நீங்கள் தேடியது "slug 225556"

காந்திநகர்:

பாரதப் பிரதமரின் அனைவருக்கும் வீட்டு வசதி திட்டத்தை (நகர்ப்புறம்) சிறப்பாக செயல்படுத்தும் மாநிலங்கள் / யூனியன் பிரதேசங்கள் / உள்ளாட்சி அமைப்புகள் மற்றும் பயனாளிகளை அங்கீகரிப்பதற்காக பிரதம மந்திரியின் ஆவாஸ் யோஜனா விருதுகள் வழங்கப்பட்டன.

இதில் தேசிய அளவில் 3-வது இடத்தைப் பிடித்த தமிழகத்திற்கு பிரதமர் மோடி விருது வழங்கினார். இந்த விருதை குஜராத் மாநிலம் ராஜ்கோட்டில் நடைபெற்ற நகர்ப்புற வீட்டு வசதி மாநாட்டில், பிரதமர் மோடியிடம் இருந்து தமிழக குறு, சிறு மற்றும் நடுத்தரத் தொழில் நிறுவனங்கள் துறை அமைச்சர் தா.மோ.அன்பரசன் பெற்றுக்கொண்டார்.

'அனைவருக்கும் வீட்டு வசதி' திட்டத்தின் கீழ் சிறப்பாக செயல்பட்ட மாநிலங்கள் பிரிவில் தமிழ்நாடு 3-வது இடத்தையும், சிறந்த மாநகராட்சிகள் பிரிவில் மதுரை 3-வது இடத்தையும், சிறந்த பேரூராட்சிகள் பிரிவில் கோவை மாவட்டம், பெரிய நெகமம் பேரூராட்சி 5-வது இடத்தையும் பிடித்துள்ளன.

முதுகுளத்தூர்

ராமநாதபுரம் மாவட்டத்தில் இளைஞர்களின் திறன்களை மேம்படுத்தும் வகையில் நேரு யுவகேந்திரா சார்பில் பேச்சு, கவிதை, நடன போட்டி நடந்தது. சிறப்பு அழைப்பாளர்களாக கலெக்டர், கூடுதல் கலெக்டர் மற்றும் ராமநாதபுரம் எம்.பி. கலந்துகொண்டனர்.

இதில் தன்னார்வலர்களை சிறப்பிக்கும் வகையில், ராமநாதபுரம் மாவட்டத்தில் மக்கள் சேவையில் சிறந்து விளங்கும் தொண்டு நிறுவனங்களில், முத்தமிழ் அறக்கட்டளை தேர்வு செய்யப்பட்டு, அதன் நிறுவனர் சபரிமலைநாதனுக்கு, நவாஸ் கனி எம்.பி. விருது வழங்கினார்.

கன்னியாகுமரி:

இரணியல் அருகே உள்ள நெட்டாங்கோடு என்ற இடத்தை சேர்ந்தவர் சுப்ரமணிய பிரசாத் துபாயில் பணிபுரிகிறார். இவரது மனைவி ஒலினா. இவர்களது மகன் லெயான்ஷ் பிராசாத்(வயது5). தற்பொழுது துபாயில் யூ.கே.ஜி. பயின்று வருகிறார். இவர் தனது கண்களை கட்டி ஒரு நிமிடத்தில் 165 கார் லோகோ பெயர்களை சொல்லி உலக சாதனை புரிந்துள்ளார். இதன் மூலம் உலக சாதனையாளர் புத்தகம் மற்றும் கலாம் சாதனையாளர் புத்தகங்களில் இடம் பெற்றுள்ளார். உலக சாதனை புரியும் போது அவரது வயது 4 வருடம் 11 மாதம் ஆகும்.

இதற்கான விருதுகளை இரணியல் போலீஸ் நிலைய இன்ஸ்பெக்டர் சுந்தர பாண்டியனிடமிருந்தும் தனித்துவம் வாய்ந்த சாதனையாளர் விருதினை குளச்சல் அனைத்து மகளிர் போலீஸ் நிலைய இன்ஸ்பெக்டர் ஜூலியட்டிடமிருந்தும் பெற்றுக்கொண்டார்.

இவர் மேலும் பல உலக சாதனைகள் புரிந்து பல புத்தகங்களில் இடம் பெற முயற்சி எடுத்துக்கொண்டு இருக்கிறார். இவரது தந்தை ஏற்கனவே தனது இரு கைகளையும் எதிரெதிர் திசையில் ஒருநிமிடத்தில் அதிக அளவில் சுற்றி உலக சாதனை புரிந்து உலக சாதனையாளர் புத்தகம், ஆசிய சாதனையாளர் புத்தகம், இந்திய சாதனையாளர் புத்தகம் ஆகியவற்றில் இடம் பிடித்துள்ளார் என்பது குறிப்பிடத்தக்கது.

மொரப்பூர்,

தருமபுரி மாவட்டம், கம்பைநல்லூர் அருகே உள்ள கே.ஈச்சம்பாடி ஊராட்சிக்கு உட்பட்ட ஈ.அக்ரஹாரம் கிராமத்தில் அப்துல்கலாம் 91-வது பிறந்தநாள் மற்றும் முதலாம் ஆண்டு விருது வழங்கும் விழா நடைபெற்றது.

விழாவில் டாக்டர் ஏ.பி. ஜே. அப்துல் கலாம் உருவ படத்திற்கு மாலை அணிவித்து மரியாதை செலுத்தப்பட்டது.

இவ்விழாவில் கம்பைநல்லூர் போலீஸ்-இன்ஸ்பெக்டர் செந்தில்குமார்,மொரப்பூர் போலீஸ்- இன்ஸ்பெக்டர் வசந்தா ஆகியோர் சிறப்பு விருந்தினர்களாக கலந்து கொண்டு சமூக சேவையில் ஈடுப்பட்டு வரும் சமூக சேவகர்கள் மற்றும் சமூக சேவை செய்துவரும் அமைப்புகளுக்கு கலாம் சிந்தனையாளர் விருது,கலாம் சுடர் விருது,கலாம் கல்வியாளர் விருது போன்ற விருதுகளை வழங்கினர்.

விழாவில் ராணுவவீரர் திருப்பதி,ஆசிரியர் நாகமணி, ஊத்தங்கரை அறம் விதை அறக்கட்டளை, போச்சம்பள்ளி சாகிப் பயிற்சி மையம் கார்த்திக் மற்றும் நிர்வாகிகள்,சுகாதார ஆய்வாளர் செழியன், பெரமாண்டப்பட்டி ஜெகநாதன், ஆசிரியர் ரவி,நவலை குப்புசாமி,நவலை துணைத்தலைவர் தேவிசங்கர், டாக்டர் ஏ.பி.ஜே.அப்துல்கலாம் பசுமை தேசம் நற்பணி மன்றம் சின்னமணி, மனோ,கீர்த்தனா,சந்திரலேகா,உதயகுமார் மற்றும் நிர்வாகிகள் உள்பட பலர் கலந்து கொண்டனர்.

ராமநாதபுரம்

ராமநாதபுரம் மாவட்டம் பரமக்குடி தாலுகா அரியனேந்தல் ஊராட்சியில் கழிவு நீரை சுத்திகரிப்பு, மறுசுழற்சி செய்து இதர தேவைகளுக்கு பயன்படுத்தப்படுகிறது. இதன் அடிப்படையில் தூய்மை பாரத திட்டத்தின் கீழ் தூய்மைக்கான சிறந்த ஊராட்சி என அரியனேந்தல் ஊராட்சி விருது பெற்றுள்ளது. இந்த விருதினை டெல்லியில் நடந்த விழாவில் ஜனாதிபதி திரவுபதி முர்முவிடம் இருந்து அமைச்சர் கே.ஆர்.பெரியகருப்பன் பெற்றார். அவருடன் அரியனேந்தல் ஊராட்சி மன்ற தலைவர் மணிமுத்து கலந்து கொண்டார். இைதயடுத்து ஊராட்சி மன்ற தலைவர் மணிமுத்துவுக்கு பாராட்டு விழா நடந்தது.

பரமக்குடி ஊராட்சி மன்ற தலைவர்கள் கூட்டமைப்பு சார்பில் நடந்த விழாவில் மணிமுத்து கவுரவிக்கப்பட்டார். தொடர்ந்து அரியனேந்தல் ஊராட்சியில் பணியாற்றும் தூய்மை பணியாளர்களுக்கு சால்வை அணிவித்து பாராட்டினர். பரமக்குடி ஊராட்சி ஒன்றிய குழு தலைவர் சிந்தாமணி முத்தையா தலைமை தாங்கினார். துணை தலைவர் சரயு ராஜேந்திரன், ஆணையாளர் உம்முல் ஜாமியா, வட்டார வளர்ச்சி அலுவலர் (கி.ஊ) சந்திரமோகன் முன்னிலை வகித்தனர். தமிழ் ஆசிரியர் செட்டியப்பன் தொகுத்து வழங்கினார். விருது பெற்ற ஊராட்சி மன்ற தலைவர் மணிமுத்து, ஊராட்சி ஒன்றிய குழு துணை தலைவர் சரயு ராஜேந்திரன் ஆகியோரை வாழ்த்தி ஊராட்சி ஒன்றிய அதிகாரிகளும், கிராம மக்களும் பேசினர். விழாவில் ஊராட்சி ஒன்றிய துணைத் தலைவர் பாப்பா சிவகுமார், முன்னாள் ஊராட்சி மன்ற தலைவர் சண்முகம், கோகுலம் சேம்பர் உரிமையாளர் சண்முகம், கவுன்சிலர்கள் குமார், சண்முகவேல், சண்முகம், ராமசாமி, கோபால் உள்பட கிராம மக்கள் கலந்து கொண்டனர். அரியனேந்தல் ஊராட்சி செயலாளர் கார்த்திக் நன்றி கூறினார்.

ராமநாதபுரம்

ராமநாதபுரம் மாவட்ட கலெக்டர் ஜானி டாம் வர்கீஸ் வெளியிட்டுள்ள செய்தி குறிப்பில் கூறி யிருப்பதாவது:-

தமிழக அரசு, சமூகநலன் மற்றும் மகளிர் உரிமைத் துறை மூலம் பெண் குழந்தைகளுக்கு எதிரான குற்றங்களைத் தடுக்கவும், அனைத்து பெண் குழந்தைகளும் 18 வயது வரை கல்வி கற்றலை உறுதி செய்யவும், பெண் குழந்தை தொழிலாளர் முறையை ஒழிக்கவும், பெண் குழந்தை திருமணங்களைத் தடுக்கவும், பாடுபட்டு வீர தீர செயல் புரிந்து வரும் 18 வயதிற்குட்பட்ட பெண் குழந்தைகளை சிறப்பிக்கும் மூலமாக அதற்கான மாநில விருது ஒன்றை அறிவித்து அரசாணை பிறப்பித்து கடந்த 2017-ம் ஆண்டு முதல் செயல்படுத்தி வருகிறது.இதன்படி வருடந்தோறும் மேற்குறிப்பிட்டவாறு சேவை புரிந்து வரும் சிறந்த குழந்தை ஒருவருக்கு தேசிய பெண் குழந்தை தினத்தில் (ஜனவரி - 24) பாராட்டு பத்திரமும், ரூபாய் 1 லட்சத்திற்கான காசோலையும் வழங்கி சிறப்பிக்கப்படுகிறது.

அதே போன்று, வருகிற ஜனவரி 2023-ல் தேசிய பெண் குழந்தை தினத்தில் மாநில விருது வழங்கிட 18 வயதிற்குட்பட்ட (31 டிசம்பர் 2022-ன்படி) மேற்குறிப்பிட்டவாறு தகுதியான பெண் குழந்தை களிடமிருந்து விண்ண ப்பங்கள் நவம்பவர் 30-ந் தேதி வரை வரவேற்கப்ப டுகின்றன.

விருது

விருதிற்கான விண்ண ப்பங்கள் தலைமையாசிரியர் மற்றும் மாவட்ட முதன்மை கல்வி அலுவலர், மாவட்ட குழந்தைகள் பாதுகாப்பு அலுவலர், மாவட்ட திட்ட அலுவலர், காவல்துறை தொண்டு நிறுவனங்கள் உள்ளிட்ட சம்மந்தப்பட்ட அலுவலர்கள் வாயி லாக உரிய முன் மொழிவுகளுடன் மாவட்ட சமூக நல அலு வலரிடம் சமர்பிக்கப்பட வேண்டும்.

இவ்விண்ணப்பங்கள் கூர்ந்தாய்வு செய்து, மாவட்ட கலெக்டர் பரிந்துரையுடன் சமூக நல இயக்குநரகத்திற்கு பரிசீலனைக்காக அனுப்பி வைக்கப்படும். மாவட்டங்களிலிருந்து பெறப்படும் விண்ண ப்பங்கள் மாநில அளவில் தேர்வு குழு மூலம் பரிசீலனை செய்யப்பட்ட, அனைத்து தகுதிகள் பெற்ற ஒரு பெண் குழந்தை தேர்வு செய்யப்பட்டு ஜனவரி 24-ந் தேதி அன்று மாநில விருது வழங்கப்படும்.

இவ்வாறு அந்த அறிக்கையில் கலெக்டர் தெரிவித்து ள்ளார்.

தஞ்சாவூர்:

தமிழ்நாடு பேரிடர் அபாய குறைப்பு முகமை மற்றும் தஞ்சாவூர் மாவட்ட பேரிடர் மேலாண்மை ஆணையம் சார்பில் நடைபெற்ற அப்தமித்ரா - பேரிடர் கால நண்பன் திட்டத்தில் 2-வது கட்டமாக 33 தன்னார்வலர்களுக்கு 12 நாள் சிறப்பு பயிற்சி ரெட்கிராஸ் பேரிடர் மேலாண்மை பயிற்சி மையத்தில் கடந்த 10-ம் தேதி தொடங்கி நேற்றுடன் முடிவு அடைந்தது.

பேரிடர் மேலாண்மையில் சிறந்த பயிற்றுநர்கள் கொண்டு பேரிடர் மேலாண்மை, பேரிடர் தயார்நிலை, நிலநடுக்கம், நிலசரிவு, வெள்ளம், சுனாமி, சூறாவளி உள்ளிட்ட பல்வேறு அவசர நிலை பாதுகாப்பு குறித்து செயல்முறை விளக்கத்துடன் பயிற்சி வழங்கப்பட்டது.

இப்பயிற்சியில் பங்கேற்ற தன்னார்வலர்களுக்கு மாவட்ட கலெக்டர் கையொப்பமிட்ட சான்றிதழ் மற்றும் அடையாள அட்டையினை பேரிடர் தாசில்தார் ராஜேஸ்வரி முன்னிலையில் முன்னாள் ராணுவத்தினர் நல உதவி இயக்குனர் மேஜர் சரவணன் வழங்கினார். மேலும் இப்பயிற்சியில் சிறந்த தன்னார்வலராக சத்யராஜ், சிறந்த கையேடு பராமரித்த அபிராமி, சிறந்த அட்டவணை தயாரித்த கணேசன், ரூபிகா, சுருதி, பிரவீன்குமார், காயத்ரி குழுவினர், சிறந்த நாள் தொகுப்பினை தயாரித்த வசந்தகுமார், நாகதேவி மற்றும் சிறந்த செயல்முறை விளக்கம் வழங்கிய சுருதி, ரூபிகா, சௌந்தர்யா, ரம்யா, நாகதேவி, நீலகண்டன், ஹரிஹரன் குழுவினரை பாராட்டி விருதுகள் வழங்கப்பட்டன.

முன்னதாக பயிற்சியில் பங்கேற்ற அனைத்து தன்னார்வலர்களும் பேரிடர் மீட்பு, முதலுதவி, கயிறு முடித்தல், காயங்களுக்கு கட்டு கட்டுதல், பாதிக்கப்பட்டவர்களை சுமந்து செல்லுதல் உள்ளிட்ட பல்வேறு செயல்முறை விளக்கத்தினை செய்து காண்பித்தனர்.

இந்நிகழ்வில் ரெட்கிராஸ் நிதிக் குழு சேர்மன் ஜெயக்குமார், மனோரா ரெட் கிராஸ் செயலாளர் நீலகண்டன், ரெட்கிராஸ் பயிற்றுநர் சுரேஷ்குமார் உள்ளிட்ட பலர் கலந்து கொண்டனர். இம்முகாமிற்கான ஏற்பாடுகளை ரெட்கிராஸ் பொருளாளர் பொறியாளர் முத்துக்குமார், பயோகேர் முத்துக்குமார், பேரிடர் கட்டுப்பாட்டு மையம் மற்றும் ரெட்கிராஸ் ஊழியர்கள் செய்திருந்தனர்.

அப்தமித்ரா மூன்றாவது கட்ட பயிற்சி நாளை மறுநாள் (24-ந் தேதி) தொடங்குகிறது. இப்பயிற்சியில் பங்கேற்க விரும்பும் தஞ்சாவூர் மாவட்டத்தை சார்ந்த 18 வயது முதல் 40 வயது உட்பட்ட வர்கள் 7825044897, 9442894184 என்ற எண்களை தொடர்பு கொண்டு பதிவு செய்து பங்கேற்க லாம் என்று தெரிவிக்கப்பட்டுள்ளது.

தரங்கம்பாடி:

மயிலாடுதுறையில் குறுவட்ட அளவில் நடைப்பெற்ற விளை யாட்டுப் போட்டிகளில் தருமை ஆதீனம் மயிலாடுதுறை குருஞானசம்பந்தர் மேல்நிலைப் பள்ளியில் பயிலும் சுமார் 307 மாணவ-மாணவிகள் கலந்துக் கொண்டு 217 மாணவ-மாணவிகள் அதிகப் போட்டிகளில் வெற்றிப்பெற்று ஒட்டுமொத்த சாம்பியன்ஷிப் பட்டத்தை பெற்று பள்ளிக்குப் பெருமைச் சேர்த்துள்ளனர்.

வெற்றிப்பெற்ற மாணவர்களையும் சாரண-சாரணியர் அமைப்பின் நீண்டக் கால சேவைக்கான மாநில விருதினை பள்ளி கல்வித்துறை அமைச்சரிடம் இருந்து பெற்று வந்துள்ள பள்ளியின் உடற்கல்வி ஆசிரியரும் சாரண-சாரணிய ஆசிரியர் சுந்தர் மற்றும் பயிற்றுவித்த ஆசிரியர்களையும், நிர்வாகக் குழுத் தலைவர் ஸ்ரீமத் சிவகுருநாத தம்பிரான் சுவாமிகள், நிர்வாகச் செயலர் பாஸ்கரன் மற்றும் பள்ளி முதல்வர் சரவணன் ஆகியோரை பள்ளியின் புரவலரும் தருமையாதீனம் 27-வது குருமகாசந்நிதானம் பாராட்டி அருளாசி வழங்கினார்.

உடுமலை :

தமிழ்நாடு பாரத சாரண சாரணிய இயக்கத்தின் சார்பில் நீண்ட நாள் சேவை செய்யும் ஆசிரியர்கள், சிறப்பாக செயல்படும் பள்ளி முதல்வர் மற்றும் தலைமை ஆசிரியர்களுக்கு விருதுகள் வழங்கப்படுகிறது.

இந்நிலையில் உடுமலை அரசு ஆண்கள் மேல்நிலைப்பள்ளியில் சாரண ஆசிரியர் காளீஸ்வரராஜ் நீண்ட நாள் சாரண சேவைக்கான மாநில விருது பெற்றுள்ளார்.சிவசக்திகாலனி அரசு பள்ளித்தலைமையாசிரியர் பாலசுப்பிரமணியம், ஆர்.கே.ஆர்., கிரிக்ஸ் பள்ளி முதல்வர் மாலா, கொங்கல்நகரம் ஆக்ஸ்போர்ட் பள்ளி முதல்வர் சாரதாமணிதேவி, பெதப்பம்பட்டி ஆர்.ஜி.எம்., பள்ளி லட்சுமி, தாங்க்ஸ் பேட்ஜ் விருது பெற்றுள்ளனர்.

முதுகுளத்தூர்

சென்னை ராஜீவ் காந்தி பொது மருத்துவமனை வளாகத்தில் மருத்துவம் மற்றும் மக்கள் நல்வாழ்வு துறை சார்பில் மாவட்ட மருத்துவமனை மற்றும் தாலுகா மருத்துவமனைகளின் தேசிய தர உறுதி நிர்ணய திட்ட விருது வழங்கும் விழா அமைச்சர் மா.சுப்பிரமணியன் தலைமையில் நடந்தது.

இந்த விழாவில் ராமநாதபுரம் மாவட்டம் முதுகுளத்தூர் அரசு மருத்துவமனைக்கு தேசிய தர உறுதி நிர்ணய திட்ட விருதை தலைமை மருத்துவர் நாகரஞ்சித்திடம் அமைச்சர் மா. சுப்பிரமணியன் வழங்கினார். இதையடுத்து முதுகுளத்தூர் அரசு மருத்துவமனை மருத்துவர்கள், மூத்த செவிலியர் சண்முகவள்ளி மற்றும் செவிலியர்கள், பணியாளர்களை பொதுமக்கள் பாராட்டினர்.

திருமங்கலம்

மதுரை மாவட்டம் திருமங்கலம் அரசு மருத்துவமனையில் கடந்த சில மாதங்களுக்கு முன்பு மத்திய சுகாதார குழு ஆய்வு செய்தது. இதன்படி மருத்துவமனை உள் மற்றும் வெளிநோயாளி பிரிவுகள், மகப்பேறு பிரிவு, ரத்த பரிசோதனை நிலையம், எக்ஸ்ரே நிலையம் உள்ளிட்ட பல்வேறு பகுதிகளில் ஆய்வு செய்யப்பட்டு மருத்துவமனையின் தரம் குறித்த அறிக்கை மத்திய-மாநில அரசுகளுக்கு அனுப்பி வைக்கப்பட்டது.

இதன் அடிப்படையில் தேசிய தர நிர்ணய திட்ட விருது திருமங்கலம் அரசு மருத்துவமனைக்கு கிடைத்துள்ளது. இந்த விருதினை தமிழக சுகாதார மக்கள் நல்வாழ்வுத் துறை அமைச்சர் சுப்பிரமணியம் நேற்று சென்னையில் நடந்த விழாவில் திருமங்கலம் அரசு மருத்துவமனை தலைமை மருத்துவர் ராம்குமாரிடம் வழங்கினார்.

இதனைத்தொடர்ந்து இன்று காலையில் தேசிய தர நிர்ணய திட்ட விருது கிடைத்ததற்காக சக மருத்துவர்கள் செவிலியர்கள் மருத்துவ பணியாளர்கள் தலைமை மருத்துவருக்கு பொன்னாடை போர்த்தி நன்றி தெரிவித்தனர்.

இதுகுறித்து தலைமை மருத்துவர் கூறுகையில், திருமங்கலம் அரசு மருத்துவமனையில் பல்வேறு பிரிவுகளில் மத்திய குழு ஆய்வு செய்து அனைத்து துறைகளிலும் சிறந்து விளங்கியதற்காக மத்திய அரசின் பரிந்து ரையின்படி திருமங்கலம் அரசு மருத்துவமனைக்கு தேசிய தர நிர்ணய திட்ட விருதுவினை வழங்கிய மாநில அரசுக்கு மருத்துவர்கள் சார்பாக நன்றி தெரிவித்துக் கொள்கிறேன் என்றார்.

சென்னை:

முதல்-அமைச்சர் மு.க. ஸ்டாலின் இன்று சென்னை, நேரு உள்விளையாட்டு அரங்கத்தில் நடைபெற்ற விழாவில் தேசிய மற்றும் சர்வதேச போட்டிகளில் பங்கேற்று பதக்கங்கள் வென்ற 1130 விளையாட்டு வீரர் மற்றும் வீராங்கனைகளுக்கு உயரிய ஊக்கத் தொகையாக ரூ.16 கோடியே 28 லட்சத்து 25 ஆயிரத்துக்கான காசோலைகளை வழங்கினார்.

மேலும் பல்வேறு சர்வதேச மற்றும் தேசிய போட்டிகளில் கலந்து கொண்டு, பதக்கங்கள் வென்றதற்காக 2018-19 மற்றும் 2019-20-ம் ஆண்டுகளுக்கான 8 சிறந்த விளையாட்டு வீரர்கள், வீராங்கனைகள், 4 பயிற்றுநர்கள், 4 உடற்பயிற்சி இயக்குநர்கள், உடற்பயிற்சி ஆசிரியர்கள் மற்றும் 3 நடுவர்கள் என மொத்தம் 19 நபர்களுக்கு முதல்-அமைச்சர் விருதுகளையும், விருதிற்கான ஊக்கத் தொகையாக ரூ.16 லட்சத்து 30 ஆயிரத்துக்கான காசோலைகளையும் முதல்-அமைச்சர் மு.க.ஸ்டாலின் வழங்கி வாழ்த்தினார்.

விளையாட்டு வீரர்களுக்கு தேவையான விவரங்கள், தகவல்கள், புகார்கள், கோரிக்கைகள் குறித்து தெரிவித்திட தமிழ்நாட்டு விளையாட்டு மேம்பாட்டு ஆணையத்தின் தலைமை அலுவலகத்தில் அமைக்கப்பட்டுள்ள "ஆடுகளம்" தகவல் மையத்தின் செயல்பாடுகளை முதல்-அமைச்சர் மு.க.ஸ்டாலின் பார்வையிட்டார்.

இந்த தகவல் மையம் காலை 10 மணி முதல் மாலை 5 வரை அனைத்து வேலை நாட்களிலும் செயல்படும். இதுதொடர்பாக 9514000777 என்ற அலைப்பேசி எண்ணில் தொடர்பு கொள்ளலாம்.

முதல்-அமைச்சர் கோப்பைக்கான மாநில விளையாட்டுப் போட்டிகளில் பங்கேற்பதற்கான இணையதள முன்பதிவையும் முதல்-அமைச்சர் மு.க.ஸ்டாலின் தொடங்கி வைத்தார். sdat.tn.govt.in என்ற இணையதளத்தில் இதற்கென பிரத்தியேகமாக உருவாக்கப்பட்டுள்ள வசதி மூலமாகவும், ஆடுகளம் ஆன்ட்ராய்டு செயலி மூலமாகவும், அந்தந்த மாவட்ட விளையாட்டு அலுவலகங்களில் நேரடியாகவும் இந்த போட்டியில் பங்கேற்பதற்கான முன்பதிவை மேற்கொள்ளலாம்.

முதற்கட்டமாக கபடி போட்டிக்கான முன்பதிவு பள்ளி, கல்லூரி, பொதுமக்கள் பிரிவு மாற்றுத்திறனாளிகள் மற்றும் பொதுப்பிரிவு என 5 பிரிவுகளில் ஆண்கள், பெண்கள் அணிகள் பங்கேற்கும் வகையில் பதிவு தொடங்கப்படுகிறது.

படிப்படியாக தடகளம், கூடைப்பந்து, சிலம்பம் உள்ளிட்ட பல்வேறு விளையாட்டுகளில் பங்கேற்பதற்கான முன்பதிவும் தொடங்கும்.

விழாவில், அமைச்சர்கள் பி.கே.சேகர்பாபு, சிவ. வீ. மெய்யநாதன், மேயர் பிரியா, சட்டமன்ற உறுப்பினர் பரந்தாமன் மற்றும் அரசு உயர் அலுவலர்கள் கலந்து கொண்டனர்.