவதால் உலகெங்கிலும் பல தகவல் தொழில்நுட்ப நிறுவனங்கள் மற்றும் இணையவழி நிறுவனங்கள் நஷ்டத்தை சந்தித்து வருகின்றன.

அதனால் கடந்த 1 வருடத்திற்கும் மேலாக அத்துறையில் பல நிறுவனங்கள் ஊழியர்களை பணிநீக்கம் செய்து வருகின்றன.

கர்நாடக மாநில தலைநகர் பெங்களூரூவை மையமாக கொண்டு செயல்படும் பிரபல இணையதள வர்த்தக நிறுவனம், ஃப்ளிப்கார்ட் (Flipkart).

2007ல் புத்தகங்களை இணையவழியில் விற்பதற்காக தொடங்கப்பட்ட ஃப்ளிப்கார்ட், பிறகு நுகர்வோர் மின்னணு சாதனங்கள், நவீன ஆடைகள், அணிகலன்கள், வீட்டு உபயோக பொருட்கள், மளிகை பொருட்கள் உள்ளிட்ட பலவற்றை இணையதளத்தின் மூலம் விற்பனை செய்து, பெரும் லாபம் ஈட்டி வந்தது.

இதே துறையில் உள்ள அமெரிக்காவை மையமாக கொண்ட புகழ் பெற்ற அமேசான் நிறுவனத்திற்கு ஃப்ளிப்கார்ட் போட்டியாக இயங்கி வருகிறது.

2018ல் அமெரிக்காவை மையமாக கொண்டு இயங்கும் பன்னாட்டு முன்னணி மளிகை மற்றும் வீட்டு உபயோக பொருட்களுக்கான விற்பனை நிறுவனமான வால்மார்ட் (Walmart), ஃப்ளிப்கார்ட் நிறுவன பங்குகளில் 77 சதவீதத்தை விலைக்கு வாங்கியது.

2022-23 நிதியாண்டில் ஃப்ளிப்கார்ட் ரூ.4,890 கோடி நஷ்டத்தை சந்தித்ததாக 2023 அக்டோபர் மாதம் தகவல் வெளியாகியது.

இந்நிலையில், திறன் அடிப்படையில் தரவரிசை ஏற்படுத்தி அப்பட்டியலில் கீழே உள்ள சுமார் 7 சதவீதம் வரை பணியாளர்களை நீக்க ஃப்ளிப்கார்ட் முடிவு செய்துள்ளது.

பணிநீக்க நடவடிக்கை வரும் ஏப்ரலில் நிறைவடையும்.

புதியதாக பணியாளர்களை சேர்ப்பதை ஃப்ளிப்கார்ட் சில மாதங்களுக்கு முன்னரே நிறுத்தி வைத்திருந்தது குறிப்பிடத்தக்கது.

சியோமி நிறுவனத்தின் ரெட்மி 12C மாடலின் மேம்பட்ட வெர்ஷனாக ரெட்மி 13C ஸ்மார்ட்போன் சமீபத்தில் அறிமுகம் செய்யப்பட்டது. இந்திய சந்தையில் டிசம்பர் 6-ம் தேதி அறிமுகமாக இருக்கும் ரெட்மி 13C அமேசான் வலைதளத்தில் விற்பனை செய்யப்படும் என்று அறிவிக்கப்பட்டு இருக்கிறது. இதற்காக அமேசான் வலைதளத்தில் இடம்பெற்று இருக்கும் மைக்ரோசைட்டில் ஸ்மார்ட்போனின் விவரங்களும் தெரியவந்துள்ளது.

அதன்படி ரெட்மி 13C ஸ்மார்ட்போனுடன் அதன் 5ஜி வெர்ஷனும் இந்திய சந்தையில் அறிமுகம் செய்யப்படும் என்று தகவல் வெளியாகி உள்ளது. அந்த வகையில், 5ஜி கனெக்விட்டியுடன் அறிமுகமாகும் முதல் ரெட்மி C சீரிஸ் ஸ்மார்ட்போனாக இது இருக்கும் என்று தெரிகிறது.

அமேசான் வலைதள விவரங்களின் படி ரெட்மி 13C மாடல் ஸ்டார்டஸ்ட் பிளாக் மற்றும் ஸ்டார் ஷைன் கிரீன் என இரண்டு நிறங்களில் கிடைக்கும் என்று தெரியவந்துள்ளது. இத்துடன் ஏ.ஐ. வசதி கொண்ட 50MP பிரைமரி கேமரா வழங்கப்படுகிறது. இதன் தோற்றம் நைஜீரிய மாடலை போன்ற காட்சியளிக்கிறது. அமேசான் தவிர Mi வலைதளம் மற்றும் ஆஃப்லைன் ஸ்டோர்களிலும் இந்த ஸ்மார்ட்போன் விற்பனை செய்யப்படலாம்.

ரெட்மி 13C அம்சங்கள்:

6.74 இன்ச் HD+ டிஸ்ப்ளே, 90Hz ரிப்ரெஷ் ரேட்

கார்னிங் கொரில்லா கிளாஸ் பாதுகாப்பு

மீடியாடெக் ஹீலியோ ஜி85 பிராசஸர்

மாலி G52 GPU

4 ஜி.பி., 6 ஜி.பி., 8 ஜி.பி. ரேம்

128 ஜி.பி., 256 ஜி.பி. மெமரி

ஆண்ட்ராய்டு 13 சார்ந்த எம்.ஐ.யு.ஐ. 14

50MP பிரைமரி கேமரா

2MP மேக்ரோ லென்ஸ்

8MP செல்ஃபி கேமரா

4ஜி, டூயல் சிம் ஸ்லாட், வைபை

ப்ளூடூத் 5.3

5000 எம்.ஏ.ஹெச். பேட்டரி

18 வாட் ஃபாஸ்ட் சார்ஜிங் வசதி

ஆப்பிள் நிறுவனம் கடந்த 2020 ஆண்டில் மேக்புக் ஏர் M1 மாடலை அறிமுகம் செய்தது. ரூ. 99 ஆயிரத்து 900 விலையில் விற்பனை செய்யப்பட்டு வரும் நிலையில் மேக்புக் ஏர் M1 மாடலுக்கு தற்போது அசத்தல் தள்ளுபடி அறிவிக்கப்பட்டு இருக்கிறது. அதன்படி அமேசான் வலைதளத்தில் இந்த லேப்டாப் விலை பெருமளவில் குறைக்கப்பட்டு உள்ளது.

அமேசான் வலைதள விவரங்களின் படி ஆப்பிள் மேக்புக் ஏர் M1 மாடலுக்கு 15 சதவீதம் வரை உடனடி தள்ளுபடி அறிவிக்கப்பட்டு இருக்கிறது. இதனால் மேக்புக் ஏர் M1 விலை ரூ. 99 ஆயிரத்து 900-இல் இருந்து ரூ. 84 ஆயிரத்து 990 என்று மாறி விடும். இத்துடன் ஹெச்.டி.எஃப்.சி. வங்கி கிரெடிட் கார்டு பயன்படுத்தும் போது ரூ. 5 ஆயிரம் வரை கூடுதல் தள்ளுபடி வழங்கப்படுகிறது.

தள்ளுபடி முழு தொகை செலுத்தி வாங்குவோருக்கும், மாத தவணையில் வாங்குவோருக்கும் பொருந்தும் என்று அறிவிக்கப்பட்டு உள்ளது. அந்த வகையில், தள்ளுபடி மற்றும் வங்கி சலுகைகளை சேர்க்கும் போது மேக்புக் ஏர் M1 விலை ரூ. 79 ஆயிரத்து 990 என்று மாறிவிடும். மேக்புக் ஏர் M1 மாடல் ஸ்பேஸ் கிரே, சில்வர் மற்றும் கோல்டு என மூன்று நிறங்களில் கிடைக்கிறது.

மேக்புக் ஏர் M1 அம்சங்கள்:

13.3 இன்ச் எல்.இ.டி. பேக்லிட் டிஸ்ப்ளே, 400 நிட்ஸ் பிரைட்னஸ்

M1 சிப்செட்

8 ஜி.பி. ரேம்

256 ஜி.பி. மெமரி

தண்டர்போல்ட் 3

யு.எஸ்.பி. 4, யு.எஸ்.பி. 3.1, டிஸ்ப்ளே போர்ட்

3.5mm ஹெட்போன் ஜாக்

பேக்லிட் மேஜிக் கீபோர்டு

டச் ஐடி சென்சார்

வைபை, ப்ளூடூத், ஹெச்.டி. கேமரா

ஸ்டீரியோ ஸ்பீக்கர்கள், டால்பி அட்மோஸ்

15 மணி நேர பேக்கப்

30 வாட் யு.எஸ்.பி. சி பவர் அடாப்டர்

சியோமி நிறுவனத்தின் முற்றிலும் புதிய ரெட்மி 13C 4ஜி ஸ்மார்ட்போன் விரைவில் இந்திய சந்தையில் அறிமுகம் செய்யப்பட இருக்கிறது. சமீபத்தில் தான் இந்த ஸ்மார்ட்போனின் வெளியீட்டை அந்நிறுவனம் உறுதிப்படுத்தியது. மேலும் இதன் டிசைன் மற்றும் எந்தெந்த நிறங்களில் கிடைக்கும் என்ற தகவல்களும் வெளியாகி இருந்தது.

கடந்த ஆண்டு டிசம்பர் மாதம் அறிமுகம் செய்யப்பட்ட ரெட்மி 12C ஸ்மார்ட்போனின் மேம்பட்ட வெர்ஷனாக புதிய ரெட்மி ஸ்மார்ட்போன் அறிமுகமாகிறது. மேலும் இதன் அம்சங்கள் முந்தைய வெர்ஷனில் இருந்ததை விட மேம்பட்டு இருக்கும் என்று தெரிகிறது. ரெட்மி 13C வெளியீட்டு தேதி குறித்து சியோமி நிறுவனம் இதுவரை எந்த தகவலும் வழங்கவில்லை.

இந்த நிலையில், ரெட்மி 13C ஸ்மார்ட்போன் அமேசான் வலைதளத்தில் பட்டியலிடப்பட்டு இருக்கிறது. மேலும் ஸ்மார்ட்போனின் முழு சிறப்பம்சங்கள் மற்றும் விலை என அனைத்து விவரங்களும் இடம்பெற்று இருக்கிறது. அமேசான் வலைதள விவரங்களின் படி ரெட்மி 13C 4ஜி ஸ்மார்ட்போன் பிளாக் நிறத்தில் பட்டியலிடப்பட்டு உள்ளது.

அம்சங்களை பொருத்தவரை இந்த மாடலில் 6.74 இன்ச் HD+ டிஸ்ப்ளே, மீடியாடெக் ஹீலியோ ஜி99 பிராசஸர், ஆண்ட்ராய்டு 13 சார்ந்த MIUI 14, 4ஜி.பி. ரேம், 128 ஜி.பி. மெமரி, மெமரியை கூடுதலாக நீட்டிக்கும் வசதி வழங்கப்படுகிறது. இத்துடன் 50MP பிரைமரி கேமரா, 2MP டெப்த் கேமரா, 5MP செல்ஃபி கேமரா வழங்கப்படுகிறது.

5000 எம்.ஏ.ஹெச். பேட்டரி மூலம் சக்தியூட்டப்படும் ரெட்மி 13C 16 வாட் வயர்டு சார்ஜிங் வசதி, யு.எஸ்.பி. டைப் சி போர்ட் வழங்கப்படுகிறது. இத்துடன் 3.5mm ஆடியோ ஜாக், கைரேகை சென்சார் வழங்கப்பட்டு இருக்கிறது. விலையை பொருத்தவரை ரெட்மி 13C மாடலின் 4 ஜி.பி. ரேம், 128 ஜி.பி. மெமரி மாடல் விலை 140.54 டாலர்கள், இந்திய மதிப்பில் ரூ. 11 ஆயிரத்து 700 என்று நிர்ணயம் செய்யப்பட்டு உள்ளது.

ஐகூ இந்தியா தலைமை செயல் அதிகாரி இந்திய சந்தையில் ஐகூ 12 ஸ்மார்ட்போன் டிசம்பர் 12-ம் தேதி அறிமுகம் செய்யப்படும் என்று அதிகாரப்பூர்வமாக அறிவித்து இருக்கிறார். இந்திய சந்தையில் முற்றிலும் புதிய ஸ்னாப்டிராகன் 8 ஜென் 3 பிராசஸர் கொண்ட முதல் ஸ்மார்ட்போன் என்ற பெருமையை ஐகூ 12 பெறும் என்று கூறப்படுகிறது.

புதிய ஸ்மார்ட்போனின் வெளியீட்டு தேதியுடன் இந்த மாடல் அமேசான் வலைதளத்தில் விற்பனை செய்யப்படும் என்று ஐகூ வெளியிட்டு இருக்கும் அதிகாரப்பூர்வ போஸ்டரில் தெரியவந்துள்ளது. இத்துடன் புதிய ஸ்மார்ட்போனிற்காக ஐகூ நிறுவனம் பி.எம்.டபிள்யூ. M மோட்டார்ஸ்போர்ட் உடன் கூட்டணி அமைத்து இருக்கிறது.

கூட்டணியின் அங்கமாக ஐகூ 12 ஸ்மார்ட்போன் மூன்று நிறங்கள் அடங்கிய ஸ்டிரைப் டிசைனில் அறிமுகம் செய்யப்படுகிறது. இந்திய சந்தையில் அறிமுகம் செய்யப்படும் முன்பாக ஐகூ 12 மற்றும் ஐகூ 12 ப்ரோ ஸ்மார்ட்போன்கள் நவம்பர் 7-ம் தேதி சீன சந்தையில் அறிமுகம் செய்யப்பட இருக்கிறது. இதில் ஐகூ 12 ப்ரோ மாடல் சீன சந்தையில் மட்டும் பிரத்யேகமாக இருக்கும் என்று தெரிகிறது.

இதுவரை வெளியாகி இருக்கும் தகவல்களின் படி ஐகூ 12 மாடலில் 6.78 இன்ச் ஃபிளாட் OLED பேனல், 1.5K ரெசல்யூஷன், 144Hz ரிப்ரெஷ் ரேட், அதிகபட்சம் 3000 நிட்ஸ் பிரைட்னஸ், ஆப்டிக்கல் இன்-ஸ்கிரீன் கைரேகை சென்சார் வழங்கப்படுகிறது. இதன் சீன வெர்ஷனில் ஒரிஜின் ஒ.எஸ். 4, இந்திய வெர்ஷனில் ஆண்ட்ராய்டு 14 சார்ந்த ஃபன்டச் ஒ.எஸ். 14 வழங்கப்படுகிறது.

ஸ்னாப்டிராகன் 8 ஜென் 3 பிராசஸர் கொண்டிருக்கும் ஐகூ 12 ஸ்மார்ட்போனில் அதிகபட்சம் 16 ஜி.பி. வரையிலான ரேம், 1 டி.பி. வரையிலான ஸ்டோரேஜ், 5000 எம்.ஏ.ஹெச். பேட்டரி, 120 வாட் ஃபாஸ்ட் சார்ஜிங் வசதி வழங்கப்படுகிறது. இதன் முன்புறம் 16MP செல்ஃபி கேமரா வழங்கப்படுகிறது. இத்துடன் 50MP பிரைமரி கேமரா, 50MP சென்சார், 64MP லென்ஸ் வழங்கப்படும் என்று கூறப்படுகிறது.

அமேசான் கிரேட் இந்தியன் ஃபெஸ்டிவல் மற்றும் ஃப்ளிப்கார்ட் பிக் பில்லியன் டே சேல் துவங்கும் முன்பே, ஆப்பிள் மேக்புக் ஏர் M1 மாடலின் விலை அமேசான் வலைதளத்தில் குறைக்கப்பட்டு இருக்கிறது. ஆப்பிள் மேக்புக் ஏர் M1 விலை அதன் முந்தைய விலையை விட 30 சதவீதம் குறைந்த விலையில் விற்பனைக்கு கிடைக்கிறது.

ஆப்பிள் இந்தியா வலைதளத்தில் மேக்புக் ஏர் M1 மாடலின் விலை ரூ. 99 ஆயிரத்து 999 என்று குறிப்பிடப்பட்டு இருக்கிறது. எனினும், அமேசான் வலைதளத்தில் இந்த மாடல் ரூ. 69 ஆயிரத்து 990 விலையில் விற்பனை செய்யப்படுகிறது. இது அதன் உண்மையான விலையில் இருந்து 30 சதவீதம் குறைவு ஆகும். இத்துடன் எஸ்.பி.ஐ. கிரெடிட் கார்டு பயன்படுத்தும் போது கூடுதலாக ரூ. 1500 உடனடி தள்ளுபடி கிடைக்கும்.

ஆப்பிள் மேக்புக் ஏர் M1 மாடலில் 13.3 இன்ச் எல்.இ.டி. பேக்லிட் IPS டிஸ்ப்ளே, 2560x1600 பிக்சல் ரெசல்யூஷன், 400 நிட்ஸ் பிரைட்னஸ், M1 சிப்செட், அதிகபட்சம் 16 ஜி.பி. ரேம், 2 டி.பி. வரை எஸ்.எஸ்.டி. ஸ்டோரேஜ் வழங்கப்படுகிறது. இந்த லேப்டாப் மேக் ஒ.எஸ். வென்ச்சுரா மூலம் இயங்குகிறது.

இத்துடன் 720 பிக்சல் ஃபேஸ்டைம் ஹெச்.டி. கேமரா, டச் ஐ.டி. சென்சார், டால்பி அட்மோஸ், ஸ்டீரியோ ஸ்பீக்கர்கள் வழங்கப்பட்டு இருக்கிறது. இந்த மாடலில் 49.9 வாட் ஹவர் பேட்டரி மற்றும் 30 வாட் சார்ஜிங் வசதி வழங்கப்படுகிறது. கனெக்டிவிட்டிக்கு வைபை, ப்ளூடூத் 5.0, 2x யு.எஸ்.பி. டைப் சி போர்ட்கள் வழங்கப்படுகின்றன.

ஆப்பிள் நிறுவனத்தின் ஐபோன் 13 விலை அமேசான் கிரேட் இந்தியன் ஃபெஸ்டிவல் சேல் விற்பனையில் அதிரடியாக குறைக்கப்படுகிறது. அமேசான் சிறப்பு விற்பனை அக்டோபர் 7-ம் தேதி பிரைம் சந்தா வைத்திருப்போருக்கும், அக்டோபர் 8-ம் தேதி அனைவருக்கும் துவங்குகிறது. இது அமேசான் தளத்தில் நடைபெறும் மிகப்பெரும் விற்பனைகளில் ஒன்றாக பார்க்கப்படுகிறது.

இந்த விற்பனையில் பல்வேறு பொருட்களுக்கும் அசத்தல் சலுகைகள் வழங்கப்படும் நிலையில், ஸ்மார்ட்போன்களுக்கு வழங்கப்பட இருக்கும் சலுகை விவரங்களை அமேசான் தற்போது டீசர் வடிவில் வெளியிட்டு வருகிறது. அதில் ஐபோன் 13 மாடலுக்கு வழங்கப்படும் சலுகை பற்றிய விவரங்கள் இடம்பெற்று இருக்கிறது.

அமேசான் வெளியிட்டு இருக்கும் டீசரின் படி கிரேட் இந்தியன் ஃபெஸ்டிவல் சேல்-இன் போது ஐபோன் 13 மாடல் ரூ. 40 ஆயிரத்திற்கும் குறைந்த விலையில் கிடைக்கும் என்று தெரிவிக்கப்பட்டு இருக்கிறது. ஐபோன் 13 சரியான விலை பற்றி எந்த தகவலும் இல்லாத நிலையில், இதற்காக உருவாக்கப்பட்டு இருக்கும் பிரத்யேக வலைப்பக்கத்தில் ஐபோன் 13 விலை ரூ. 40 ஆயிரம் பட்ஜெட்டில் கிடைக்கும் என்று தெரியவந்துள்ளது.

ஐபோன் 13 தற்போது ரூ. 59 ஆயிரத்து 900 விலையில் விற்பனை செய்யப்படுகிறது. ஐபோன் 15 சீரிஸ் அறிமுகத்தை தொடர்ந்து அறிவிக்கப்பட்ட விலை குறைப்பில், ஐபோன் 13 விலை குறைந்து இருப்பது குறிப்பிடத்தக்கது. இந்த விலை குறைப்பு தவிர, அமேசான் தளத்தில் சிறப்பு தள்ளுபடி, வங்கி சார்ந்த தள்ளுபடி, எக்சேன்ஜ் சலுகை உள்ளிட்டவை வழங்கப்படுகிறது.

இவை அனைத்தையும் சேர்க்கும் போது ஐபோன் 13 விலை ரூ. 40 ஆயிரத்திற்கும் குறைவாக கிடைக்கும். இதில் ஐபோன் 13 மாடலுக்கு வழங்கப்படும் சலுகை விவரங்கள், வங்கி தள்ளுபடி, எக்சேன்ஜ் போனஸ் பற்றிய தகவல்கள் வரும் நாட்களில் அறிவிக்கப்படும் என்று தெரிகிறது.

அமேசான் வலைதளத்தில் கிரேட் இந்தியன் ஃபெஸ்டிவல் விற்பனை அடுத்த சில வாரங்களில் துவங்க இருக்கிறது. இதே போன்ற சிறப்பு விற்பனை ஃப்ளிப்கார்ட் வலைதளத்திலும் துவங்க இருக்கிறது. இந்த நிலையில், அமேசான் தளத்தில் வழங்கப்பட இருக்கும் சிறப்பு சலுகைகள் பற்றிய தகவல்கள் டீசர்களாக வெளியிடப்பட்டு உள்ளன.

அந்த வகையில், தற்போதைய அமேசான் சிறப்பு விற்பனையில் மொபைல் போன் மாடல்களுக்கு அதிகபட்சம் 40 சதவீதம், அலெக்சா, ஃபயர் டி.வி. மற்றும் கின்டில் போன்ற சாதனங்களுக்கு 55 சதவீதம், வீட்டு உபயோக, சமயலறை சாதனங்களுக்கு 70 சதவீதம் வரையிலான சலுகைகள் வழங்கப்படுகின்றன.

இதே போன்று லேப்டாப், ஸ்மார்ட்வாட்ச், இயர்போன், டி.வி., மின்சாதனங்களுக்கு 75 சதவீதமும், புத்தகங்கள், விளையாட்டு பொருட்கள், அழகு சாதனங்கள் மற்றும் இதர பொருட்களுக்கு 80 சதவீதம் வரையிலான சலுகைகள் வழங்கப்படுகிறது.

இதுதவிர கிராண்ட் ஒபனிங் டீல், கிக்ஸ்டார்டர் டீல், பிளாக்பஸ்டர் டீல், 8 மணி டீல், ரூ. 999-க்கு குறைந்த விலை டீல், ரொக்க பரிசு, கூப்பன் தள்ளுபடி, கேஷ்பேக் வழங்குவதோடு, பல்வேறு போட்டிகளும் நடைபெற உள்ளன.

இத்துடன் எஸ்.பி.ஐ. வங்கியுடன் இணைந்து கிரெடிட் கார்டு, டெபிட் கார்டு மற்றும் மாத தவணை சலுகை பயன்படுத்தும் போது 10 சதவீதம் உடனடி தள்ளுபடி வழங்கப்படுகிறது.

இந்திய சந்தையில் ஆப்பிள் நிறுவனத்தின் ஐபோன் 14 மாடல் விலை அதிரடியாக குறைக்கப்பட்டு இருக்கிறது. அமேசான் கிரேட் பிரீடம் பெஸ்டிவல் சேல் விற்பனையின் கீழ் ஐபோன் 14 மாடலுக்கு அசத்தல் விலை குறைப்பு அறிவிக்கப்பட்டு இருக்கிறது. அமேசான் பிரைம் சந்தா வைத்திருப்போர் மட்டுமின்றி அனைவரும் இந்த விற்பனையில் பொருட்களை வாங்கிக் கொள்ள முடியும்.

பல்வேறு பிரிவுகளில் கிடைக்கும் ஏராளமான பொருட்களுக்கு வழங்கப்படும் சலுகை விவரங்களை அமேசான் ஏற்கனவே அறிவித்துவிட்டது. அந்த வகையில் ஐபோன் 14 மாடலுக்கான சலுகை அனைவரையும் கவரும் வகையில் அமைந்து இருக்கிறது. ஐபோன் 14 மாடலுக்கு அமேசான் வலைதளத்தில் ரூ. 13 ஆயிரம் வரையிலான தள்ளுபடி வழங்கப்படுகிறது.

அமேசான் கிரேட் பிரீடம் பெஸ்டிவல் சேல் விற்பனையின் கீழ் ஐபோன் 14 மாடலுக்கு 16 சதவீதம் தள்ளுபடி வழங்கப்படுகிறது. அதன்படி ஐபோன் 14 மாடலின் 128 ஜிபி மெமரி கொண்ட பேஸ் வேரியன்ட் விலை ரூ. 79 ஆயிரத்து 900-இல் இருந்து தற்போது ரூ. 66 ஆயிரத்து 999 என்று குறைந்திருக்கிறது. ஐபோன் 14 மாடலின் 256 ஜிபி மெமரி மாடலுக்கு 13 சதவீதம் தள்ளுபடி அறிவிக்கப்பட்டு இருக்கிறது.

அந்த வகையில், இதன் விலை ரூ. 89 ஆயிரத்து 900-இல் இருந்து ரூ. 77 ஆயிரத்து 999 என்று மாறி இருக்கிறது. ஐபோன் 14 மாடலின் 512 ஜிபி வேரியன்ட் விலை ரூ. 1 லட்சத்து 09 ஆயிரத்து 900-இல் இருந்து ரூ. 94 ஆயிரத்து 999 என்று மாறி இருக்கிறது. இத்துடன் எஸ்பிஐ வங்கி கிரெடிட் கார்டு வைத்திருப்போருக்கு ரூ. 1000 ஆயிரம் தள்ளுபடி மற்றும் வட்டியில்லா மாத தவணை முறை சலுகையும் வழங்கப்படுகிறது.

ஆப்பிள் நிறுவனத்தின் ஐபோன் 14 மாடல்- புளூ, மிட்நைட், பர்பில், பிராடக்ட் ரெட், ஸ்டார்லைட் மற்றும் எல்லோ என ஆறு வித நிறங்களில் கிடைக்கிறது. அம்சங்களை பொருத்தவரை ஐபோன் 14 மாடலில் ஏ15 பயோனிக் சிப்செட், 12MP டூயல் பிரைமரி கேமரா, 12MP செல்பி கேமரா, 6.1 இன்ச் OLED டிஸ்ப்ளே போன்ற அம்சங்கள் வழங்கப்படுகின்றன.

உலகின் நம்பர் 1 கோடீசுவரரான எலான் மஸ்கின் பல நிறுவனங்களில் ஒன்று ஸ்பேஸ்எக்ஸ். அமெரிக்காவின் கலிபோர்னியா மாநிலத்தை தலைமையிடமாக கொண்ட இந்நிறுவனம், செயற்கைக்கோள் தகவல் தொடர்பிலும், விண்கல உற்பத்தியிலும் ஏவுகணை தொடர்பான சேவைகளை வழங்குவதிலும் முன்னணியில் உள்ள தனியார் நிறுவனமாக உள்ளது.

இந்நிறுவனத்திற்கு போட்டியாக விண்வெளி இணையச்சேவையைத் தொடங்கும் தனது திட்டத்தின் ஒரு பகுதியாக, அமெரிக்காவின் நாசாவுக்கு சொந்தமான கென்னடி விண்வெளி மையத்தில் ஒரு செயற்கைக்கோள் கட்டுமான வசதியை உருவாக்க சுமார் ஆயிரம் கோடி ($120 மில்லியன்) முதலீடு செய்யப்போவதாக அமெரிக்காவின் இணையதள வர்த்தக நிறுவனமான அமேசான் தெரிவித்திருக்கிறது.

அதன் புராஜெக்ட் குய்ப்பர் எனும் திட்டத்தின் மூலம் உலகம் முழுவதும் சேவை செய்யப்படாத மற்றும் குறைவான சேவைகளையே பெற்று வரும் சமூகங்களுக்கு வேகமான, தடையற்ற, குறைந்த விலையில் பிராட்பேண்ட் சேவைகளை அமேசான் வழங்கும்.

இதற்காக புவியின் கீழ் சுற்றுப்பாதையில் 3200-க்கும் மேற்பட்ட செயற்கைக்கோள்களை அமேசான் நிறுவப்போகிறது.

முழு அளவிலான உற்பத்தி வெளியீடுகள் மற்றும் ஆரம்ப வாடிக்கையாளர்களுக்கான "பைலட்" திட்ட செயலாக்கங்களை அடுத்த ஆண்டு அமேசான் தொடங்கும் என்று இத்திட்டத்தின் துணைத்தலைவர் ஸ்டீவ் மெட்டேயர் தெரிவித்துள்ளார்.

ஸ்பேஸ்எக்ஸ் நிறுவனம், 3700-க்கும் மேற்பட்ட செயல்பாட்டு ஸ்டார்லிங்க் செயற்கைக்கோள்களின் முதல் தொகுப்பை 2019-ல் அறிமுகப்படுத்தியது குறிப்பிடத்தக்கது.

இத்துறையில் ஈடுபட்டு வரும் மற்றோரு நிறுவனம், இங்கிலாந்தின் லண்டனை தலைமையிடமாகக் கொண்ட ஒன்வெப். தற்போது இப்போட்டியில் அமேசானும் இறங்கியிருக்கிறது.

இந்த 3 நிறுவனங்கள் மட்டுமல்லாமல், இணைய சேவையுடன் பல்வேறு தொழில்நுட்ப காரணங்களுக்காக சீனா - 13000, கனடா- 300 மற்றும் ஜெர்மனி- 600, ஐரோப்பிய ஒன்றியம்- 170, அமெரிக்கா- 300-லிருந்து 500

எனும் எண்ணிக்கையில் பல நாட்டு அரசாங்கங்கள் செயற்கைகோள்களை வானில் ஏவ திட்டமிட்டிருக்கிறது.

அமேசான் பிரைம் டே சேல் 2023 பிரைம் டே சேல் துவங்கி நடைபெற்று வருகிறது. அமேசான் பிரைம் சந்தா வைத்திருப்போர், இந்த சிறப்பு விற்பனையில் ஏராளமான பொருட்களுக்கு அசத்தல் சலுகைகள் வழங்கப்படுகின்றன. இன்று (ஜூலை 15), நாளை (ஜூலை 16) அமேசான் பிரைம் டே சேல் பிரைம் சந்தா வைத்திருப்போருக்கு நடைபெற்று வருகிறது.

இந்த சிறப்பு விற்பனையில் மின்சாதன பொருட்களான ஸ்மார்ட்போன், லேப்டாப், டிவி, வீட்டு உபயோக பொருட்கள் மற்றும் ஸ்மார்ட் சாதனங்களுக்கு அதிக தள்ளுபடி மற்றும் சலுகைகள் வழங்கப்படுகின்றன. இதில் ஐபோன் 14 மாடலின் விலை ரூ.65 ஆயிரத்து 999 என்று மாறி இருக்கிறது. இத்துடன் எஸ்பிஐ வங்கி கிரெடிட் கார்டு, ஐசிஐசிஐ டெபிட், கிரெடிட் கார்டு பயன்படுத்தும் போது கூடுதல் தள்ளுபடி வழங்கப்படுகிறது.

தற்போது துவங்கி இருக்கும் விற்பனை 48 மணி நேரம் மட்டுமே நடைபெறுகிறது. பிரைம் சந்தா சேவையை பெறாதவர்கள், தற்போது அமேசான் பிரைம் சேவையை பெற்று, விரும்பிய பொருட்களை சலுகை விலையில் வாங்கிட முடியும். அமேசான் பிரைம் சந்தா ஒரு மாதத்திற்கான கட்டணம் ரூ. 299 என்று நிர்ணயம் செய்யப்பட்டு உள்ளது.

மூன்று மாதத்திற்கான அமேசான் பிரைம் சந்தா கட்டணம் ரூ. 599, ஒரு வருடத்திற்கான அமேசான் பிரைம் சந்தாவுக்கான கட்டணம் ரூ. 1,499 என்று நிர்ணயம் செய்யப்பட்டு உள்ளது. முதல் முறை அமேசான் பிரைம் சந்தாவில் இணைய இருப்பவர்கள், ஒரு மாத காலத்திற்கு சோதனை அடிப்படையில் இலவசமாக வழங்கப்படுகிறது.

ஸ்மார்ட்போனிற்கான சலுகை விவரங்கள்:

அமேசான் பிரைம் டே சேல் விற்பனையின் போது ஐபோன் 14 மாடலுக்கு ரூ. 65 ஆயிரத்து 999 என்று குறைக்கப்பட்டு இருக்கிறது. முன்னதாக ஐபோன் 14 மாடல் கடந்த ஆண்டு செப்டம்பர் மாதம் ரூ. 79 ஆயிரத்து 900 விலையில் அறிமுகம் செய்யப்பட்டது. தற்போதைய விலை குறைப்பு மட்டுமின்றி, எஸ்பிஐ வங்கி கிரெடிட் கார்டு, ஐசிஐசிஐ டெபிட், கிரெடிட் கார்டு பயன்படுத்தும் போது கூடுதல் தள்ளுபடி வழங்கப்படுகிறது.

ஐபோன் மட்டுமின்றி ஐகூ நியோ 7 ப்ரோ 5ஜி, ஒன்பிளஸ் நார்டு 3 5ஜி, ரியல்மி நார்சோ 60 5ஜி மற்றும் சாம்ங் கேலக்ஸி M34 5ஜி மாடல்களுக்கும் விலை குறைப்பு, சலுகை மற்றும் தள்ளுபடி வழங்கப்படுகிறது. இவை மட்டுமின்றி பல்வேறு இதர மாடல்களுக்கும் சிறப்பு சலுகைகள் வழங்கப்பட்டு இருக்கிறது.