நீங்கள் தேடியது "slug 232776"

வேதாரண்யம்:

நாகப்பட்டினம் மாவட்டம், வேதாரண்யம் தாலுகா, மருதூர் கிராமத்தை சேர்ந்தவர் அகிலன்.

இவர் பட்டபடிப்பு முடித்துள்ளார்.

விவசாயம் மீது ஆர்வம் கொண்ட இவர் புதிய முயற்சியாக தோட்டக்கலைத்துறை மூலம் 100 சதவீத மானியம் பெற்று தனக்கு சொந்தமான ஒரு ஏக்கரில் கோழிக்கொண்டை பூவினை சாகுபடி செய்து உள்ளார்.

இது குறித்து அவர் கூறும்போது:-

தோட்டக்கலைத்துறை மூலம் ஒத்துழைப்பு பெற்று புகையிலை சாகுபடிக்கு மாற்றாக கோழி கொண்டை பூ சாகுபடி செய்து உள்ளேன்.

இந்த பூ கிலோ ரூ. 75 முதல் 100 வரை சந்தையில் விற்ப்பனையாகிறது. ஒரு ஏக்கரில் சாகுபடி செய்யபட்டுள்ள கோழி கொண்டை பூ நான்கு மாத அறுவடையில் ரூ. 50 ஆயிரம் கிடைக்கும்.

என எதிர்பார்க்கிறேன் மண்ணையும் மக்களையும் காக்க இந்த முயற்சியில் இப்பகுதியில் முதன்முதலாக ஈடுபட்டுள்ளேன் என்றார்.

திருச்சி:

திருச்சி மாவட்டம் முசிறி கைகாட்டியில் ஸ்ரீஜெயேந்திர வித்யாலயா சி.பி.எஸ்.இ. பள்ளி மற்றும் ஈஷா யோகா மையம் சார்பாக மண்வளம் காப்போம் மாணவர்கள் பேரணி மற்றும் மனித சங்கிலி நிகழ்ச்சி நடைபெற்றது.

பேரணிக்கு பள்ளி தாளாளர் வடிவேல் தலைமை தலைமை தாங்கினார். ஈஷா யோகா பயிற்சி மைய சரவணன் பள்ளி துணைத்தலைவர் சந்தோஷ், நூலக வாசக வட்டத் தலைவர் அம்மன் சிவகுமார்,

போலீஸ் இன்ஸ்பெக்டர் செந்தில்குமார், சப்-இன்ஸ்பெக்டர் கருணாநிதி மற்றும் நூற்றுக்கும் மேற்பட்ட பள்ளி மாணவ, மாணவிகள் பேரணியில் கலந்துகொண்டனர்.

இந்த பேரணி துறையூர் ரோடு மற்றும் முக்கிய விதிகள் வழியாக சென்று தா.பேட்டை ரோட்டில் உள்ள தனியார் மண்டபத்தை வந்தடைந்தது. பின்னர் மாணவ, மாணவிகள் மண் காப்போம் உறுதிமொழி எடுத்தனர்.

உடுமலை:

மண்வளம் காப்பதில் பசுந்தாள் உரப்பயிர்களில் கொழிஞ்சி முதலிடம் பிடிக்கிறது. மண்ணின் வெப்பத்தைக் கட்டுப்படுத்தவும், மண் வளத்தை மேம்படுத்தவும் வேளாண்மைத்துறையினர் வழிகாட்டுகின்றனர். இதுகுறித்து உடுமலை வேளாண்மைத்துறையினர் கூறியதாவது:-

கொழிஞ்சி கடும் வெப்பத்தைத் தாங்கி வளரக்கூடிய பயிராகும்.பூச்சி நோய் தாக்குதல் குறைவான பயிராகும். சணப்பை, தக்கைப்பூண்டு போன்ற பயிர்கள் கடும் வெப்பத்தைத் தாங்காது.அத்துடன் அவற்றை பூப்பூக்கும் பருவத்துக்கு முன் மடக்கி உழவு செய்ய வேண்டும். இல்லாவிட்டால் தண்டு கெட்டிப்பட்டு நார்த்தன்மை அதிகரித்து விடும்.இதனால் சீக்கிரம் மக்காமல் நிலத்திலேயே தங்கி விடும். ஆனால் கொழிஞ்சியைப் பொறுத்தவரை எத்தனை நாட்கள் நிலத்தில் விட்டு வைத்திருந்தாலும் மடக்கி உழுததும் எளிதில் மக்கி விடும்.அத்துடன் வளரும் காலம் வரை நிலத்துக்கு மூடாக்கு போல செயல்பட்டு மண் வெப்பமாவதைத் தடுக்கும்.

நெல் அறுவடைக்கு 15 நாட்களுக்கு முன் தண்ணீர் பாய்ச்சுவதை நிறுத்தி விடலாம்.அதனையடுத்து 7 நாட்களுக்குப் பிறகு ஒரு ஏக்கருக்கு 8 கிலோ உளுந்து விதையுடன் 5 கிலோ கொழிஞ்சி விதையையும் சேர்த்து 10 மணி நேரம் தண்ணீரில் ஊற வைத்து விதைக்க வேண்டும்.இதனைத் தொடர்ந்து 7 நாட்கள் கழித்து நெல்லை அறுவடை செய்து விடலாம்.பின்னர் உளுந்தும் கொழிஞ்சியும் தண்ணீர் பாய்ச்சாமலேயே நன்கு வளரும்.உளுந்தை 75 நாட்களில் அறுவடை செய்து விடலாம்.அடுத்த போக நெல் சாகுபடிக்கு 15 நாட்கள் முன் நிலத்துக்கு தண்ணீர் பாய்ச்சி கொழிஞ்சியை மடக்கி உழுது விடலாம்.

கொழிஞ்சியில் சாம்பல் சத்து, மணிச்சத்து மற்றும் தழைச்சத்து அதிக அளவில் இருப்பதால் நெற்பயிர்கள் செழித்து வளரும்.குறிப்பாக நெல் சாகுபடியில் யூரியாவின் பயன்பாட்டைக் குறைப்பதில் கொழிஞ்சிக்கு பெரும்பங்கு உள்ளது.மடக்கி உழுத செடியிலுள்ள விதைகள் மண்ணுக்குள் புதைந்திருந்தது அறுவடைக்குப் பிறகு தானாகவே முளைக்கும்.எனவே நெல் சாகுபடிக்கு முன் கொழிஞ்சி சாகுபடி மேற்கொண்டு விவசாயிகள் பயனடையலாம்.அத்துடன் அனைத்து விதமான பயிர் சாகுபடியிலும் பசுந்தாள் உரப்பயிரான கொழிஞ்சி சாகுபடி செய்து மடக்கி உழுவதன் மூலம் மண் வளத்தை மேம்படுத்தலாம்என்று அதிகாரிகள் கூறினர்.