நீங்கள் தேடியது "ஆலங்குளம்"

ஆலங்குளம்:

ஆடி அமாவாசை திருவிழா விற்காக, காரையாறு சொரிமுத்து அய்யனார் கோவிலுக்கு செல்லும் பக்தர்களுக்கு, உரிய அனுமதியும், பாதுகாப்பும் வழங்க வேண்டும் என மாவட்ட கலெக்டருக்கு, முன்னாள் எம்.பி. எஸ்.எஸ்.ராமசுப்பு கோரிக்கை விடுத்துள்ளார்.

இதுகுறித்து அவர் நெல்லை மாவட்ட கலெக்டருக்கு அனுப்பி யுள்ள மனுவில் கூறியிருப்பதாவது:-

ஆடி அமாவாசை திருவிழாவை முன்னிட்டு, ஆலங்குளம் மற்றும் சுற்று வட்டார கிராம மக்கள் மட்டுமன்றி, நெல்லை, தென்காசி, தூத்துக்குடி மாவட்டங்களில் இருந்து ஏராளமான பக்தர்கள், காரையாறு சொரிமுத்து அய்யனார் கோவிலுக்கு வந்து, குடில் அமைத்து, அங்கே 5 முதல் 10 நாட்கள் வரை தங்கியிருந்து, ஆற்றில் புனித நீராடி, தங்கள் நேர்த்தி கடன்களை செலுத்தி அய்யனாரை வழிபட்டு வருவது தொன்று தொட்டு இருந்து வருகிறது.

முந்தைய காலங்களில் எல்லாம் வனத்துறையினர் எந்த நெருக்கடியும் தராமல் சிறப்பு அனுமதி வழங்கி வந்துள்ளனர். பொதுமக்களும் காட்டுப் பகுதிகளில் எந்த சேதமும், அங்கு வாழும் மிருகங்களுக்கு எந்த பங்கமும் ஏற்படுத்தவில்லை.

எனவே, வழக்கம்போல் பொதுமக்கள் கோவிலுக்கு சென்று தங்கி இருந்து சுவாமி தரிசனம் செய்து வர உரிய அனுமதி வழங்கவும், உரிய பாதுகாப்பும் வழங்க வேண்டும்.

இவ்வாறு அந்த மனுவில் கூறியுள்ளார்.

ஆலங்குளம்:

தென்காசி மாவட்டம் ஆலங்குளம் அருகே நெட்டூர் அரசு ஆரம்ப சுகாதார நிலைய வளாகத்தில் ரூ. 50 லட்சம் மதிப்பில் வட்டார சுகாதார பொது அலகு கட்டிடம் கட்டப்பட்டு அதன் திறப்பு விழா நாளை மறுநாள் (ஞாயிற்றுகிழமை) நடைபெறுகிறது.

அமைச்சர் திறப்பு

திறப்பு விழாவில் தமிழக சுகாதாரத்துறை அமைச்சர் மா. சுப்பிரமணியன் சிறப்பு விருந்தினராக கலந்து கொண்டு புதிய கட்டிடத்தை திறந்து வைக்க உள்ளார். அமைச்சர் வருகையை யொட்டி தென்காசி தெற்கு மாவட்ட தி.மு.க. பொறுப்பாளர் ஜெயபாலன் நிகழ்ச்சி நடைபெறும் இடத்தை ஆய்வு செய்தார். அதனைத் தொடர்ந்து புதிய கட்டிடத்தை சுற்றி பார்த்தார்.

அப்போது அவருடன் ஆலங்குளம் யூனியன் சேர்மன் திவ்யா மணிகண்டன், ஆலங்குளம் தெற்கு ஒன்றிய தி.மு.க. செயலாளர் செல்லத்துரை, வடக்கு ஒன்றிய செயலாளர் அன்பழகன், கீழப்பாவூர் கிழக்கு ஒன்றிய செயலாளர் சிவன்பாண்டியன், மாவட்ட பொறியாளர் அணிதுணை அமைப்பாளர் மணி கண்டன், ஒன்றிய கவுன்சி லர்கள் சேக் முகமது, சுபாஷ் சந்திரபோஸ், தொழில திபர் மாரித்துரை, நெட்டூர் வட்டார சுகாதார மருத்துவர் டாக்டர் ஆறுமுகம், வட்டார சுகா தார மேற்பார்வையாளர் கங்காதரன், நெட்டூர் பஞ்சாயத்து தலைவர் ராஜேஸ்வரி, ஓய்வு பெற்ற சப்-இன்ஸ்பெக்டர் சங்கர், கிளைச் செயலாளர் கணேசன், பழனி உட்பட பலர் கலந்து கொண்டனர்.

ஆலங்குளம்:

கேரள மாநிலம் கொல்லம் மாவட்டம் முகத்தலா அருகே உள்ள பெரும்பாலத்து புத்தன் வீடு பகுதியை சேர்ந்தவர் ரமேஷ் (வயது 39). லாரி டிரைவர். நேற்று தென்காசி மாவட்டம் ஆலங்குளம் அருகே உள்ள நாலாங் குறிச்சியில் செயல்பட்டு வரும் ஒரு எம்.சாண்ட் குவாரிக்கு லாரி ஓட்டி வந்த ரமேஷ் லாரியை குவாரிக்கு வெளியே நிறுத்த சென்றுள்ளார்.

வெகு நேரமாகியும் லாரியின் டிரைவர் வராத தால் அந்த வண்டியில் கிளீனர் ஆக இருந்த கொல்லத்தை சேர்ந்த ஏசு தாஸ் என்பவர் கிரசருக்கு வெளியே சென்று பார்த்துள்ளார். அப்போது சாலைக்கு சற்று தொலைவில் ஒரு சிறிய பள்ளத்தில் இறங்கிய நிலையில் லாரி நின்றுள்ளது. உடனே அங்கு சென்று பார்த்த போது ரமேஷ் லாரி டயர் ஏறி இறந்த நிலையில் பிணமாக கிடந்துள்ளார்.

லாரி 'பிரேக்' பிடிக்காமல் பள்ளத்தில் இறங்கியதால் அதிர்ச்சி அடைந்த ரமேஷ் லாரியிலிருந்து கீழே குதித்துள்ளார். அப்போது அங்கிருந்த இரும்பு வலையில் விழுந்து லாரியின் பின்பக்க டயரில் சிக்கி அவர் இறந்தது தெரியவந்தது.

இதையடுத்து ஆலங்குளம் போலீசாருக்கு தகவல் தெரிவிக்கப்பட்டது. போலீ சார் உடனடியாக சம்பவ இடத்திற்கு விரைந்து வந்து ரமேஷ் உடலை மீட்டு நெல்லை அரசு ஆஸ்பத்திரிக்கு பிரேத பரிசோதனைக்காக அனுப்பி வைத்தனர்.

இதுதொடர்பாக வழக்குப்பதிவு செய்து விசாரணை நடத்தி வரு கின்றனர். உயிரிழந்த ரமேசுக்கு திருமண மாகி மனைவி மற்றும் 2 குழந்தைகள் உள்ளனர்.

ஆலங்குளம்:

ஆலங்குளம் அருகேயுள்ள கீழக் குத்தப்பாஞ்சான் பகுதியை சேர்ந்தவர் அருண்பாண்டி(வயது 26). இவர் புதுப்பட்டி காட்டுப் பகுதியில் கிடை அமைத்து ஆடுகள் மற்றும் மாடுகள் வளர்த்து வருகிறார். இவர் வளர்த்து வந்த சுமார் ரூ. 15 ஆயிரம் மதிப்புள்ள சினை ஆடு ஒன்று நேற்று முன்தினம் காணவில்லை. காணாமல் போன தனது ஆட்டைத் தேடி அருண்பாண்டி, கடையம் சந்தையில் சென்று பார்த்த போது, 2 பேர் அருண் பாண்டிக்குச் சொந்தமான ஆட்டை விற்பனை செய்வதற்காக வைத்திருந்தது தெரிய வந்தது. இதையடுத்து இருவரையும் பிடித்து அருண்குமார் கடையம் போலீசாரிடம் ஒப்படைத்தார். கடையம் போலீசார் ஆலங்குளம் போலீசாரைத் தொடர்பு கொண்டு இரு ஆடு திருடர்கள் மற்றும் ஆட்டை ஒப்படைத்தனர்.

விசாரணையில் அவர்கள் ஆலங்குளம் அருகேயுள்ள லெட்சுமியூர் பொன்னுசாமி(58) மற்றும் அருணாசலம்(60) ஆகியோர் என்பதும், ஆட்டைத் திருடி விற்பனைக்குக் கொண்டு சென்றவர்கள் என்பதும் தெரிய வந்தது. இதையடுத்து,2 பேர் மீதும் வழக்குப்பதிவு செய்த ஆலங்குளம் போலீசார் இருவரையும் கைது செய்தனர்.

ஆலங்குளம்:

ஆலங்குளம் பேரூராட்சி 3-வது வார்டில் பேவர் பிளாக் சாலை திறப்பு மற்றும் புதிய பேவர் பிளாக் சாலை அமைக்கும் பணிக்கான தொடக்க நிகழ்ச்சி ஆகியவை நடைபெற்றது.

ஆலங்குளம் பேரூராட்சியில், கலைஞர் நகர்ப்புற மேம்பாட்டு திட்டத்தின் கீழ் அமைக்கப்பட்ட சாலையை முன்னாள் எம்.பி. எஸ்.எஸ்.ராமசுப்பு திறந்து வைத்தார். அப்பகுதியில் பேரூராட்சி பொது நிதி ரூ.7 லட்சத்தில் புதிய சாலை அமைக்கும் பணியை பேரூராட்சி தலைவர் சுதா மோகன்லால் தொடங்கி வைத்தார். நிகழ்ச்சிகளில் பேரூராட்சி துணைத் தலைவர் ஜாண் ரவி, பேரூராட்சி உறுப்பினர்கள் எஸ்.டி.சாலமோன்ராஜா, சுபாஷ் சந்திரபோஸ், ஆரோக்கியமேரி, காங்கிரஸ் நகரத் தலைவர் வில்லியம் தாமஸ், வட்டாரத் தலைவர் ரூபன் தேவதாஸ், முன்னாள் பேரூராட்சி உறுப்பினர்கள் அருணாசலம், மோகன்லால் உள்ளிட்டோர் பங்கேற்றனர்.

ஆலங்குளம்:

ஆலங்குளம் அருகே உள்ள நல்லூர் பரணிநகரை சேர்ந்தவர் வெங்கடேசன் (வயது45). இவர் பாளை பெருமாள்புரத்தில் உள்ள மின்வாரிய அலுவலகத்தில் வயர்மேனாக பணியாற்றி வருகிறார். இவருக்கு திருமணமாகி மனைவி, ஒரு மகன் மற்றும் மகள் உள்ளனர்.

ரூ. 2 லட்சம் அபேஸ்

இவர் ஆலங்குளம் பகுதியில் ஒரு இடம் வாங்க முடிவு செய்தார். இதற்காக நேற்று தனது மனைவியின் நகையை அடகு வைப்பதற்காக ஆலங்குளத்தில் தாலுகா அலுவலகம் அருகே உள்ள ஒரு வங்கிக்கு அவர் சென்றார். அங்கு நகையை அடகு வைத்துவிட்டு ரூ. 2 லட்சம் பணத்தை பெற்றார்.

பின்னர் அந்த பணத்தை தனது மோட்டார் சைக்கிள் பெட்டியில் வைத்து பூட்டிவிட்டு, ஆலங்குளத்தில் உள்ள மின்வாரிய அலுவலகத்திற்கு சென்றுள்ளார். அங்கு மோட்டார் சைக்கிளை நிறுத்திவிட்டு உள்ளே சென்றுள்ளார். தொடர்ந்து சக ஊழியர் ஒருவரின் வீட்டுக்கு சென்றுள்ளார். அஙகு வைத்து பெட்டியை திறந்து பார்த்தபோது அவரது பணத்தை காணவில்லை.

சி.சி.டி.வி. காட்சிகள்

இதனால் அதிர்ச்சி அடைந்த அவர், ஆலங்குளம் போலீசில் புகார் அளித்தார். அதன்பேரில் போலீசார் வழக்குப்பதிவு செய்து மோட்டார் சைக்கிளில் இருந்த பணத்தை திருடி சென்ற மர்ம நபர்கள் குறித்து விசாரித்து வருகின்றனர். வெங்கடசேன் பணம் எடுத்து வந்த வங்கி முன்பு பொருத்தப்பட்டுள்ள சி.சி.டி.வி. காமிராக்களை போலீசார் ஆய்வு செய்து வருகின்றனர்.

இந்த வங்கியின் முன்பு சிலர் நின்று கொண்டு பணம் எடுத்து செல்பவர்களை நோட்டமிட்டு திருடிச் செல்லும் சம்பவம் அடிக்கடி நடந்து வருவதாகவும், பொதுமக்கள் மற்றும் வாகன நடமாட்டம் மிகுந்து காணப்படும் இந்த பகுதியில் மேற்கொண்டு திருட்டு சம்பவம் நடைபெறாமல் இருக்க போலீசார் கூடுதல் கவனம் செலுத்த சமூக ஆர்வலர்கள் கோரிக்கை விடுத்துள்ளனர்.

ஆலங்குளம்:

ஆலங்குளம் அருகே உள்ள நெட்டூர் மெயின்ரோட்டை சேர்ந்தவர் குழந்தைசாமி. இவரது மகன் சுரேஷ் (வயது31). ராணுவவீரரான இவர் இரட்டை கொலை வழக்கில் கைதாகி தூத்துக் குடி பேரூரணி ஜெயிலில் அடைக்கப்பட்டுள்ளார்.

திருட்டு

இவரது வீட்டில் பெற்றோர் யாரும் இல்லை. சம்பவத்தன்று அவரது வீட்டுக்குள் புகுந்த மர்மநபர்கள் அங்கிருந்த பித்தளை பொருட்கள் உள்ளிட்டவற்றை திருடிச் சென்றுவிட்டனர். இது தொடர்பாக சுரேசின் நண்பரான அதே பகுதியில் வசிக்கும் அலெக்ஸ் (32) என்பவர் ஆலங்குளம் போலீசில் புகார் அளித்தார்.

அதன்பேரில் போலீசார் வழக்குப்பதிவு செய்து மர்ம நபர்களை தேடி வந்தனர். அதில் திருட்டில் ஈடுபட்டது

கைது

அலெக்சின் சகோதரர் பிரதீப் குமார், அவரது நண்பர்கள் சுரேஷ்குமார், பிரகாஷ், இந்திரஜித் ஆகியோர் என்பது தெரியவந்தது. மேலும் அந்த பாத்திரங்களை ஆலங் குளத்தில் ஒரு பாத்திரக் கடையில் விற்றதும் தெரியவந்தது. இதையடுத்து அவர்கள் 4 பேரையும் போலீசார் கைது செய்தனர்.

ஆலங்குளம்:

இடைகால் ஸ்டஅக்-ஹைடெக் பள்ளியில் 3-ம் ஆண்டு ஸ்ரீசொக்கலிங்கம் ஞானப்பூ நினைவு சுழற்கோப்பைக்கான மாநில அளவிலான கோகோ போட்டிகள் நடைபெற்றன.

போட்டிகளில் தமிழகத்தின் பல்வேறு பகுதிகளிலிருந்து 12 மற்றும் 14 வயதிற்குட்பட்ட மாணவ- மாணவிகள் 40-க்கும் மேற்பட்ட அணிகள் கலந்து கொண்டன. ஆண்களு க்கான 12 வயதிற்குட்ப ட்டோர் பிரிவில் முதல் 2 இடங்களை புதுச்சேரி அரசு மேல்நிலைப் பள்ளி மற்றும் ஸ்டஅக் ஹை-டெக் பள்ளி பெற்றன. பெண்கள் பிரிவில் முதல் 2 இடங்களை கன்னியா குமரி ஸ்ரீகிருஷ்ணா மேல்நிலைப் பள்ளி மற்றும் ஸ்டஅக்-ஹைடெக் பள்ளி பெற்றன. ஆண்களுக்கான 14 வயதிற்குட்பட்டோர் பிரிவில் முதல் 2 இடங்களை புதுச்சேரி அரசு மேல்நிலைப்பள்ளி மற்றும் ஸ்ரீ கிருஷ்ணா மேல் நிலைப்பள்ளி பெற்றன. பெண்கள் பிரிவில் முதல் இரண்டு இடங்களை ஸ்ரீகிருஷ்ணா மேல்நிலைப் பள்ளி மற்றும் கிராமக் கமிட்டி மேல்நிலைப்பள்ளி பெற்றன. வெற்றி பெற்ற அணிகளுக்கு வெற்றி க்கோப்பை, பரிசுத்தொகை மற்றும் சான்றிதழ்களை பள்ளி தலைவர் முருகன், தாளாளர் புனிதா செல்வி, முதல்வர் பிரவின்குமார் மற்றும் பள்ளி ஆலோசகர் ஜோசப் ஆகியோர் வழங்கினர். போட்டிக்கான ஏற்பாடு களை பள்ளியின் உடற்கல்வி துறை ஆசிரியர்கள் செய்திருந்தனர்.

ஆலங்குளம்:

ஆலங்குளம் அருகே உள்ள உடையாம்புளியில் மாவட்ட ஊராட்சி உறுப்பினர் நிதியில் இருந்து ரூ. 8.50 லட்சம் மதிப்பில் அலங்கார தளக்கல் சாலை அமைக்க அடிக்கல் நாட்டு விழா நடைபெற்றது. உடையாம்புளி காமராஜர் நகரில் நடைபெற்ற இந்த நிகழ்ச்சிக்கு பாப்பாக்குடி ஒன்றிய செயலாளர் மாரி வண்ணமுத்து முன்னிலை வகித்தார். இதில் மாவட்ட ஊராட்சி தலைவர் தமிழ்செல்வி போஸ் தலைமை தாங்கி அடிக்கல் நாட்டினார்.

நிகழ்ச்சியில் ஒன்றியக் குழு உறுப்பினர் சுபாஷ் சந்திர போஸ், ஓடை மறிச்சான் ஊராட்சி தலைவர் பொன்ராஜ், துணை தலைவர் இசக்கிமுத்து, தி.மு.க. நிர்வாகிகள் சந்தன சுப்பிரமணியன், சந்தனமுத்து, இசக்கிமுத்து, மாசாணம் , முத்துக்குட்டி, அய்யாதுரை உள்பட பலர் கலந்து கொண்டனர்.

ஆலங்குளம்:

ஆலங்குளம் பேரூராட்சியில் உள்ள 11, 12, 14 ஆகிய வார்டுகளில் தமிழ்நாடு நகர்புற சாலை மேம்பாட்டு திட்டத்தின் மூலம் ரூ.85 லட்சம் மதிப்பீட்டில் புதிய சிமெண்ட் சாலை அமைக்கும் பணியின் தொடக்க விழா நடந்தது.

விழாவுக்கு பேரூராட்சி தலைவர் சுதா மோகன்லால் தலைமை தாங்கினார். பேரூ ராட்சி துணைத்தலைவர் ஜான்ரவி, பேரூராட்சி கவுன்சிலர்கள் சாலமோன் ராஜா, சுந்தரம் ஆகியோர் முன்னிலை வகித்தனர்.

செயல் அலுவலர் ஜா.மாணிக்கராஜ் வரவேற்றார். சிறப்பு அழைப்பாளராக தென்காசி தெற்கு மாவட்ட தி.மு.க. செயலாளர் சிவபத்மநாதன் கலந்து கொண்டு புதிய சிமெண்ட் சாலை பணியை தொடங்கி வைத்தார். விழாவில் முன்னாள் கவுன்சிலர்கள் மோகன் லால், அருணாசலம், ராஜ துரை, மாவட்ட பிரதிநிதி அன்பழகன், ஒன்றிய பிரதிநிதி ஆதி விநாயகம் , தொழிலதிபர் மணிகண்டன், சீதாராமன், கிளை செயலாளர் அல்போ ன்ஸ், லிங்க வேல் ராஜா, மகளிரணி சரஸ்வதி, கிளை செயலாளர் சாலமோன் உட்பட பலர் கலந்து கொண்டனர்.

ஆலங்குளம்:

தென்காசி-நெல்லை நான்கு வழிச்சாலை பணிகள் நடைபெற்று வரு கிறது. இதனால் ஆலங்குளம் பஸ் நிலையம் எதிர்புறம் உள்ள காமராஜர் சிலை அகற்றப்பட உள்ளது. இதை யடுத்து பஸ் நிலையத்தின் கீழ்புறம் புதிய சிலையை அமைப்பதற்கு அரசு இடம் ஒதுக்கீடு செய்தது.

அந்த இடத்தில் புதிய வெண்கல சிலை அமைக்கப்பட்டு அதன் திறப்பு விழா காமராஜர் பிறந்த நாளான நேற்று நடந்தது. விழாவுக்கு முன்னாள் எம்.பி. ராமசுப்பு தலைமை தாங்கினார். ஆலங்குளம் பேருராட்சி துணைத்தலைவர் எஸ்.டி.ஜான்ரவி, தமிழ்நாடு காங்கிரஸ் பொதுச் செயலாளர் எம்.எஸ். காமராஜ், ஆகியோர் முன்னிலை வகித்தனர். பேரூராட்சி கவுன்சிலர் டி.சாலமோன் ராஜா வரவேற்றார்.

தொடர்ந்து கல்வி கண் திறந்த காமராஜரின் புதிய வெண்கல சிலையை ஆலங்குளம் டி.டி.ஏ. பள்ளி மாணவ, மாணவிகள் திறந்து வைத்தனர். சிறப்பு விருந்தின ராக தென்காசி தெற்கு மாவட்ட தி.மு.க. செயலாளர் சிவபத்மநாதன் கலந்து கொண்டு திறப்பு விழாவிற்கு வந்திருந்த வர்களுக்கு அன்னதானத்தை தொடங்கி வைத்தார்.

மேலும் சிறப்பு அழைப்பாளர்களாக மனோஜ் பாண்டியன் எம்.எல்.ஏ., பழனி நாடார் எம்.எல்.ஏ., தமிழ்நாடு வணிகர் சங்கங்களின் பேரமைப்பின் கன்னியாகுமரி மண்டல தலைவர் டி.பி.வி. வைகுண்ட ராஜா, ஆலங்குளம் யூனியன் சேர்மன் திவ்யா மணி கண்டன், தமிழ் செல்வி போஸ், பேரூராட்சி தலைவர் சுதா மோகன்லால், ஆலடி எழில்வாணன் ஆகியோர் கலந்து கொண்டு சிறப்புரை யாற்றினர்.

மக்கள் நீதி மய்யம் கட்சி மாவட்ட தலைவர் டி.பி.வி. கருணாகரராஜா, தொழிலதிபர் கோல்டன் செல்வராஜ், காமராஜர் சிலை அமைப்பு மற்றும் பராமரிப்பு கமிட்டி பொருளாளர் பர்வீன்ராஜ், மூத்த வழக்கறிஞர் பால கணேசன், நகர வியாபாரிகள் சங்க தலைவர் சண்முக சுந்தரம், நகர ஹோட்டல் உரிமையாளர் சங்கம் உதயராஜ், நகர நாடார் சங்க தலைவர் தூசி. செல்வராஜ், ஓ.பி.சி. பிரிவு மாநிலத் தலைவர் ஞானபிரகாஷ், சுபாஷ் சந்திரபோஸ், நகர தலைவர் தாமஸ், வட்டார தலைவர் ரூபன், ச.ம.க. நகர தலைவர் ஜெயபாலன், லிங்கராஜா, முன்னாள் கவுன்சிலர் ராஜதுரை, அருணாச்சலம், முன்னாள் பேரூராட்சி துணை சேர்மன் தங்க செல்வம் உட்பட பலர் கலந்து கொண்டனர்.

முன்னதாக ஆலங்குளம் காய்கறி மார்க்கெட்டில் உள்ள ஸ்ரீஅரசடி வெற்றி விநாயகர் கோவிலில் இருந்து நெல்லை பேட்டையை சேர்ந்த ஜாண்பாவா சிலம்பாட்ட குழுவினரின் சிலம்பாட்ட நிகழ்ச்சியோடு 121 பால்குடம் எடுத்து ஊர்வலமாக வந்து காமராஜரின் சிலைக்கு அபிஷேகம் செய்யப்பட்டது. அதன்பின் யூனியன் சேர்மன் திவ்யா மணி கண்டன் தலை மையில் 121 முளைப்பாரி மற்றும் பொய்க்கால் குதிரை, கரகாட்டத்துடன், தாரை தப்பட்டை முழங்க ஊர்வலமாக வந்து புதிய சிலையை அலங்கரித்தனர். இரவில் இன்னிசை கச்சேரி நடைபெற்றது. இந்த நிகழ்ச்சியில் காமராஜர் சிலையை தனது சொந்த செலவில் வழங்கிய விஜய் வசந்த் எம்.பி. கலந்து கொண்டார். இதில் சுற்றுவட்டார கிராமங்களை சேர்ந்த வாலி பர்கள், இளம்பெண்கள், முதிய வர்கள் என திரளா னவர்கள் வந்து ரசித்தனர்.

காமராஜரின் புதிய வெண்கல சிலை திறக்கப்படுவதை அறிந்த பிரபல நடிகரும், மக்கள் நீதி மய்யம் கட்சியின் தலைவரு மான கமலஹாசன் கட்சியி ன் மாவட்ட நிர்வாகி யான தொழி லதிபர் கருணாக ரராஜா மூலமாக வாழ்த்து மடல் ஒன்றை அனுப்பியி ருந்தார். முடிவில் வட செ ன்னை மாவட்ட காங்கிரஸ் தலைவர் எம்.எஸ். திரவியம் நன்றி கூறினார்.

இந்த விழாவில் ஒருங்கிணைந்த நெல்லை மாவட்ட உதயநிதி ஸ்டாலின் நற்பணி மன்ற துணைத் தலைவர் சிவ அருணன், முதல் வகுப்பு அரசு ஒப்பந்த தாரர் கரையாளனூர் சண்முகவேல், தொழில திபர்கள் மணிகண்டன், மோகன்லால், தென்காசி தெற்கு மாவட்ட அ.தி.மு.க. செயலாளர் செல்வ மோக ன்தாஸ் பாண்டியன், மாவட்ட ஜெயலலிதா பேர வை செயலாளர் பிரபா கரன், முன்னாள் எம்.எல்.ஏ. ராஜேந்திரன் மற்றும் திரளான அ.தி.மு.க.வினர் கலந்து கொண்டனர்.

காமராஜர் சிலைக்கு ஆலங்குளம் யூனியன் சேர்மன் திவ்யா மணிகண்டன் மாலை அணிவித்து மரியாதை செலுத்திய காட்சி.

தென்காசி:

ஆலங்குளத்தில் 9 அடி உயரம் மற்றும் 680 கிலோ எடை கொண்ட காமராஜரின் முழு உருவ வெண்கல சிலை மேளதாளங்கள் முழங்க அதன் பீடத்தில் நிறுவப்பட்டது. அதன் திறப்பு விழா வருகிற 15 -ந்தேதி தேதி நடைபெறுகிறது.

காமராஜர் சிலை

நெல்லை-தென்காசி நான்கு வழிச்சாலை பணிகள் கடந்த 2 ஆண்டுகளாக நடைபெற்று வரும் சூழ்நிலையில் ஆலங்குளம் பஸ் நிலையம் எதிரே ஏற்கனவே உள்ள காமராஜர் சிலையானது 4 வழிச்சாலை பணிக்காக அகற்றப்பட்டு வேறு இடத்திற்கு மாற்ற முடிவெடுக்கப்பட்டது.

இந்நிலையில் ஆலங்குளம் பஸ் நிலையத்தின் கீழ்புறம் இருந்த வேன் ஸ்டாண்ட் இருந்த பகுதியில் காமராஜர் சிலை மாற்றி அமைக்க இடம் தேர்வு செய்யப்பட்டு ஆர்.டி.ஓ. மற்றும் அரசு அதிகாரிகளின் உத்தர வின் பெயரில் சிலை நிறுவுவதற்கான பணிகள் நடைபெற்று வந்தன.

வருகிற 15-ந்தேதி காமராஜர் பிறந்தநாள் கொண்டாடப்பட இருக்கும் நிலையில் அதற்கு முன்பாக தேர்வு செய்யப்பட்ட இடத்தில் புதிய காமராஜர் சிலை அமைப்பதற்கு சுமார் 680 கிலோ எடை கொண்ட 9 அடி உயரத்தில் காமராஜரின் முழு உருவ வெண்கல சிலையானது மினி லாரியில் கொண்டு வரப்பட்டது.

சாலையில் ஊர்வலமாக எடுத்து வரப்பட்ட சிலைக்கு இளைஞர்கள் மற்றும் ஆலங்குளம் பொதுமக்கள் சார்பில் பட்டாசுகள் வெடித்து, மேளதாளங்கள் முழங்க உற்சாக வரவேற்பு அளிக்கப்பட்டது.

பின்பு கிரேன் உதவியுடன் காமராஜர் சிலையானது தேர்வு செய்யப்பட்ட இடத்தில் நிறுவப்பட்டது.

இந்நிகழ்ச்சியில் தென்காசி தெற்கு மாவட்ட தி.மு.க. செயலாளர் சிவபத்மநாதன், தென்காசி எம்.எல்.ஏ. பழனி நாடார், நெல்லை பாராளுமன்ற முன்னாள் உறுப்பினர் ராமசுப்பு, சிலை அமைப்புக் குழு ஒருங்கிணைப்பாளர் ஜாண் ரவி, எம்.எஸ். காமராஜ், , பேரூராட்சித் தலைவர் சுதா மோகன்லால், காங்கிரஸ் மாவட்ட துணைத்தலைவர் ஆர்.கண்ணன், ஒன்றியக் குழுத் தலைவர் திவ்யா மணிகண்டன், நகர செயலாளர் வில்லியம் தாமஸ், வட்டார தலைவர் ரூபன் தேவதாஸ், சிறுபான்மை பிரிவு செயலாளர் ஞான பிரகாஷ், வக்கீல்கள் நெல்சன், சாந்தகுமார், இன்ஸ்பெக்டர் சாகுல் ஹமீது, வக்கீல் ஜாண்சன், ச.ம.க. ஒன்றிய செயலாளர் ஜெயபாலன் ஜெகன், சோனா மகேஷ்,பேரூராட்சி கவுன்சிலர்கள் உள்பட பொதுமக்கள் பலர் கலந்து கொண்டனர். இந்த சிலையை முன்னாள் எம்.பி. எச். வசந்த குமாரின் குடும்பம் சார்பில் அவரது மகன் விஜய் வசந்த் அன்பளிப்பாக வழங்கி உள்ளார்.

காமராஜர் சிலை கட்டுமான பணிக்காக ரூ.1 லட்சம் நிதியினை யூனியன் சேர்மன் திவ்யா மணிகண்டன் வழங்கிய போது எடுத்த படம்.