நீங்கள் தேடியது "slug 234783"

நாகர்கோவில்:

தமிழர்களின் முக்கிய பண்டிகைகளில் பொங்கல் பண்டிகையும் ஒன்றாகும்.

இந்த ஆண்டு பொங்கல் பண்டிகை வருகிற 15-ந் தேதி கொண்டாடப்படுகிறது.கடந்த இரண்டு ஆண்டுகளாக கொேரானா பரவல் காரணமாக பொங்கல் பண்டிகை எளிய முறையில் கொண்டாடப்பட்ட நிலையில் இந்த ஆண்டு பொங்கல் பண்டிகையை விமர்சையாக கொண்டாட அனைத்து தரப்பினரும் தயாராகி வருகிறார்கள்.

பொங்கல் பண்டிகையை யடுத்து புதுமணத் தம்பதி யினர் புத்தாடைகள் அணிந்து வீடுகள் முன்பு பானைகளில் பொங்கலிடு வார்கள். கிராமப்புறங்களில் மட்டுமின்றி நகரப்புறங்களி லும் வீடுகள் மற்றும் கோவில் களில் மண் பானைகளில் பொங்கலிடும் நிகழ்ச்சி வழக்கமாக நடந்து வருகிறது.

பொங்கல் பொங்கி வரும் வேளையில் பொங்கலோ பொங்கல் என்று கூறி வாழ்த்துக்களை பரிமாறிக் கொள்வார்கள். பொங்கல் பண்டிகைக்கு இன்னும் 9 நாட்களே உள்ள நிலையில் மண்பானைகள் தயார் செய்யும் பணி சூடு பிடிக்க தொடங்கியுள்ளது.

குமரி மாவட்டத்தில் சுங்கான்கடை, தாழக்குடி, கண்டன் விளை, புலியூர்குறிச்சி, அருமனை, காப்புக்காடு, புதுக்கடை உள்பட பல்வேறு பகுதி களில் மண்பானை தொழில் நடைபெற்று வருகிறது. தற்போது பொங்கல் பண்டிகையை யொட்டி விதவித மான மண்பானைகள் தயார் செய்யும் பணியில் தொழி லாளர்கள் ஈடுபட்டுள்ள னர். ஆயிரக்கணக்கான தொழிலாளர்கள் மண்பா னைகள் செய்யும் தொழி லில் தீவிரமாக ஈடுபட்டு வருகிறார்கள்.

குமரி மாவட்டத்தில் தயார் செய்யப்படும் மண் பானைகள் மாவட்டத்தின் பல்வேறு பகுதிகளுக்கும் அண்டை மாநிலமான கேரளாவிற்கும் வெளி மாவட்டங்களுக்கும் அனுப்பி வைக்கப்பட்டு வருகிறது. தற்பொழுது சுங்கான்கடை பகுதியில் மண்பானைகள் சாலை ஓரங்களில் அதிக அளவு விற்பனைக்கு குவித்து வைக்கப்பட்டுள்ளது. வெளியூர்களில் இருந்து வரும் சுற்றுலாப் பயணிகள் மண்பானைகளை வாங்கி செல்கிறார்கள் .ரூ.100 முதல் ரூ.350 வரை மண்பானைகள் விற்கப்பட்டு வருகிறது.

இதுகுறித்து மண்பாண்ட தொழிலாளர் ஒருவர் கூறுகையில், குமரி மாவட் டத்தில் 3 ஆயிரத்திற்கும் மேற்பட்ட மண்பானை தொழில் செய்யும் தொழி லாளர்கள் உள்ளனர். தற்பொழுது பொங்கல் பண்டிகை நெருங்கு வதையடுத்து இந்த பணி துரிதமாக நடைபெற்று வருகிறது. கடந்த 2 ஆண்டுகளாக கொேரானா பரவல் காரணமாக தொழில் நலிவடைந்து காணப்பட்டது. இந்த ஆண்டு வழக்கம்போல் மண்பானைகள் விற்பனை நடைபெறும் என்று நம்பிக்கையில் நாங்கள் பலவிதமான மாடல்களில் மண் பானைகளை தயார் செய்து உள்ளோம். அரசு பொங்கல் தொகுப்பு தற்போது வழங்கி உள்ளது.

பொங்கல் தொகுப்புடன் மண்பானை மற்றும் அடுப்பை யும் வழங்க நடவ டிக்கை எடுக்க வேண்டும். அப்படி செய்தால் மண்பா னை தொழில் வளர்ச்சி அடையும். மண்பாண்ட தொழிலாளர்களுக்கு ஆண்டு தோறும் மழைக்கால நிவாரணமாக ரூ.5ஆயிரம் வழங்கப்படுகிறது. ஆனால் குமரி மாவட்டத்தில் இரு பருவ மழை பெய்வதால் ரூ.5 ஆயிரத்தை ரூ.10ஆயிரமாக உயர்த்தி வழங்க வேண்டும் என்றனர்.

கன்னியாகுமரி:

நாகர்கோவில் கலெக்டர் அலுவலகத்தில் இறுதி வாக்காளர் பட்டியல் இன்று வெளியிடப்பட்டது. கலெக்டர் அரவிந்த் அரசியல் கட்சியினர் முன்னிலையில் வரைவு வாக்காளர் பட்டியலை வெளியிட்டார்.

இதில் தி.மு.க.சார்பில் மாநகர செயலாளர் ஆனந்த்,அதிமுக சார்பில் ஜெயகோபால், காங்கிரஸ் சார்பில் மாவட்ட தலைவர் நவீன் குமார், பாரதிய ஜனதா சார்பில் ஜெகநாதன், தே.மு.தி.க. சார்பில் செல்வக்குமார் மணிகண்டன் உட்பட அரசியல் கட்சியினர் கலந்து கொண்டனர்.

இதைத்தொடர்ந்து கலெக்டர் அரவிந்த் நிருபர்களுக்கு பேட்டி அளித்தார். அப்போது அவர் கூறியதாவது:-

குமரி மாவட்டத்தில் கடந்த நவம்பர் மாதம் 9-ந்தேதி வரைவு வாக்காளர் பட்டியல் வெளியிடப்பட்டது.அப்போது 6 சட்டமன்ற தொகுதிகளிலும் 15 லட்சத்து 50 ஆயிரத்து 776 வாக்காளர்கள் இருந்தனர். இதைத் தொடர்ந்து வாக்காளர் பட்டியலில் பெயர் சேர்த்தல், நீக்குதல் தொடர்பான சிறப்பு முகாம் நடந்தது. இதைத் தொடர்ந்து இன்று இறுதி வேட்பாளர் பட்டியல் வெளியிடப்பட்டுள்ளது.அதன் அடிப்படையில் கன்னியாகுமரி மாவட்டத்தில் உள்ள 6 சட்டமன்ற தொகுதிகளிலும் 7 லட்சத்து 71 ஆயிரத்து 824 ஆண் வாக்காளர்களும் 7 லட்சத்து 74 ஆயிரத்து 615 பெண் வாக்காளர்களும், 142 இதர வாக்காளர்கள் என மொத்தம் 15 லட்சத்து 46ஆயிரத்து581 வாக்காளர்கள் உள்ளனர். ஆண் வாக்காளர்களை காட்டிலும் பெண் வாக்காளர்கள் அதிகம் உள்ளனர்.

கன்னியாகுமரி சட்ட மன்ற தொகுதியில் அதிகபட்சமாக 2 லட்சத்து 91 ஆயிரத்து 671 வாக்காளர்கள் உள்ளனர். இங்கு ஆண் வாக்காளர்கள் ஒரு லட்சத்து 44 ஆயிரத்து 389 பேரும் பெண் வாக்காளர்கள் ஒரு லட்சத்து 47,215 பேரும் இதர வாக்காளர்கள் 67 பேரும் இடம் பெற்றுள்ளனர். குறைந்தபட்சமாக பத்மநாப புரம் தொகுதியில் 2 லட்சத்து 38 ஆயிரத்து 05வாக்காளர்கள் உள்ளனர்.இங்கு ஒரு லட்சத்து 19,766 ஆண்வாக்காளர்களும் ஒரு லட்சத்து 18 ஆயிரத்து 214 பெண் வாக்காளர்களும் 25 இதர வாக்காளர்கள் என இரண்டு லட்சத்து 38 ஆயிரத்து 05 வாக்காளர்கள் உள்ளனர்.

நாகர்கோவில் சட்டமன்ற தொகுதியில் ஒரு லட்சத்து 28 ஆயிரத்து 890 ஆண் வாக்காளர்களும் ஒரு லட்சத்து 32 ஆயிரத்து 540 பெண் வாக்காளர்கள் 13 இதர வாக்காளர்கள் என மொத்தம் 2 லட்சத்து 61 ஆயிரத்து 443பேர் உள்ளனர்.

குளச்சல் சட்டமன்ற தொகுதியில் ஒரு லட்சத்து 33ஆயிரத்து 728ஆண் வாக்காளர்களும் ஒரு லட்சத்து 30 ஆயிரத்து 179 பெண் வாக்காளர்களும் 14 இதர வாக்காளர்கள் என மொத்தம் 2 லட்சத்து 63 ஆயிரத்து 921பேர் உள்ளனர்.

விளவங்கோடு சட்டமன்றத் தொகுதியில் ஒரு லட்சத்து 20 ஆயிரத்து697 ஆண் வாக்காளர்களும் ஒரு லட்சத்து 24,994 பெண் வாக்காளர்களும் மூன்று இதர வாக்காளர்களின் மொத்தம் 2 லட்சத்து 45 ஆயிரத்து 694 பேர் உள்ளனர்.

கிள்ளியூர் தொகுதியில் ஒரு லட்சத்து 24 ஆயிரத்து 354 ஆண் வாக்காளர்களும் ஒரு லட்சத்து 21,473 பெண் வாக்காளர்களும் 20 இதர வாக்காளர்கள் என மொத்தம் 2,45,847 பேர்உள்ளனர்.

இவ்வாறு அவர் கூறினார். மாவட்ட வருவாய் அதிகரி சிவப்பி ரியா, கோட்டாட்சியர் சேதுராமலிங்கம், தேர்தல் தாசில்தார் சுசீலா ஆகியோரிடம் இருந்தனர்.

நாகர்கோவில்:

பள்ளிகளுக்கு விடப்பட்ட அரையாண்டு விடுமுறை, கிறிஸ்துமஸ், புத்தாண்டு விடுமுறை போன்றவை காரணமாக வெளியூர்களில் வசிக்கும் பலரும், தங்கள் குடும்பத்துடன் சொந்த ஊருக்கு வந்தனர்.

அவர்களது வசதிக்காக சென்னை உள்ளிட்ட பிற ஊர்களில் இருந்து சிறப்பு பஸ்கள், ரெயில்கள் இயக்கப்பட்டன. குமரி மாவட்டத்தைச் சேர்ந்த பலரும் பணி நிமித்தம் காரணமாக சென்னை, ேகாவை, பெங்களூரு உள்ளிட்ட பல ஊர்களிலும் வசித்து வருகின்றனர்.

அவர்களும் தொடர் விடுமுறையை பயன்படுத்தி குடும்பத்துடன் சொந்த ஊர் வந்து, உறவினர்களுடன் கிறிஸ்துமஸ் பண்டிகை மற்றும் புத்தாண்டை கொண்டாடினர். சுற்றுலா தலங்களுக்கும் சென்று மகிழ்ந்தனர்.

இந்த நிலையில் விடுமுறை முடிந்து விட்டதால், தாங்கள் வசிக்கும் ஊர்களுக்குச் செல்ல அனைவரும் நேற்று புறப்பட்டனர். இதனால், குமரி மாவட்ட ரெயில் நிலையங்கள், பஸ் நிலை யங்களில் மக்கள் கூட்டம் அலைமோதியது.

நாகர்கோவிலில் இருந்து வெளியூர் செல்பவர்கள், வடசேரி பஸ் நிலையம் வந்ததால் அங்கு கடும் நெருக்கடி ஏற்பட்டது. பயணிகளின் நலன் கருதி அரசு போக்குவரத்துக் கழகம், அரசு விரைவு போக்குவரத்துக் கழகம் ஆகியவற்றின் சார்பில் சிறப்பு பஸ்கள் இயக்கப்ப ட்டன.அதில் பயணம் செய்ய பலரும் முண்டியடித்து ஏறினர்.

இதேபோல் ரெயில் நிலையங்களிலும் பயணிகள் கூட்டம் அதிகமாக இருந்தது. முன்பதிவு செய்தவர்களை விட, முன்பதிவு செய்யாத வர்கள் குடும்பத்துடன் திரண்டு வந்ததால் அவர்கள் அங்கும், இங்கும் இடம் பிடிக்க ஓடிக் கொண்டிருந்தனர்.

நாகர்கோவில் சந்திப்பு ரெயில் நிலையத்தில் இருந்து சென்னை, கோவை, பெங்களூரு உள்ளிட்ட ஊர்களுக்கு இயக்கப்பட்ட ரெயில்கள், சிறப்பு ரெயில்கள் போன்றவற்றில் கூட்டம் அதிகமாக காணப்ப ட்டது. இதனால் முன்பதிவு பெட்டிகளில் பயணிகள் நின்று கொண்டு செல்லும் நிலை ஏற்பட்டது.

நாகர்கோவில்:

தமிழர் திருநாளான பொங்கல் பண்டிகையை அனைவரும் மகிழ்ச்சியுடன் கொண்டாடும் வகையில் தமிழக அரசு ஆண்டுதோறும் வேட்டி-சேலைகளை இலவசமாக வழங்கி வரு கிறது.

அதன்படி இந்த ஆண்டும் நியாயவிைலக் கடைகள் மூலம் வேட்டி-சேலை களை வழங்க அரசு உத்தர விட்டது. இதனைத் தொடர்ந்து வேட்டி-சேலைகள் கொள்முதல் செய்யும் பணி கடந்த சில நாட்களாக நடந்து வந்தது. இந்தப் பணிகள் முடிந்ததும் அவை மாவட்டங்களுக்கு அனுப்பி வைக்கும் பணி தொடங்கியது.

சென்னையில் இருந்து மண்டலம் வாரியாக அனுப்ப ப்பட்டு, பின்னர் மாவட்ட ங்களுக்கு அனுப்பப்பட்டு வருகின்றன.அதன்படி குமரி மாவட்டத்தில் விநியோ கிக்கப்பட வேண்டிய வேட்டி-சேலைகள் லாரிகள் மூலம் வந்தன. மாவட்டத்தில் 5.70 லட்சம் குடும்ப அட்டைதாரர்கள் உள்ள நிலையில், முதல் கட்டமாக 1 லட்சம் வேட்டி-சேலைகள் வந்துள்ளன.

தொடர்ந்து அடுத்தடுத்த கட்டங்களில் வேட்டி-சேலைகள் வந்த வண்ணம் உள்ளன. அவற்றை தாலுகா அலுவலகத்தில் வைக்க மாவட்ட நிர்வாகம் அறிவுறுத்தி உள்ளது. அதன்படி லாரிகளில் இருந்து இறக்கப்பட்ட வேட்டி-சேலைகள்,வட்டா ட்சியர் அலுவலகத்தில் வைக்கப்பட்டன.

அங்கிருந்து அவை விரைவில் ரேசன் கடைகளுக்கு அனுப்பி வைக்கப்பட உள்ளன. இந்தப் பணிகள் முடிந்ததும் அரசின் அறிவிப்பை தொடர்ந்து குடும்ப அட்டைதாரர்களுக்கு வழங்கப்படும்.

நாகர்கோவில்:

சுசீந்திரம் தாணுமாலய சுவாமி கோவிலில் மார்கழி திருவிழா கொடியேற்றத்துடன் தொடங்கி நடைபெற்று வருகிறது. விழாவின் முக்கிய நிகழ்ச்சியான தேரோட்டம் 5-ந் தேதி (வியாழக்கிழமை) நடைபெற உள்ளது. விழாவில் குமரி மாவட்ட மக்கள் அனைவரும் குடும்பத்துடன் பங்கு பெறும் வகையில் அன்றைய தினம் உள்ளூர் விடுமுறை அறிவிக்கப்பட்டுள்ளது. இது தொடர்பாக மாவட்ட கலெக்டர் அரவிந்த் விடுத்துள்ள செய்திக்குறிப்பில் கூறப்பட்டுள்ளதாவது:-

சுசீந்திரம் தாணுமாலய சுவாமி கோவிலில் மார்கழி திருவிழா தேரோட்டம் வருகிற 5-ந் தேதி நடைபெறுகிறது. அன்றைய தினம் உள்ளூர் விடுமுறை ஆகும். எனவே மாவட்டத்தில் உள்ள அனைத்து மாநில அரசு அலுவலகங்கள், கல்வி நிறுவனங்களுக்கு அன்று விடுமுறை ஆகும். அதே நேரம் மாவட்ட தலைமை கருவூலம், கிளைக் கருவூலம் போன்றவை தேவையான பணியாளர்களை கொண்டு இயங்கும். 5-ந் தேதி விடுமுறை தினத்திற்கு ஈடாக பிப்ரவரி 25-ந் தேதி (சனிக்கிழமை) வேலை நாளாக இருக்கும்.

இவ்வாறு அதில் கூறப்பட்டுள்ளது.

நாகர்கோவில்:

தெற்கு வங்க கடல் பகுதியில் உருவாகி உள்ள காற்றழுத்த தாழ்வு நிலை காரணமாக குமரி மாவட்டத்தில் 2 நாட்கள் மழை பெய்யும் என்று வானிலை மையம் எச்சரித்துள்ளது.

ஆனால் கடந்த சில நாட்களாக மாவட்டம் முழுவதும் சுட்டெரிக்கும் வெயில் அடித்து வந்தது. இந்த நிலையில் நேற்று சீதோஷ்ண நிலையில் திடீர் மாற்றம் ஏற்பட்டது. மாவட்டத்தின் ஒரு சில பகுதிகளில் பரவலாக மழை பெய்தது. இரவும் ஒரு சில இடங்களில் சாரல் மழை பெய்தது.

நாகர்கோவிலில் இன்று அதிகாலையில் லேசான மழை பெய்தது. அதன் பிறகு வானம் மப்பும் மந்தாரமு மாகவே காணப்பட்டது. கீரிப்பாறை, தடிக்காரன் கோணம், மார்த்தாண்டம், தக்கலை, குளச்சல், அஞ்சு கிராமம், சுசீந்திரம் மற்றும் அதன் புறநகர் பகுதிகளி லும் லேசான சாரல் மழை பெய்தது.

பேச்சிபாறை, பெருஞ் சாணி அணைப் பகுதிகளி லும் விட்டு விட்டு மழை பெய்து வருகிறது.பெருஞ்சாணியில் அதிக பட்சமாக 3.8மி.மி மழை பெய்து உள்ளது. திற்பரப்பு அருவியில் சாரல் மழை பெய்து வரு வதால் அங்கு ரம்யமான சூழல் நிலவுகிறது. அருவியில் சுற்றுலா பயணிகள் ஆனந்த குளியலிட்டு வருகிறார்கள்.

பேச்சிபாறை, பெருஞ் சாணி அணைகள் முழு கொள்ளளவை எட்டியதால், அணையின் நீர்மட்டத்தை பொதுப்பணித்துறை அதி காரிகள் கண்காணித்து வருகிறார்கள்.

பேச்சிபாறை அணை நீர்மட்டம் இன்று காலை 43.70அடியாக இருந்தது.அணைக்கு 721 கன அடி தண்ணீர் வந்து கொண்டி ருக்கிறது. அணையிலிருந்து 788 கன அடி தண்ணீர் வெளியேற்றப்படுகிறது.பெருஞ்சானி அணை நீர்மட்டம் 73.70அடியாக உள்ளது.அணைக்கு 126 கன அடி தண்ணீர் வந்து கொண்டிருக்கிறது. அணை யில் இருந்து 225 கன அடி தண்ணீர் வெளியேற்ற ப்படுகிறது.

நாகர்கோவில் நகருக்கு குடிநீர் சப்ளை செய்யப்படும் முக்கடல் அணையின் நீர்மட்டம் 21 அடியை எட்டி உள்ளது. நீர்மட்டம் உயர்ந்து வருவதையடுத்து பொது மக்களுக்கு தங்கு தடையின்றி குடிநீர் வழங்க மாநகராட்சி அதிகாரிகள் நடவடிக்கை மேற்கொண்டு வருகிறார்கள்.

நாகர்கோவில்:

நெல்லை மண்டல போலீஸ் டி.ஐ ஜி. பிரவேஷ்குமார் வெளியிட்டுள்ள செய்திக்குறிப்பில் கூறப்பட்டு இருப்பதாவது:-

நெல்லை மண்டல போலீஸ் சரகத்திற்கு உட்பட்ட நெல்லை, தென்காசி, குமரி மற்றும் தூத்துக்குடி மாவட்டங்களில் உள்ள பகுதிகளில் அண்டை மாநிலங்களிலிருந்து கோழி கழிவுகள், மீன் கழிவுகள், மருத்துவ கழிவுகள், பிளாஸ்டிக் கழிவுகள் மற்றும் கட்டிட கழிவுகள் போன்ற உயிருக்கு ஆபத்து விளைவிக்க கூடிய கழிவுகளை யாரேனும் வாகனத்தில் ஏற்றி வந்து கொட்டினாலோ அல்லது ஏஜென்டுகள் மூலம் கழிவுகளை வாகனத்தில் கொண்டு வந்து சரகத்திற்குட்பட்ட பகுதிகளில் குழி தோண்டி புதைத்தாலோ சம்பந்தப்பட்ட நபர்கள் மீதும், இடத்தின் உரிமையாளர்கள் மீதும் மற்றும் வாகன ஓட்டுனர்கள் மீதும் சட்டப்படி கடும் நடவடிக்கை எடுக்கப்படும்.

மேலும் கழிவுகளை ஏற்றி வரும் வாகனங்கள் பறிமுதல் செய்யப்படும். குறிப்பாக தமிழ்நாட்டில் இருந்து அண்டை மாநிலங்களுக்கு காய்கறி கொண்டு செல்லும் வாகனங்கள் காய்கறிகளை இறக்கிவிட்டு பின்னர் திரும்பி வரும்போது வாகனத்தின் உரிமையாளர்களுக்கே சில சமயங்களில் தகவல் தெரிவிக்காமல் கழிவுகளை சரகத்திற்குள் கொண்டு வருவதாக தெரியவருகிறது. இவ்வாறு கழிவுகளை யாரேனும் மாவட்டத்திற்குள் கொண்டு வருவது தெரியவந்தாலோ அல்லது கழிவுகளை கொட்டினாலோ குமரி மாவட்டத்தை சேர்ந்தவர்கள் 04652-220167 என்ற எண்ணிற்கு தொலைபேசியில் தகவல் தெரிவிக்கலாம். அல்லது 7010363173 என்ற வாட்ஸ்அப் எண் மூலம் தகவல் தெரிவிக்கலாம்.

இவ்வாறு அதில் கூறப்பட்டுள்ளது.

நாகர்கோவில்:

தமிழகத்தில் வடகிழக்கு பருவமழை தீவிரமடைந்து பல்வேறு பகுதிகளில் மழை பெய்து வருகிறது. அதன்படி குமரி மாவட்டத்திலும் கடந்த சில நாட்களாக லோசன மழை பெய்து வருகிறது.

மாவட்டத்தில் சிற்றாறு-I பகுதியில் அதிகப்பட்சமாக 12.4 மில்லி மீட்டர் மழை பெய்துள்ளது. பேச்சிப்பாறையில் 11.8 மில்லி மீட்டர் மழை பெய்துள்ளது. சிற்றாறு-II, குழித்துறை, களியல், பூதப்பாண்டி, பெருஞ்சாணி, தக்கலை, குருந்தன்கோடு உள்ளிட்ட பல்வேறு பகுதிகளிலும் மழை பெய்துள்ளது.

மலைப்பகுதியில் பெய்து வரும் தொடர் மழையின் காரணமாக அணைகளுக்கு நீர்வரத்து அதிகரித்துள்ளது. குமரி மாவட்டத்தின் பிரதான அணையான சிற்றாறு-I பகுதியில் அதிகப்பட்சமாக 12.4 மில்லி மீட்டர் மழை பெய்துள்ளது.அணைக்கு 1054 கன அடி தண்ணீர் வந்து கொண்டு இருக்கிறது. அணையில் இருந்து 788 கன அடி தண்ணீர் திறந்து விடப்படுகிறது. 77 அடி கொள்ளளவு கொண்ட பெருஞ்சாணி அணையின் நீர்மட்டம் 73.72 அடியாக உள்ளது. அணைக்கு 195 கன அடி தண்ணீர் வந்து கொண்டு இருக்கிறது. அணையில் இருந்து 100 கன அடி தண்ணீர் வெளியேற்றப்படுகிறது. மாம்பழத்துறையாறு அணை நீர்மட்டம் 49.38 அடியாகவும், முக்கடல் அணை நீர்மட்டம் 20.80 அடியாகவும், சிற்றாறு-I அணை நீர்மட்டம் 13.99 அடியாகவும், சிற்றாறு-II அணை நீர்மட்டம் 14.01 அடியாகவும், பொய்கை அணை நீர்மட்டம் 17.90 அடியாகவும் உள்ளது.

மாவட்டத்தின் பல்வேறு பகுதியில் பெய்த மழை அளவு மில்லி மீட்டரில் வருமாறு:-

சிற்றாறு-I-12.4, பூதப்பாண்டி-1.4, களியல்-2, குழித்துறை-4, பேச்சிப்பாறை-11.8, பெருஞ்சாணி-4, சிற்றாறு-II-9.2, தக்கலை 2,மாம்பழத்துறையாறு-1, குருந்தன்கோடு 8.4.

நாகர்கோவில்:

குமரி மாவட்ட கலெக்டர் அரவிந்த் வெளியிட்டுள்ள செய்திக் குறிப்பில் கூறி யிருப்பதாவது:-

ஒவ்வொரு வருடமும், நேரு யுவக்கேந்திரா சார்பில் செயல் பாடுகளில் சிறந்து விளங்கும் இளைஞர் மன்றம் தேர்வு செய்யப்பட்டு விருது வழங்கப்படுகிறது. சிறந்த மன்றமாக தேர்வு செய்யப்படும் மன்றத்துக்கு ரூ.25 ஆயிரத்திற்கான விருது மற்றும் சான்றிதழ் வழங்கப்படும்.

மாவட்ட அளவில் முதல் பரிசை பெறும் மன்றம், மாநில அளவில் நடைபெறும் போட்டி யில் கலந்து கொள்ளும். மாநில அளவில் முதல் பரிசு ரூ.75 ஆயிரம், 2-ம் பரிசு ரூ.50 ஆயிரம் மற்றும் 3-ம் பரிசு ரூ.25 ஆயிரம் வழங்கப்படும். மாநில அளவில் முதல் பரிசு பெறும் மன்றங்கள் தேசிய அளவில் நடைபெறும் போட்டியில் கலந்து கொள்வார்கள். தேசிய அளவில் வெற்றி பெறுபவர்கள் முதல் பரிசாக ரூ.3 லட்சமும், 2-ம் பரிசாக ரூ.1 லட்சமும், 3-ம் பரிசாக ரூ.50 ஆயிரமும் பெறுவார்கள். தேசிய அளவில் வெற்றி பெறும் மன்றம்

2023-ம் ஆண்டு நடை பெறும் தேசிய இளையோர் கலைவிழாவின்போது இந்த விருதைப் பெறுவார்கள்.

மாவட்ட அளவிலான விருதுக்கு விண்ணப்பிக்க விரும்பும் மன்றங்கள் நேரு யுவகேந்திராவில் இணைக்கப்பட்ட மன்றமாக இருக்க வேண்டும். முக்கிய மாக தமிழ்நாடு அரசு பதிவு சட்டப்படி பதிவு பெற்ற மன்றமாக இருத்தல் வேண்டும். ஏப்ரல் 2021-ல் இருந்து 31 மார்ச் 2022-க்கு உள்ளாகவோ அல்லது அதற்கு முன்பாகவோ பதிவு செய்திருக்க வேண்டும்.

பதிவு வருடா வருடம் புதுப்பிக்கப்பட்டிருக்க வேண்டும். இந்த வருடத் துக்கான விண்ணப்பங்க ளை நாகர்கோவில் பறக்கை ரோட்டில் பிரியா நகரில் உள்ள நேரு யுவ கேந்திரா அலுவலகத்தில் பெற்றுக் கொள்ளலாம். விண்ணப்பத்தை பூர்த்தி செய்யும் போது ஏப்ரல் 2021 முதல் மார்ச் 2022-ம் ஆண்டுக் கான மன்ற செயல்பாடுகளை மட்டுமே குறிப்பிட வேண்டும். மேலும் ஒவ்வொரு செயல்பாட் டிற்கும் அதற்கான சான்று களை இணைக்க வேண்டும். பத்திரிக்கைச் செய்தி, புகைப்படம், சான் றிதழ் போன்றவைகளை அத் தாட்சிகளாக இணைக்க லாம்.

2021-2022-ம் ஆண்டுக் கான தணிக்கை சான்றி தழையும் அதனுடன் இணைக்க வேண்டும். விண்ணப்பங்களை மாவட்ட கலெக்டர் தலைமையில் அமைந்த குழு ஆராய்ந்து விருதுக்கான மன்றத்தை தேர்வு செய்வார்கள். சிறந்த இளையோர் மன்ற விருதுக்கான விண்ணப்பம் வந்து சேர வேண்டிய கடைசி தேதி 13.12.2022 ஏற்க னவே மாவட்ட அளவிலான சிறந்த மன்ற விருதைப் பெற்ற மன்றம் அந்த விருது பெற்று 2 ஆண்டுகள் முடிவடைந்திருந்தால் அவர்களும் இந்த விருதுக் காக விண்ணப்பிக்கலாம்.

இவ்வாறு கூறி உள்ளார்.

நாகர்கோவில்:

குமரி மாவட்ட கலெக்டர் அரவிந்த் வெளியிட்டுள்ள செய்திக் குறிப்பு ஒன்றில் கூறப்பட்டுள்ளதாவது:-

தமிழகத்தை தொழில் வளத்தில் முதன்மை மாநிலமாக மாற்றும் பொருட்டு தொழில்களுக்கு தோள் கொடுத்து தொழில் வளம் பெருக்க புதிய தொழில்முனைவோர்களை கண்டறியும் பொருட்டு தொழில் ஊக்குவிப்பு முகாம் 15-ந் தேதி கிள்ளியூர் ஊராட்சி ஒன்றிய கூட்ட அரங்கிலும், 22-ந் தேதி தோவாளை ஊராட்சி ஒன்றிய கூட்ட அரங்கிலும் நடைபெற உள்ளது.

தமிழக அரசு செயல்ப டுத்தி வரும் வேலை வாய்ப்பற்ற இளை ஞர்களுக்கான வேலை வாய்ப்பு உருவாக்கும் திட்டத்தின் கீழ் ( UYEGP ) நமது மாவட்டத்திற்கு 98 நபர்களுக்கு ரூ.78 லட்சம் மானிய திட்ட இலக்கு நிர்ணயிக்கப்பட்டுள்ளது.

இத்திட்டத்தின் கீழ் பலசரக்கு வியாபாரம், மின்சார பொருட்கள் வியா பாரம், வீட்டு உபயோக பொருட்கள் விற்பனை போன்ற அனைத்து வகை யான வியாபாரங்களுக்கும் விண்ணப்பிக்க வழிவகை செய்யப்பட்டு உள்ளது . ரூ.5 லட்சம் வரையுள்ள திட்டங்களுக்கு வங்கிகள் மூலம் கடன் வழங்கப்படும். இத்திட்டத்திற்கு 25 விழுக்காடு மானியம் வழங்கப்படும்.

தமிழ்நாடு அரசின் புதிய தொழில்முனைவோர் மற்றும் தொழில் நிறுவன மேம்பாட்டுத் திட்டத்தின் கீழ் 39 நபர்களுக்கு ரூ .385 லட்சம் மானிய இலக்கு நிர்ணயிக்கப்பட்டுள்ளது. இத்திட்டத்தின் கீழ் சேவை மற்றும் உற்பத்தி தொழில்களுக்கு ரூ.10 லட்சத்திற்கு மேல் ரூ.5 கோடி வரை கடன் பெற பரிந்துரைக்கப்படும்.

இத்திட்டத்தில் www.msmeonline.tn.gov.in/needs என்ற இணையதளம் மூலம் விண்ணப்பித்து விண்ணப்பத்தை பதி விறக்கம் செய்யலாம். மத்திய அரசால் செயல்ப டுத்தப்பட்டு வரும் பாரத பிரதமரின் வேலைவாய்ப்பு உருவாக்கும் திட்டத்தின் கீழ் நமது மாவட்டத்தில் 189 நபர்களுக்கு ரூ.546 லட்சம் மானிய இலக்கு நிர்ணயிக்கப்பட்டுள்ளது. கிராமப்புறத்தில் சிறப்பு பிரிவினர் தொழில் தொடங்க முன்வரும் பட்சத்தில் அதிகபட்சம் 35 சதவிகிதம் மானியம் பெற வழிவகை

உள்ளது. இத்திட்டத்தில் கடன் பெற www.kviconline.tn.gov.in என்ற இணையதளம் மூலம் விண்ணப்பித்து விண்ணப்பத்தை பதி விறக்கம் செய்யலாம். மேற்படி கடன் திட்டங்க ளுக்கு விண்ணப்பிக்க கடவுசீட்டு அளவு நிழற்படம், குடும்ப அட்டை, ஆதார் அட்டை , விலைப்புள்ளி, கல்வித்தகுதி மற்றும் இதர சான்றிதழ்களுடன் மேற்படி அசல் சான்றிதழ்களுடன் முகாமில் கலந்து கொள்ப வர்களுக்கு கூட்ட அரங்கி லேயே விண்ணப்பம் பதிவேற்றம் செய்து வழங்கப்படும் .

மேலும் கூடுதல் விவ ரங்களுக்கு பொது மேலாளர், மாவட்ட தொழில் மையம் , தொழிற்பேட்டை கோணம் அஞ்சல் , நாகர்கோவில் -4 அலுவலகத்தில் நேரிலோ அல்லது 04652-260008 என்ற தொலைபேசி எண்ணிலோ தொடர்பு கொள்ளலாம்.

இவ்வாறு அதில் கூறப்பட்டு உள்ளது.

நாகர்கோவில்:

சமூகநீதி மற்றும் மேம்பாட்டு அமைச்சகத்தால் 2020-21-ம் நிதியாண்டில் போதைப்பொருள் இல்லாத இந்தியா திட்டத்தின்கீழ் நாசா முக்த் பாரத் பிரசாரமானது இந்தியாவிலுள்ள 272 போதை பயன்பாடு அதிகமுள்ள மாவட்டங்க ளில் கொண்டுவரப்பட்டது.

தமிழகத்தில் திருநெல்வேலி, தேனி, நாமக்கல் மற்றும் கன்னியா குமரி மாவட்டங்கள் தேர்ந்தெடுக்கப்பட்டது. அதன்படி கன்னியாகுமரி மாவட்டத்தில் கடந்த ஆகஸ்டு மாதம் 15-ந்தேதி மாவட்ட கலெக்டரால் இத்திட்டம் தொடங்கி வைக்கப்பட்டது.

இத்திட்டத்தின் ஒருப்ப குதியாக பள்ளி, கல்லூரி மாணவ-மாணவி களுக்கு போதைப்பொ ருள் பயன்பாட்டி னால் ஏற்படும் பாதிப்புகள் குறித்த விழிப்புணர்வு பயிற்சி மற்றும் பிரசாரம் மேற்கொள்ளப்பட்டு வருகிறது.

குமரி மாவட்ட சமூக நலன் மற்றும் மகளிர் உரிமைத்துறையுடன் இணைந்து தன்னர்வ அமைப்புகளோடு இணைந்து அக்டோபர் மதாம் 29-ந்தேதி 9 வகையான விழிப்புணர்வு போட்டிகள் மார்த்தாண்டம் நேசமணி கிறிஸ்தவ கல்லூரி யில் நடைபெற்றது.

போட்டிகளில் வெற்றிப் பெற்ற பள்ளி, கல்லூரி மாணவ- மாணவிகளுக்கு பரிசு மற்றும் சான்றிதழ் வழங்கும் விழா புனித சிலுவைக்கல்லூரியில் இன்று நடைபெற்றது. மாவட்ட கலெக்டர் அரவிந்த் தலைமை தாங்கி, பரிசு மற்றும் சான்றிதழை வழங்கினார்.

அதனைத்தொடர்ந்து தனியார் தொண்டு நிறுவனத்தால் ஊடக போதை நோய் குறித்தான பயிற்சி பட்டறையினை பார்வையிட்டு பயிற்சி பெறும் முதன்மை தன்னார்வலர் உட்பட 250 பேர்களிடையே உரையாற்றினார். அப்போது அவர், ஊடகப்போதையில் மாணவர்கள் தங்களது பொரும்பாலான காலத்தை வீணடித்து தங்களது உடல்நலம் , சமுதாயத்திற்கு கேடு விளைவிக்கின்றனர்.

ஆசிரியர்கள் இந்த பயிற்சியினை ஆர்வத்துடன் கற்றுக்கொண்டு மாணவர்களிடையே விழிப்பு ணர்வினை தீவிரப்படுத்த வேண்டும். கன்னியாகுமரி மாவட்டத்தில் போதைப் பொருள் பயன் பாட்டினை முற்றிலுமாக நீக்குவதற்கு துணை புரிய வேண்டும் என்றார்.

நிகழ்ச்சியில் மாவட்ட சமூகநல அலுவலர் சரோஜினி, மாவட்ட குழந்தைகள் பாதுகாப்பு அலுவலர் சகிலா பானு, ஜே.சி.எல், ரோட்டரி சங்க உறுப்பினர்கள், நாசா முக்த் பாரத் அபியான் முதன்மை தன்னார்வலர்கள், நெல்சன், அருள் ஜோதி, ஜெரோலின், அருண்குமார் மற்றும் பலர் கலந்து கொண்டனர்.

கன்னியாகுமரி:

கன்னியாகுமரி மாவட்டம் மார்த்தாண்டம், அருமனை, களியக்காவிளை சுற்று வட்டார பகுதிகளில் உள்ள இந்து கோவில்களில் தொடர்ந்து உண்டியல்களை உடைத்து திருடும் சம்பவம் நடந்து வந்தது.

இது குறித்து போலீசார் விசாரணை நடத்தி வந்தனர். திருட்டு நடந்த கோவில்களில் உள்ள சி.சி.டி.வி.காமிரா பதிவு காட்சிகளை கைப்பற்றி ஆய்வு செய்தனர். அப்போது கொள்ளையன் யார் என தெரிய வந்தது.

நாகர்கோவில் ராமன்புதூர் அம்மன் கோவில் தெருவை சேர்ந்த அன்பரசன் (வயது 29) என்பவர் தான் திருட்டில் ஈடுபட்டுள்ளார்.

இதை யடுத்து தனிப்படை போலீஸ் சப்- இன்ஸ்பெ க்டர் அருளப்பன் தலைமை யிலான போலீசார் இன்று அதிகா லையில் அன்பர சனை மார்த்தா ண்டம் பஸ் நிலையத்தில் வைத்து கைது செய்தனர்.