நீங்கள் தேடியது "சட்னி"

தேவையான பொருட்கள்

துளிர் முருங்கைக் கீரை - 1 கப்

உளுந்தம் பருப்பு - 1 கைப்பிடி

காய்ந்த மிளகாய் - 8

புளி - நெல்லிக்காய் அளவு

வெங்காயம் - 1

உப்பு - தேவையான அளவு

பூண்டு - 5 பல்

கடுகு, கறிவேப்பிலை - தாளிக்க

எண்ணெய் - 1 டீஸ்பூன்

செய்முறை

முருங்கைக் கீரையை நன்றாக சுத்தம் செய்து கொள்ளவும்.

வெங்காயத்தை பொடியாக நறுக்கி கொள்ளவும்.

வாணலியை அடுப்பில் வைத்து எண்ணெய் ஊற்றி சூடானதும் அதில்காய்ந்த மிளகாய், உளுந்தம் பருப்பை போட்டு பொன்னிறமாக வறுத்த பின்னர் அதில் பூண்டு, வெங்காயம், முருங்கைக் கீரை சேர்த்து வதக்கி தேவையான அளவு உப்பு மற்றும் புளி சேர்த்து கிளறி கொள்ளவும்.

10 நிமிடம் கழித்து அடுப்பை அனைத்து வாணலியை இறக்கி விட வேண்டும்.

வதக்கிய பொருட்கள் ஆறியவுடன் மிக்சியில் போட்டு சிறிது தண்ணீர் தெளித்து அரைத்து கொள்ளவும்.

கடாயை அடுப்பில் வைத்து எண்ணெய் ஊற்றி சூடானதும் கடுகு, கறிவேப்பிலை போட்டு தாளித்து துவையலில் சேர்க்கவும்.

இந்த துவையலை சூடான சாதம், இட்லி, தோசை ஆகியவையுடன் சேர்த்து சாப்பிட்டால் சுவையாக இருக்கும்.

தேவையான பொருட்கள் :

வரமிளகாய் - 7 அல்லது மிளகாய்த்தூள் 2 தேக்கரண்டி

வெங்காயம் - 1 பெரியது

தக்காளி - 1 பெரியது

புளி - சிறிது,

பூண்டு - 5 பல்

உப்பு- 1 /2 தேக்கரண்டி

தாளிக்க:

எண்ணெய் - 3 தேக்கரண்டி

கடுகு - 1 தேக்கரண்டி

உளுத்தம்பருப்பு - 1/2 தேக்கரண்டி

பெருங்காயத்தூள் - 1/4 தேக்கரண்டி

கறிவேப்பிலை - 1 கொத்து

செய்முறை :

வெங்காயம் தோல் உரித்து பெரிதாக வெட்டிக்கொள்ளவும்

தக்காளியைக்கழுவி பெரிதாக வெட்டிக்கொள்ளவும்

கடாயை அடுப்பில் வைத்து எண்ணெய் ஊற்றி சூடானதும் வெங்காயம், தக்காளி, புளி, பூண்டு, காய்ந்த மிளகாய் என ஒவ்வொன்றாக போட்டு வதக்கவும்.

நன்றாக வதங்கியதும் ஆற வைத்து மிச்சியில் போட்டு அதனுடன் உப்பு சேர்த்து நைசாக அரைத்து கொள்ளவும்.

கடாயை அடுப்பில் வைத்து சிறிது எண்ணெய் ஊற்றி சூடானதும் தாளிக்க கொடுக்கப்பட்டுள்ள பொருட்களை போட்டு தாளித்த அரைத்த சட்னியில் ஊற்றி கிளறி பரிமாறவும்.

இப்போது காரசாரமான மிளகாய் சட்னி தயார்.

இது இரண்டு நாட்கள் வரை கெடாதிருக்கும் ஆகையால் சுற்றுலா பயணத்திற்கு கூட எடுத்துச்செல்லலாம்.

தேவையான பொருட்கள்:

வாழைப்பூ - 1

கடலைப் பருப்பு - 1 டீஸ்பூன்

உளுத்தம் பருப்பு - 1 டீஸ்பூன்

புளி - எலுமிச்சை அளவு

காய்ந்த மிளகாய் - 4

துருவிய தேங்காய் - கால் கப்

எண்ணெய் - 3 டீஸ்பூன்

கடுகு - 1 டீஸ்பூன்

கறிவேப்பிலை - சிறிதளவு

உப்பு - தேவையான அளவு

பெருங்காயத்தூள் - சிறிதளவு

செய்முறை:

வாழைப்பூவின் தேவையற்ற காம்புகளை நீக்கி சுத்தம் செய்து வைத்துக்கொள்ளுங்கள்.

சமைப்பதற்கு முன் அதை மோரில் ஊற வையுங்கள்.

அடுப்பில் கடாய் வைத்து எண்ணெய் ஊற்றி சூடானதும் உளுத்தம் பருப்பு, கடலை பருப்பு, பெருங்காயத்தூள், புளி மற்றும் காய்ந்த மிளகாய் சேர்த்து வதக்கிக் கொள்ளுங்கள். பின் அதனை ஆற வையுங்கள்.

அதே கடாயில் வாழைப்பூவையும் வதக்கிக்கொள்ளுங்கள்.

மிக்சியில் முதலில் ஆற வைத்த கடலைப் பருப்பை அரைத்துக்கொள்ளுங்கள்.

அடுத்து தேங்காய் சேர்த்து அரைத்துக்கொள்ளுங்கள்.

கடைசியாக பின் வாழைப்பூ, சிறிது தண்ணீர், உப்பு சேர்த்து அரைத்துக்கொள்ளவும்.

கடாய் வைத்து எண்ணெய் ஊற்றி சூடானதும் கடுகு, கறிவேப்பிலை சேர்த்து தாளித்து அரைத்து வைத்துள்ள துவையலில் கொட்டி கலந்து விடவும்.

இப்போது சுவையான வாழைப்பூ துவையல் தயார்.

தேவையான பொருட்கள் :

வெற்றிலை - 10

காய்ந்த மிளகாய் - 4

வெங்காயம் - ஒன்று

தேங்காய் துருவல் - சிறிதளவு

பூண்டுப் பல் - 3

புளி - கோலிக்குண்டு அளவு

உளுத்தம்பருப்பு - ஒரு டீஸ்பூன்

கடுகு - அரை டீஸ்பூன்

பெருங்காயத்தூள் - கால் டீஸ்பூன்

எண்ணெய் - 2 டீஸ்பூன்

உப்பு - தேவையான அளவு

வெற்றிலைத் துவையல்

வெற்றிலைத் துவையல்

செய்முறை:

வெற்றிலையில் காம்பு, நடு நரம்பை நீக்கி விட்டு பொடியாக நறுக்கி கொள்ளவும்.

வெங்காயம், பூண்டை பொடியாக நறுக்கி கொள்ளவும்.

வாணலியில் எண்ணெய்விட்டுச் சூடாக்கி, கடுகு, உளுத்தம்பருப்பு, பெருங்காயத்தூள் தாளிக்கவும்.

அதனுடன் காய்ந்த மிளகாய், வெங்காயம், பூண்டு, தேங்காய் துருவல், வெற்றிலை சேர்த்து வதக்கவும். நன்கு வதங்கியதும் புளி, உப்பு சேர்த்துச் சிறிது நேரம் வதக்கி இறக்கவும்.

ஆறியதும் மிக்ஸியில் போட்டு சிறிது தண்ணீர் சேர்த்த துவையலாக அரைத்து எடுக்கவும்.

இப்போது சத்தான சுவையான வெற்றிலைத் துவையல் ரெடி.

தேவையான பொருட்கள்:

கறிவேப்பில்லை - ஒரு கப்

உளுத்தம் பருப்பு - இரண்டு டீஸ்பூன்

கடலை பருப்பு - ஒரு டீஸ்பூன்

எண்ணெய் - ஒரு டீஸ்பூன்

உப்பு - தேவைகேற்ப

பச்சை மிளகாய் - இரண்டு

புளி - சிறிதளவு

தாளிக்க:

எண்ணெய் - ஒரு டீஸ்பூன்

கடுகு - கால் டீஸ்பூன்

உடைத்த உளுத்தம் பருப்பு - கால் டீஸ்பூன்

கறிவேப்பில்லை - சிறிதளவு

செய்முறை:

கடாயில் ஒரு டீஸ்பூன் எண்ணெய் ஊற்றி காய்ந்ததும் கறிவேப்பில்லை போட்டு லேசாக வறுத்து எடுக்கவும்.

பிறகு, அதே கடாயில் உளுத்தம் பருப்பு, கடலை பருப்பு சேர்த்து பொன்னிறமாக வறுத்து எடுத்து கொள்ளவும்.

மிக்சியில் வறுத்த பொருட்களை போட்டு அதனுடன் புளி, உப்பு, பச்சை மிளகாய் சேர்த்து சட்னி பதத்திற்கு அரைத்து எடுத்து கொள்ளவும்.

கடாயில் எண்ணெய் ஊற்றி காய்ந்ததும் கடுகு, உடைத்த உளுத்தம் பருப்பு மற்றும் கறிவேப்பில்லை போட்டு தாளித்து அதில் கொட்டி பரிமாறவும்.

இப்போது சத்தான கறிவேப்பிலை சட்னி ரெடி.

தேவையான பொருட்கள் :

பச்சை மிளகாய் - 20

சின்ன வெங்காயம் - 50 கிராம்

உளுந்து - 2 டீஸ்பூன்

பூண்டு - 10

புளி - சிறிய நெல்லிக்காய் அளவு

சமையல் எண்ணெய் - 2 டீஸ்பூன்

உப்பு - தேவையான அளவு

தாளிக்க :

கடுகு, கறிவேப்பிலை

செய்முறை :

சின்ன வெங்காயத்தை தோல் நீக்கி கொள்ளவும்.

ப.மிளகாயை நன்றாக கழுவி வைக்கவும்.

கடாயை அடுப்பில் வைத்து எண்ணெய் ஊற்றி சூடானதும் உளுந்து சேர்த்து பொன்னிறமாக வறுத்து எடுத்துக்கொள்ளுங்கள்.

பின் சின்ன வெங்காயம் சேர்த்து கண்ணாடி பதம் வரும் வரை வதக்கவும்.

அடுத்து அதில் பச்சை மிளகாய், பூண்டு சேர்த்து நன்கு வதக்கியபின் இறக்குவதற்கு முன் புளி சேர்த்து வதக்கிக்கொள்ளுங்கள்.

அனைத்தையும் ஆற வைத்து மிக்சியில் போட்டு தேவையான அளவு உப்பு சேர்த்து சிறிது தண்ணீர் தெளித்து அரைத்து கொள்ளவும்.

மற்றொரு கடாயை அடுப்பில் வைத்து எண்ணெய் ஊற்றி தாளிக்க கொடுக்கப்பட்டுள்ள பொருட்களை போட்டு தாளித்த சட்னியில் கொட்டவும்.

அவ்வளவுதான் சூப்பரான காரசாரமான பச்சை மிளகாய் சட்னி தயார்.

தேவையான பொருட்கள்

தேங்காய் - 1 கப் (துருவியது)

பச்சை மிளகாய் - 1

இஞ்சி - 1 சிறிய துண்டு

சீரகம் - ஒரு சிட்டிகை

உப்பு - தேவையான அளவு

தாளிப்பதற்கு

கடுகு - 1 டீஸ்பூன்

உளுத்தம் பருப்பு - 1 டீஸ்பூன்

கறிவேப்பிலை - சிறிது

எண்ணெய் - 1 டேபிள் ஸ்பூன்

செய்முறை

முதலில் மிக்ஸியில் தேங்காய், பச்சை மிளகாய், இஞ்சி, சீரகம் மற்றும் தேவையான அளவு உப்பு சேர்த்து, சிறிது நீர் ஊற்றி நன்கு அரைத்துக் கொள்ள வேண்டும்.

பின் அரைத்த சட்னியை ஒரு பௌலில் போட்டுக் கொள்ள வேண்டும்.

ஒரு வாணலியை அடுப்பில் வைத்து, அதில் தாளிப்பதற்கு தேவையான அளவு எண்ணெய் ஊற்றி காய்ந்ததும், கடுகு, உளுத்தம் பருப்பு மற்றும் கறிவேப்பிலை சேர்த்து தாளிக்க வேண்டும்.

பிறகு அதை சட்னியில் ஊற்றி கிளறினால், சுவையான ஹோட்டல் ஸ்டைல் தேங்காய் சட்னி தயார்.

தேவையான பொருட்கள்

முட்டைகோஸ் - 150 கிராம்

பச்சை மிளகாய் - 2

உளுத்தம் பருப்பு - ஒரு டீஸ்பூன்

புளி - எலுமிச்சை பழம் அளவு

உப்பு - தேவைகேற்ப

இஞ்சி - சிறு துண்டு

எண்ணெய் - 2 டீஸ்பூன்

தாளிக்க:

எண்ணெய் - ஒரு டீஸ்பூன்

கடுகு - கால் டீஸ்பூன்

காய்ந்த மிளகாய் - 2

கறிவேப்பில்லை - சிறிதளவு

செய்முறை

முட்டைகோஸ், ப.மிளகாயை பொடியாக நறுக்கி கொள்ளவும்

கடாயில் எண்ணெய் ஊற்றி காய்ந்ததும் உளுத்தம் பருப்பு, கோஸ் மற்றும் பச்சை மிளகாயை ஒன்றின் பின் ஒன்றாக சேர்த்து பச்சை வாசனை போகும் வரை வதக்கி எடுத்து கொள்ளவும்.

வறுத்த உளுத்தம் பருப்பு, பச்சை மிளகாய், கோஸ் அதனுடன் புளி, உப்பு, இஞ்சி ஆகியவற்றை சேர்த்து சட்னி பதத்திற்கு அரைத்து கொள்ளவும்.

கடாயில் எண்ணெய் ஊற்றி காய்ந்ததும் கடுகு, காய்ந்த மிளகாய், கறிவேப்பில்லை போட்டு தாளித்து அரைத்த சட்னியில் கொட்டி பரிமாறவும்.

தேவையான பொருட்கள்:

பிரண்டை - 1 கட்டு

உளுத்தம்பருப்பு - 2 டேபிள் ஸ்பூன்

பூண்டு - 10 பல்

இஞ்சி - 1 துண்டு

காய்ந்த மிளகாய் - 5 முதல் 6

தேங்காய் - 1 துண்டு

புளி - சிறிதளவு

நல்லெண்ணெய் - தேவையான அளவு

உப்பு - தேவையான அளவு

பெருங்காயத்தூள் - கால் டேபிள் ஸ்பூன்

செய்முறை:

பிரண்டையில் உள்ள மேல் தோலை நீக்கி விட்டு நன்கு சுத்தம் செய்து எடுத்து வைத்துக் கொள்ளவும்.

தேங்காயை துண்டுகளாக நறுக்கி கொள்ளவும்.

ஒரு கடாயில் நல்லெண்ணெய் சேர்த்துக் எண்ணெய் சூடானதும் உளுத்தம் பருப்பு, காய்ந்த மிளகாய் சேர்த்து வதக்கவும். அடுத்து அதில் பூண்டு, இஞ்சி, புளி, பெருங்காயத்தூள், தேங்காய் என ஒவ்வொன்றாக வறுத்து ஆற வைக்கவும்.

அடுத்து அதில் பின்னர் சுத்தம் செய்து வைத்துள்ள பிரண்டையை சேர்த்து வதக்கவும். பிரண்டையை நன்கு வதக்க வேண்டும். பிரண்டையை வதக்கும் போது தேவையான அளவு உப்பு சேர்த்து நன்றாக வதக்கிக் கொள்ளவும்.

சூடு ஆறிய பின் ஒரு மிக்சி ஜாரில் சேர்த்து நைசாக அரைத்துக் கொள்ளவும். சுவையான சத்தான பிரண்டை துவையல் தயார்.

சட்னி வகைகளில் பெரும்பாலானவை சுவையோடு ஆரோக்கியத்தையும் வலுப்படுத்தும் தன்மை கொண்டவை. நோய் எதிர்ப்பு சக்தியை அதிகரிக்க செய்து நோய்தொற்றுகளில் இருந்து தற்காத்துக்கொள்ளவும் உதவுபவை.

புதினா சட்னி: கோடை காலத்தில் வயிற்றுக்கு குளிர்ச்சி ஏற்படுத்தி கொடுக்கும் தன்மை கொண்டது. இதில் வைட்டமின்கள் பி, சி, டி ஆகியவை நிறைந்திருக்கின்றன. வயிற்று ஆரோக்கியத்தை மேம்படுத்துவதோடு செரிமானத்தையும் எளிமையாக்கும். பசி உணர்வை தூண்ட செய்யும். நோய் எதிர்ப்பு சக்தியை அதிகப்படுத்தும். குமட்டலை போக்கும். உடல் வீக்கத்தை குறைக்க உதவும்.

நெல்லிக்காய் சட்னி: நெல்லிக்காய் கசப்பு மற்றும் புளிப்பு சுவையை கொண்டிருப்பதால் பெரும்பாலானோர் விரும்புவதில்லை. இதனை சட்னியாக தயாரித்து சாப்பிடலாம். இதில் வைட்டமின் சி நிறைந்துள்ளது. இது நோய் எதிர்ப்பு சக்தியை அதிகரிக்க செய்யும். இரத்தத்தில் சர்க்கரை அளவை சீராக்க உதவும். மற்றும் இன்சுலின் சுரப்பையும் தூண்ட செய்யும். இது நீரிழிவு நோயாளிகளுக்கு சிறந்தது.

கொத்தமல்லி சட்னி: எளிதாக தயார் செய்துவிடலாம் என்பதோடு சுவையும் நிறைந்தது. இதில் வைட்டமின்கள் சி, கே மற்றும் புரதங்களும் அதிகம் இருக்கின்றன. செரிமானத்தை மேம்படுத்தவும் உதவும். நீரிழிவு நோயாளிகள் இந்த சட்னியை விரும்பி சாப்பிடலாம். இரத்தத்தில் உள்ள சர்க்கரை அளவை குறைத்து இன்சுலின் சுரப்பை தூண்ட உதவும். வாய்ப்புண் பிரச்சினையால் அவதிப்படுபவர்களும் கொத்தமல்லி சட்னி சாப்பிடலாம்.

தக்காளி சட்னி: தக்காளியில் சோடியம் மற்றும் கொழுப்பு குறைவான அளவிலேயே உள்ளது. தக்காளி சட்னி இதய ஆரோக்கியத்திற்கும் நல்லது. உயர் இரத்த அழுத்தத்தையும் கட்டுப்படுத்தும். இரத்தத்தை சுத்திகரிக்கவும் உதவும். பல்வேறு நோய்களில் இருந்து பாதுகாக்கவும் செய்யும் தன்மை கொண்டது.

வெங்காயம்-பூண்டு சட்னி: வெங்காயம் மற்றும் பூண்டு இரண்டும் ஆரோக்கியத்திற்கு மிகவும் நல்லது. இந்த சட்னியை சாப்பிட்டால் செரிமானம் மேம்படும். இரத்தத்தில் கொழுப்பை ஒழுங்குபடுத்தும். பக்கவாதம் வராமல் தடுக்கும். பாக்டீரியா எதிர்ப்பு பண்புகளைக் கொண்ட இது சளி, இருமல் தொல்லையில் இருந்து விடுபடவைக்கும்.

கருவேப்பிலை சட்னி: கறிவேப்பிலை இல்லாமல் எந்த சமையலும் முழுமை பெறாது. இது எண்ணற்ற ஆரோக்கிய நன்மைகளையும் கொண்டது. உணவுக்கு நறுமணத்தையும், நல்ல சுவையையும் ஏற்படுத்தி கொடுக்கும். நீரிழிவு நோயை கட்டுப்படுத்தவும் உதவும். இதில் வைட்டமின்கள் ஏ, பி, சி, ஈ, போலிக் அமிலம் மற்றும் இரும்பு சத்துக்கள் அதிகம் இருக்கிறது. ஆன்டி ஆக்சிடென்டுகள், வயிற்றுப்போக்கு, இரத்தசோகை எதிர்ப்பு பண்புகளை கொண்டிருக்கிறது. இரைப்பை குடல் பிரச்சினையை தீர்க்கவும் உதவும். கெட்ட கொழுப்பின் அளவை குறைத்து நீரிழிவு நோயை கட்டுப்படுத்தவும் உதவும்.

தேவையான பொருட்கள் :

பெரிய நெல்லிக்காய் - 4,

மாங்காய் இஞ்சி - 50 கிராம்,

கொத்துமல்லித் தழை - கைப்பிடி,

பச்சை மிளகாய் - 2,

புளி - சிறு அளவு,

துருவிய தேங்காய் - ஒரு டேபிள்ஸ்பூன்,

உப்பு - தேவையான அளவு,

எண்ணெய் - 2 டீஸ்பூன்.

செய்முறை:

மாங்காய் இஞ்சியைத் தோல் நீக்கி, துண்டுகளாக நறுக்கவும்.

நெல்லிக்காயையும் கொட்டை நீக்கி, நறுக்கிக்கொள்ளவும்.

கடாயில் எண்ணெய் விட்டு, காய்ந்ததும் இஞ்சி, நெல்லிக்காயுடன் மற்ற பொருட்களையும் போட்டு ஐந்து நிமிடம் வதக்கி, ஆறவைத்து, தண்ணீர் சேர்க்காமல் அரைத்து எடுக்கவும்.

சூடான சாதத்தில் பிசைந்து சாப்பிடவும், பிரெட், தோசையின் மேலே தடவி சாப்பிட சுவையாக இருக்கும்.

குறிப்பு: இந்தத் துவையலை சாதத்தில் கலந்து கடுகு, உளுத்தம்பருப்பு தாளித்து, ஒரு துளி நெய்விட்டுக் கலந்தால், சுவையான 'மாங்காய் இஞ்சி - நெல்லிக்காய் சாதம்' தயார்.

தேவையான பொருட்கள்:

கத்திரிக்காய் - 200 கிராம்

தக்காளி - 3

பெ. வெங்காயம் - 1

ப. மிளகாய் - 1

காய்ந்த மிளகாய் - 4

கடுகு, உளுந்து - 1 டீஸ்பூன்

எண்ணெய் - தே.அளவு

கறிவேப்பில்லை - தே.அளவு

உப்பு - தே.அளவு

செய்முறை:

வெங்காயம், தக்காளி, கத்திரிக்காயை பொடியாக நறுக்கி கொள்ளவும்.

குக்கரில் தண்ணீர் ஊற்றி கத்திரிக்காய், தக்காளி, ப. மிளகாய் மற்றும் உப்பு சேர்த்து 3 விசில் வரும் வரை வேகவிடவும்.

பின்னர் ஆவி அடங்கியதும் தக்காளியின் தோலை நீக்கிய பின் மிக்ஸியில் இந்த கலவையை நன்கு அரைத்து கொள்ளவும்.

கடாயில் எண்ணெய் ஊற்றி கடுகு, உளுந்து, கறிவேப்பில்லை, காய்ந்த மிளகாய் போட்டு தாளித்த பின்னர் நறுக்கிய வெங்காயம், உப்பு சேர்த்து வதக்கவும்.

பின்னர் அரைத்து வைத்த கத்திரிக்காய் கலவையை தேவையான தண்ணீருடன் ஊற்றி எண்ணெய் பிரிந்து வரும் வரை கொதிக்க விடவும்.

எண்ணெய் பிரிந்து கெட்டி பதத்திற்கு வந்ததும் அடுப்பை அணைக்கவும்.

இப்பொழுது இட்லி தோசைக்கு சூப்பரான சைடு டிஷ் கத்திரிக்காய் சட்னி தயார்.