நீங்கள் தேடியது "டேப்லெட்"

லெனோவோ டேப் P11 5ஜி டேப்லெட் இந்திய சந்தையில் அறிமுகம் செய்யப்பட்டு இருக்கிறது. இது 2021 வாக்கில் அறிமுகம் செய்யப்பட்ட டேப் P11 மாடலின் மேம்பட்ட வெர்ஷன் ஆகும். முந்தைய மாடலை விட புது மாடலில் அதநவீன ஹார்டுவேர் வழங்கப்பட்டு இருக்கிறது.

லெனோவோ டேப் P11 5ஜி மாடலில் 11 இன்ச் LCD டிஸ்ப்ளே, 2K ரெசல்யூஷன், 400 நிட்ஸ் பீக் பிரைட்னஸ் கொண்டிருக்கிறது. இந்த டேப்லெட் ஸ்டைலஸ் மற்றும் கீபோர்டு உள்ளிட்ட சாதனங்களுக்கான சப்போர்ட் கொண்டுள்ளது. இது டூயல் டோன் பேக் பேனல், ஒற்றை கேமரா சென்சார் உள்ளது.

ஆடியோவை பொருத்தவரை லெனோவோ டேப் P11 5ஜி மாடல் குவாட் ஜெபிஎல் ஸ்பீக்கர்கள், டால்பி அட்மோஸ் சவுண்ட் டியுனிங் வழங்கப்பட்டு இருக்கிறது. இத்துடன் 13MP பிரைமரி கேமரா, 8MP செல்ஃபி கேமரா வழங்கப்பட்டு இருக்கிறது. புது டேப் P11 5ஜி மாடல் ஸ்னாப்டிராகன் 750G பிராசஸர், அட்ரினோ 619 GPU, 8 ஜிபி ரேம், 256 ஜிபி மெமரி, மெமரியை கூடுதலாக நீட்டிக்கும் வசதி வழங்கப்பட்டு உள்ளது.

இந்த டேப்லெட் 7700 எம்ஏஹெச் பேட்டரி மற்றும் 20 வாட் ஃபாஸ்ட் சார்ஜிங், ஆண்ட்ராய்டு 11 ஒஎஸ் கொண்டிருக்கிறது. கனெக்டிவிட்டிக்கு 3.5mm ஆடியோ ஜாக், யுஎஸ்பி டைப் சி போர்ட், 5ஜி, வைபை, ப்ளூடூத் 5.1 வழங்கப்பட்டு இருக்கிறது.

விலை மற்றும் விற்பனை விவரங்கள்:

புதிய லெனோவோ டேப் P11 5ஜி மாடலின் 6 ஜிபி ரேம், 128 ஜிபி மெமரி வெர்ஷன் விலை ரூ. 29 ஆயிரத்து 999 என்றும் 8 ஜிபி ரேம், 256 ஜிபி மெமரி வெர்ஷன் விலை ரூ. 34 ஆயிரத்து 999 என நிர்ணயம் செய்யப்பட்டு உள்ளது. இந்த டேப்லெட் ஸ்டாம் கிரே நிறத்தில் கிடைக்கிறது. விற்பனை லெனோவோ அதிகாரப்பூர்வ வலைதளம் மற்றும் அமேசான் தளத்தில் நடைபெறுகிறது.

இந்திய சந்தையில் ரியல்மி நிறுவனம் ரியல்மி பேட், ரியல்மி மினி மற்றும் ரியல்மி பேட் X மாடல்களை விற்பனை செய்து வருகிறது. இந்த வரிசையில் ரியல்மி நிறுவனம் ரியல்மி பேட் ஸ்லிம் மாடலை அறிமுகம் செய்யலாம் என தகவல் வெளியாகி உள்ளது.

இதுவரை அறிவிக்கப்படாமல் இருக்கும் புது டேப்லெட் மாடல் ப்ளிப்கார்ட் தளத்தில் பட்டியலிடப்பட்டு இருக்கிறது. புதிய ரியல்மி பேட் ஸ்லிம் மாடல் விரைவில் அறிமுகமாகும் என குறிப்பிடப்பட்டுள்ளது. இந்த நிலையில், இணையத்தில் வெளியாகி இருக்கும் மற்றொரு ஸ்கிரீன்ஷாட்டில் ரியல்மி பேட் ஸ்லிம் மாடல் ப்ளிப்கார்ட் தளத்தில் லிஸ்டிங் செய்யப்பட்டு இருக்கிறது.

அதன்படி ரியல்மி பேட் ஸ்லிம் மாடலில் 6 ஜிபி ரேம், 128 ஜிபி மெமரி, வைபை, 4ஜி எல்டிஇ கனெக்டிவிட்டி, கோல்டு மற்றும் கிரே நிறங்களில் கிடைக்கும் என தெரியவந்துள்ளது. இவைதவிர ரியல்மி பேட் ஸ்லிம் மாடலின் இதர அம்சங்கள் ரியல்மி பேட் மாடலில் உள்ளதை போன்றே வழங்கப்படுகிறது.

ரியல்மி பேட் மாடலில் 10.4 இன்ச் எல்சிடி டிஸ்ப்ளே, 2000x1200 பிக்சல், 8MP பிரைமரி கேமரா, 8MP செல்ஃபி கேமரா, மீடியாடெக் ஹீலியோ ஜி80 பிராசஸர், 7100 எம்ஏஹெச் பேட்டரி, 18 வாட் ஃபாஸ்ட் சார்ஜிங், மைக்ரோ எஸ்டி கார்டு ஸ்லாட், ஆண்ட்ராய்டு 11 ஒஎஸ் வழங்கப்படுகிறது. ரியல்மி பேட் மாடல் இரண்டு எல்டிஇ மாடல்களில் கிடைக்கிறது.

இந்திய சந்தையில் புதிய ரியல்மி பேட் ஸ்லிம் மாடல் ஜனவரி 9 ஆம் தேதி அறிமுகம் செய்யப்படலாம் என தெரிகிறது. முன்னதாக ரியல்மி 10 ஸ்மார்ட்போன் இந்தியாவில் ஜனவரி 9 ஆம் தேதி அறிமுகமாகும் என ரியல்மி ஏற்கனவே அறிவித்து விட்டது. எனினும், ரியல்மி பேட் ஸ்லிம் வெளியீடு பற்றி ரியல்மி இதுவரை எந்த தகவலும் வெளியிடவில்லை.

சியோமி நிறுவனம் 2021 வாக்கில் டேப்லெட் சந்தையில் களமிறங்கியது. முதற்கட்டமாக சியோமி பேட் 5 மற்றும் சியோமி பேட் 5 ப்ரோ என இரு மாடல்களை சியோமி நிறுவனம் வெளியிட்டு இருந்தது. தற்போது இரு மாடல்களின் மேம்பட்ட வெர்ஷனை சியோமி உருவாக்கி வருவதாக தகவல்கள் வெளியாகி உள்ளன. இவை சியோமி பேட் 6 மற்றும் பேட் 6 ப்ரோ பெயர்களில் அறிமுகம் செய்யப்படும் என்றும் கூறப்படுகிறது.

இரண்டு புது டேப்லெட் மாடல்களும் பிபா மற்றும் லிக்வின் எனும் குறியீட்டு பெயர்களில் உருவாக்கப்பட்டு வருகிறது. இவை சியோமி பேட் 6 மற்றும் பேட் 6 ப்ரோ பெயர்களில் விற்பனைக்கு வரும் என்றும் தகவல் வெளியாகி உள்ளது. இரு மாடல்களில் பேஸ் வேரியண்ட் ஆன சியோமி பேட் 6 குவால்காம் நிறுவனத்தின் ஸ்னாப்டிராகன் 870 பிராசஸர் கொண்டிருக்கும் என தெரிகிறது. இதே சிப்செட் ஒப்போ, விவோ மற்றும் லெனோவோ நிறுவன டேப்லெட் மாடல்களிலும் வழங்கப்பட்டு இருக்கிறது.

லீக் ஆன அம்சங்கள்:

சியோமி பேட் 5 மாடலில் ஸ்னாப்டிராகன் 860 பிராசஸர் வழங்கப்பட்டு இருந்த நிலையில், புதிய சியோமி பேட் 6 மாடலில் ஸ்னாப்டிராகன் 870 சிப்செட் வழங்கப்படுகிறது. இத்துடன் சியோமி பேட் 6 டேப்லெட் M82 மாடல் நம்பர் கொண்டிருப்பதாகவும், இது சீனா, இந்தியா மற்றும் சர்வதேச சந்தைகளில் அறிமுகம் செய்யப்பட இருப்பதாகவும் கூறப்படுகிறது. இந்த டேப்லெட்டில் 120Hz ரிப்ரெஷ் ரேட் டிஸ்ப்ளே வழங்கப்படுகிறது.

டாப் எண்ட் மாடலான சியோமி பேட் 6 ப்ரோ குவால்காம் ஸ்னாப்டிராகன் 8 பிளஸ் ஜென் 1 பிராசஸர், 120Hz AMOLED டிஸ்ப்ளே, 1880x2880 பிக்சல் ரெசல்யூஷன் வழங்கப்படுகிறது. இது முந்தைய பேட் 5 ப்ரோ மாடலில் இருந்த IPS LCD டிஸ்ப்ளேவில் இருந்து மிகப்பெரும் அப்டேட் ஆகும். மேலும் புதிய சியோமி பேட் 6 ப்ரோ மாடலில் குவாட் ஸ்பீக்கர் செட்டப் வழங்கப்படும் என்றும் கூறப்படுகிறது.

இந்த டேப்லெட் M81 எனும் மாடல் நம்பர் கொண்டிருக்கிறது. இந்த மாடல் பிரத்யேகமாக சீன சந்தையில் மட்டும் அறிமுகம் செய்யப்படலாம் என xiaomiui தெரிவித்து இருக்கிறது. தற்போது சியோமி பேட் 5 மாடல் ரூ. 25 ஆயிரம் பட்ஜெட்டில் விற்பனை செய்யப்பட்டு வருகிறது.

செப்டம்பர் மாத வாக்கில் சாம்சங் நிறுவனத்தின் SM-X506B மாடல் நம்பர் கொண்ட டேப்லெட் விவரங்கள் செப்டம்பர் மாத வாக்கில் கீக்பென்ச் தளத்தில் வெளியாகி இருந்தது. தற்போது இந்த டேப்லெட் மாடல் FE பிராண்டிங் கொண்டிருக்கும் என டிப்ஸ்டர் ரோலண்ட் குவாண்ட் தெரிவித்து இருக்கிறார்.

மேலும் புதிய சாம்சங் கேலக்ஸி டேப் S8 FE மாடலில் LCD டிஸ்ப்ளே வழங்கப்படும் என கூறப்படுகிறது. எனினும், இது அதன் முந்தைய மாடலில் இருந்ததை விட அளவில் பெரியதாக இருக்கும் என தெரிகிறது. கேலக்ஸி டேப் S8, S8 பிளஸ் மற்றும் S8 அல்ட்ரா மாடல்களில் சாம்சங் நிறுவனம் AMOELD டிஸ்ப்ளே வழங்கி இருக்கிறது. மேலும் டேப் S8 FE மாடலில் ஸ்லைடஸ் வசதி வழங்கப்படுகிறது.

இத்துடன் மீடியாடெக் 900டி பிராசஸர், மாலி G68 MC-4 GPU வழங்கப்படுகிறது. இது டிமென்சிட்டி 900 பிராசஸருக்கு இணையான ஒன்று ஆகும். மேலும் இத்துடன் 5ஜி மோடெம் வழங்கப்பட்டு இருக்கிறது. முந்தைய தகவல்களின் படி இந்த டேப்லெட் கேலக்ஸி டேப் S8 FE மாடலின் 5ஜி வெர்ஷனாக இருக்கும் என தெரிகிறது. மேலும் இதில் வைபை வெர்ஷன் மட்டுமே இடம்பெற்று இருக்கும் என்றும் இது SM-X500 எனும் மாடல் நம்பர் கொண்டிருக்கும் என கூறப்படுகிறது.

புதிய கேலக்ஸி டேப் S8 FE மாடலில் ஆண்ட்ராய்டு 13 ஒஎஸ், ஒன் யுஐ 5, 4 ஜிபி ரேம் வழங்கப்படுகிறது. முந்தைய கேலக்ஸி டேப் S7 FE மாடலின் பேஸ் வேரியண்டிலும் 4ஜிபி ரேம் வழங்கப்பட்டு இருந்தது குறிப்பிடத்தக்கது. FE மாடல் என்பதால் இதன் விலை சற்று குறைவாகவே நிர்ணயம் செய்யப்படும் என எதிர்பார்க்கலாம்.

ஒன்பிளஸ் நிறுவனம் அடுத்த ஆண்டு ஆண்ட்ராய்டு டேப்லெட் மாடல்களுக்கு கடும் போட்டியை ஏற்படுத்த திட்டமிட்டு வருவதாக தெரிகிறது. ஒன்பிளஸ் பேட் மாடல் மீண்டும் உருவாக்கப்பட்டு வருவதாக ஒன்பிளஸ் டிப்ஸ்டரான மேக்ஸ் ஜேம்பர் தெரிவித்து இருக்கிறார். ஒன்பிளஸ் பேட் மூலம் அந்நிறுவனம் டேப்லெட் சந்தையில் களமிறங்க இருப்பதாக கூறப்படுகிறது.

இது ஒன்பிளஸ் நிறுவனத்தின் முதல் டேப்லெட் என்ற போதிலும், கடந்த ஒரு வருடமாக இந்த மாடல் உருவாக்கப்பட்டு வருகிறது. ஒன்பிளஸ் ஹார்டுவேர் வளர்ச்சி பிரிவும் ஒப்போ நிறுவன சாதனங்கள் வளர்ச்சி பிரிவு நெருங்கிய பரஸ்பரம் கொண்டிருக்கும் நிலையில், ஒப்போ பேட் மாடல் மேற்கத்திய பகுதிகளில் ஒன்பிளஸ் பேட் பெயரில் அறிமுகம் செய்யப்படலாம் என்றும் கூறப்பட்டது. "ஒன்பிளஸ் பேட்" பெயரை அந்நிறுவனம் டிரேட்மார்க் செய்து இருக்கிறது.

ஒன்பிளஸ் பேட் மாடல் தற்போது உருவாக்கப்பட்டு வருவதாகவும், இந்த மாடல் அடுத்த ஆண்டு அறிமுகம் செய்யப்படும் என்றும் மேக்ஸ் ஜேம்பர் தெரிவித்து இருக்கிறார். முன்னதாக வெளியான தகவல்களில் ஒன்பிளஸ் நிறுவனம் தனது முதல் டேப்லெட் மாடலை 2022 முதல் அரையாண்டு வாக்கில் அறிமுகம் செய்யலாம் என கூறப்பட்டது. ஒன்பிளஸ் தனது முதல் டேப்லெட் பற்றி இதுவரை எந்த தகவலையும் வழங்கவில்லை.

ஒப்போ நிறுவனம் இரண்டு டேப்லெட் மாடல்களை அறிமுகம் செய்து இருக்கிறது. ஒப்போ பேட் 11 இன்ச் 2.5K LCD 120Hz ரிப்ரெஷ் ரேட் கொண்ட ஸ்கிரீன், ஸ்னாப்டிராகன் 870 பிராசஸர் கொண்டிருக்கிறது. ஒப்போ பேட் ஏர் மாடல் 10.36 இன்ச் 2K LCD 60HZ ரிப்ரெஷ் ரேட் கொண்ட ஸ்கிரீன் மற்றும் ஸ்னாப்டிராகன் 680 பிராசஸர் கொண்டிருக்கிறது.

ஒன்பிளஸ் பேட் மாடல் ஒப்போ பேட் போன்று சக்திவாய்ந்த அம்சங்களை கொண்டிருக்கும் என்றும் இதில் ஆண்ட்ராய்டு 12L ஒஎஸ் வழங்கப்படும் என்றும் கூறப்படுகிறது. புதிய டேப்லெட் மாடலுக்கு ஒன்பிளஸ் நிறுவனம் கீபோர்டு டாக் மற்றும் ஸ்டைலஸ் வசதி உள்ளிட்டவைகளை வழங்கப்படும் என கூறப்படுகிறது.

ஆப்பிள் நிறுவனம் புதிய ஐபேட் ப்ரோ மாடலுடன் புதிய ஐபேட் மாடலையும் இந்திய சந்தையில் அறிமுகம் செய்தது. புதிய ஐபேட் மாடல் 10.9 இன்ச் லிக்விட் ரெட்டினா டிஸ்ப்ளே, ஏ14 பயோனிக் பிராசஸர் கொண்டிருக்கிறது. இத்துடன் மேம்பட்ட 12MP அல்ட்ரா வைடு செல்பி கேமரா வழங்கப்பட்டு இருக்கிறது.

யுஎஸ்பி சி போர்ட் கொண்டிருக்கும் புது ஐபேட் மாடல் வைபை 6 கனெக்டிவிட்டி, 5ஜி செல்லுலார் வசதி உள்ளிட்ட அம்சங்களை கொண்டிருக்கிறது. ஐபேட் ஒஎஸ் 16 கொண்டிருக்கும் புதிய ஐபேட் மாடலுடன் ஆப்பிள் பென்சில் முதல் தலைமுறை மாடலுக்கான சப்ரோர்ட் வழங்கப்பட்டு இருக்கிறது.

ஐபேட் (10th Gen) அம்சங்கள்

10.9 இன்ச் 2360x1640 பிக்சல் லிக்விட் ரெட்டினா டிஸ்ப்ளே

ஏ14 பயோனிக் பிராசஸர்

64 ஜிபி மற்றும் 256 ஜிபி மெமரி

ஐபேட் ஒஎஸ் 16

12MP பிரைமரி கேமரா

12MP செல்பி கேமரா

டூயல் மைக்ரோபோன்

5ஜி (ஆப்ஷன்), வைபை 6, ப்ளூடூத் 5.2

டச் ஐடி

28.6 வாட் லித்தியம் அயன் பேட்டரி

விலை மற்றும் விற்பனை விவரங்கள்:

புதிய ஐபேட் மாடல் புளூ, பின்க், சில்வர் மற்றும் எல்லோ போன்ற நிறங்களில் கிடைக்கிறது. இதன் முன்பதிவு ஏற்கனவே துவங்கி நடைபெற்று வருகிறது. விற்பனை அக்டோபர் 26 ஆம் தேதி துவங்க இருக்கிறது. புதிய ஐபேட் மாடல் விலை ரூ. 44 ஆயிரத்து 900 என துவங்குகிறது. இதன் டாப் எண்ட் மாடல் விலை ரூ. 74 ஆயிரத்து 900 ஆகும்.

ஆப்பிள் நிறுவனம் புதிய ஐபேட் ப்ரோ 11 இன்ச் மற்றும் 12.9 இன்ச் மாடல்களை இந்திய சந்தையில் அறிமுகம் செய்து இருக்கிறது. புதிய ஐபேட் ப்ரோ மாடல்களில் M2 சிப்செட் வழங்கப்பட்டு இருக்கிறது. இது முந்தைய தலைமுறை பிராசஸரை விட 15 சதவீதம் வேகமான சிபியு மற்றும் 35 சதவீதம் வேகமான ஜிபியு செயல்திறன் வழங்குகிறது. இத்துடன் புதிய ஆப்பிள் பென்சில் மாடலும் அரிமுகம் செய்யப்பட்டு இருக்கிறது.

வைபை 6E கனெக்டிவிட்டி கொண்ட முதல் சாதனமாக இது அமைந்துள்ளது. 11 இன்ச் ஐபேட் ப்ரோ மாசலில் எல்இடி பேக்லிட் லிக்விட் ரெட்டினா டிஸ்ப்ளே, 12.9 இன்ச் மாடலில் மினி எல்இடி லிக்விட் ரெட்டினா XDR டிஸ்ப்ளே வழங்கப்பட்டு இருக்கிறது. இத்துடன் ஐபேட் ஒஎஸ் 16, புதிய ஆப்பிள் பென்சில் வழங்கப்பட்டு இருக்கிறது. இது டிஸ்ப்ளே மீது 12 மில்லிமீட்டர் அளவிலேயே பென்சிலை கண்டறிந்து விடும்.

புதிய ஐபேட்களில் 5ஜி மாடலும் இடம்பெற்று இருக்கிறது. இத்துடன் தண்டர்போல்ட் மற்றும் யுஎஸ்பி 4, யுஎஸ்பி சி போர்ட், 12MP அல்ட்ரா வைடு ட்ரூடெப்த் செல்பி கேமரா வழங்கப்பட்டு உள்ளது. இந்திய சந்தையில் புதிய ஐபேட் ப்ரோ 11 இன்ச் வைபை மாடல் விலை ரூ. 81 ஆயிரத்து 999 என துவங்குகிறது. டாப் எண்ட் மாடலான ஐபேட் ப்ரோ 12.9 இன்ச் 2டிபி செல்லுலார் மாடல் விலை ரூ. 2 லட்சத்து 37 ஆயிரத்து 900 என நிர்ணயம் செய்யப்பட்டு உள்ளது.

புதிய ஐபேட் ப்ரோ மாடல்கள் ஸ்பேஸ் கிரே மற்றும் சில்வர் நிறங்களில் கிடைக்கிறது. இவற்றுக்கான முன்பதிவு ஏற்கனவே துவங்கி நடைபெற்று வருகிறது. விற்பனை அக்டோபர் 26 ஆம் தேதி துவங்க இருக்கிறது. 

ஆப்பிள் நிறுவனம் ஐபேட் சாதனத்திற்கான டாக் ஒன்றை உருவாக்கி இருப்பதாக தகவல் வெளியாகி உள்ளது. இதை கொண்டு ஐபேட் மாடலை ஸ்மார்ட் டிஸ்ப்ளே போன்றும் பயன்படுத்தலாம் என கூறப்படுகிறது. ஐபேட் மாடலுக்கான டாக் அடுத்த ஆண்டு வாக்கில் அறிமுகம் செய்யப்படலாம் என தெரிகிறது. முன்னதாக ஆப்பிள் நிறுவனம் புதிய ஐபேட் ப்ரோ மாடலை அறிமுகம் செய்ய இருப்பதாக தகவல் வெளியாகி இருந்தது.

இத்துடன் ஆப்பிள் நிறுவனம் டேப்லெட்-ஐ ஸ்பீக்கர் ஹப் உடன் இணைக்க செய்யும் அம்சத்தை உருவாக்கி வருவதாக தகவல் வெளியாகி இருக்கிறது. அமேசான் நிறுவனம் தனது ஃபயர் டேப்லெட் மாடல்களில் இதே போன்ற அம்சத்தை ஏற்கனவே வழங்கி வருகிறது. இந்த சாதனம் பயனர்கள் டேப்லெட்-ஐ சார்ஜ் செய்ய டாக் செய்து அதனை ஸ்மார்ட் டிஸ்ப்ளே போன்று பயன்படுத்த வழி செய்கிறது.

கூகுள் நிறுவனம் சமீபத்தில் தான் தனது பிக்சல் டேப்லெட்-க்கு டாக்-ஐ அறிமுகம் செய்யப் போவதாக அறிவித்தது. இது காந்த வசதி கொண்ட சார்ஜிங் ஸ்டேஷன் மற்றும் ஸ்பீக்கர் போன்று செயல்படும். டேப்லெட் டாக்-இன் மீது வைத்தால் அதனை ஸ்மார்ட் டிஸ்ப்ளே போன்று பயன்படுத்தலாம். இதில் கூகுள் அசிஸ்டண்ட் வசதி வழங்கப்பட்டு இருக்கிறது. இதன் மூலம் ஸ்மார்ட் ஹோம் சாதனங்களை வாய்ஸ் மூலம் இயக்க முடியும்.

கடந்த ஆண்டு வெளியான தகவல்களின் படி ஆப்பிள் நிறுவனம் ஆப்பிள் டிவி மற்றும் ஸ்மார்ட் ஸ்பீக்கர் சாதனத்தை அறிமுகம் செய்வதாக கூறப்பட்டது. இதில் பில்ட்-இன் கேமரா வழங்கப்பட இருப்பதாகவும், இந்த சாதனம் தொடர்ந்து உருவாக்கப்பட்டு வருவதாக கூறப்படுகிறது.

ஆப்பிள் நிறுவனம் புதிய 2022 ஐபேட் ப்ரோ டேப்லெட் சீரிசை விரைவில் அறிமுகம் செய்ய இருப்பதாக தகவல் வெளியாகி உள்ளது. இவை 11 இன்ச் மற்றும் 12.9 இன்ச் என இரு வேரியண்ட்களில் கிடைக்கும் என்றும் J617 மற்றும் J620 குறியீட்டு பெயர்களில் உருவாக்கப்பட்டு வருவதாகவும் கூறப்படுகிறது. புதிய ஐபேட் ப்ரோ மாடல்கள் செய்தி குறிப்பு வாயிலாக எளிமையாக அறிமுகம் செய்யப்படும் என தகவல் வெளியாகி உள்ளது.

இதன் காரணமாக செப்டம்பரில் நடைபெற்ற ஐபோன் 14, ஆப்பிள் வாட்ச் சீரிஸ் 8, ஆப்பிள் வாட்ச் SE (2022) மற்றும் ஆப்பிள் வாட்ச் அல்ட்ரா சாதனங்களின் அறிமுக நிகழ்வு போன்ற நேரலை நடத்தப்படாது என கூறப்படுகிறது. அடுத்த ஆண்டு அறிமுகம் செய்யப் போகும் புதிய மிக்சட்-ரியலிட்டி ஹெட்செட் அறிமுக நிகழ்வுக்காக இந்த ஆண்டு அறிமுகம் செய்யும் மற்ற சாதனங்களுக்கு செய்தி குறிப்பு மட்டும் வெளியிட ஆப்பிள் முடிவு செய்துள்ளதாக மார்க் குர்மேன் தெரிவித்து இருக்கிறார்.

புதிய ஐபேட் ப்ரோ (2022) மாடலில் N5P மேம்பட்ட 5nm முறையில் ஒவ்வொரு பாகங்களிலும் 20 பில்லியன் டிரான்சிஸ்டர்கள் அடங்கிய ஆப்பிள் M2 பிராசஸர் வழங்கப்படும் என்றும் அவர் தெரிவித்து இருக்கிறார். இந்த பிராசஸரை TSMC உருவாக்கும் என்றும் இது முந்தைய M1 பிராசஸரை விட 25 சதவீதம் அதிக டிரான்சிஸ்டர்களை கொண்டிருக்கிறது. இதன் காரணமாக M2 செயல்திறன் முந்தைய பிராசஸரை விட அதிகமாக இருக்கும்.

2022 ஐபேட் ப்ரோ மாடல்கள் வரிசையில் புதிய எண்ட்ரி லெவல் டேப்லெட்-ஐ ஆப்பிள் அறிமுகம் செய்யலாம் என எதிர்பார்க்கப்படுகிறது. புதிய ஐபேட் 10 மாடலின் வடிவமைப்பு ஐபேட் ப்ரோ-வை தழுவி உருவாக்கப்பட்டு இருக்கும் என்றும் இதில் யுஎஸ்பி டைப் சி போர்ட் வழங்கப்படும் என்றும் கூறப்படுகிறது. முன்னதாக இந்த மாடலின் ரெண்டர் இணையத்தில் வெளியாகி இருந்தது. அதில் இந்த டேப்லெட் அளவில் சிறிய பெசல், லோசெஞ் வடிவ கேமரா பம்ப்ப, எல்இடி பிளாஷ் உள்ளிட்டவைகளை கொண்டிருப்பதும் தெரியவந்தது.

Photo Courtesy: mysmartprice

ஹெச்எம்டி குளோபல் நஇறுவனம் நோக்கியா டி10 டேப்லெட்-ஐ கடந்த மாதம் அறிமுகம் செய்து இருந்தது. தற்போது இந்த டேப்லெட்டின் எல்டிஇ வேரியண்ட் அறிமுகம் செய்யப்பட்டு உள்ளது. புதிய நோக்கியா டி10 எல்டிஇ வேரியண்ட் விற்பனை அக்டோபர் 15 ஆம் தேதி துவங்க இருக்கிறது.

நோக்கியா டி10 அம்சங்களில் எந்த மாற்றமும் மேற்கொள்ளப்படவில்லை. இதில் 8 இன்ச் ஹெச்டி ஸ்கிரீன், யுனிசாக் டி606 பிராசஸர், அதிகபட்சம் 4ஜிபி ரேம், ஆண்ட்ராய்டு 12 ஒஎஸ், 8MP பிரைமரி கேமரா, எல்இடி பிளாஷ், 2MP செல்பி கேமரா மற்றும் 5250 எம்ஏஹெச் பேட்டரி வழங்கப்பட்டு இருக்கிறது. இந்த டேப்லெட்டிற்கு இரண்டு ஆண்டுகளுக்கு ஒஎஸ் அப்டேட் மற்றும் மூன்று ஆண்டுகளுக்கு மாதாந்திர செக்யுரிட்டி அப்டேட் வழங்கப்படுகிறது.

இந்த டேப்லெட் கைரேகை சென்சார் கொண்டிருக்கவில்லை, மாறாக பேஸ் அன்லாக் வசதியுடன் கிடைக்கிறது. இத்துடன் மாஸ்க் மோட் உள்ளது. இதை கொண்டு முகக் கவசம் அணிந்த நிலையிலும் டேப்லெட்-ஐ அன்லாக் செய்ய முடியும்.

நோக்கியா டி10 அம்சங்கள்:

8 இன்ச் 1280x800 பிக்சல் HD ஸ்கிரீன்

1.6 ஜிகாஹெர்ட்ஸ் ஆக்டா கோர் யுனிசாக் டி606 பிராசஸர்

மாலி ஜி57 MP1 GPU

3 ஜிபி ரேம், 32 ஜிபி மெமரி

4 ஜிபி ரேம், 64 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 12

8MP பிரைமரி கேமரா, எல்இடி பிளாஷ்

2MP செல்பி கேமரா

3.5 எம்எம் ஆடியோ ஜாக், ஸ்டீரியோ ஸ்பீக்கர்கள், ஒசோ பிளேபேக்

ஸ்பிலாஷ் ரெசிஸ்டண்ட்

4ஜி எல்டிஇ, வைபை, ப்ளூடூத் 5

யுஎஸ்பி டைப் சி

5250 எம்ஏஹெச் பேட்டரி

10 வாட் சார்ஜிங்

விலை மற்றும் விற்பனை விவரங்கள்:

நோக்கியா டி10 3ஜிபி ரேம், 32 ஜிபி மெமரி எல்டிஇ மாடல் விலை ரூ. 12 ஆயிரத்து 799 என்றும் 4 ஜிபி ரேம், 64 ஜிபி எல்டிஇ மாடல் விலை ரூ. 13 ஆயிரத்து 999 என நிர்ணயம் செய்யப்பட்டு உள்ளது. இதன் விற்பனை அக்டோபர் 15 ஆம் தேதி நோக்கியா வலைதளம் மற்றும் முன்னணி வலைதளங்கள், ஆப்லைன் விற்பனை மையங்களில் நடைபெறுகிறது.

மே மாத வாக்கில் நடைபெற்ற கூகுள் I/O நிகழ்வில் பிக்சல் டேப்லெட் மாடல் 2023 வாக்கில் அறிமுகம் செய்யப்படும் என கூகுள் நிறுவனம் அறிவித்து இருந்தது. இந்த நிலையில், மேட் பை கூகுள் 22 நிகழ்வில் புதிய பிக்சல் 7 சீரிஸ் வெளியீட்டின் போது பிக்சல் டேப்லெட் மாடல் சார்ஜிங் டாக் உடன் விற்பனை செய்யப்படும் என கூகுள் தெரிவித்து இருக்கிறது.

சார்ஜிங் டாக்-இல் ஸ்பீக்கர் இடம்பெற்று இருக்கிறது. இது மேம்பட்ட ஆடியோ அனுபவத்தை வழங்குகிறது. பிக்சல் டேப்லெட்-ஐ டாக் செய்ததும் அது ஹேண்ட்ஸ்-ஃபிரீ அசிஸ்டண்ட் அல்லசு போட்டோ ஃபிரேம் போன்று செயல்படும். மேலும் இது ஸ்மார்ட் ஹோம் சாதனங்களை இயக்கவும் வழி செய்கிறது. இந்த சார்ஜிங் டாக்-இல் உள்ள காந்தம் பிக்சல் டேப்லெட்டை எளிதில் டாக் மற்றும் அன்டாக் செய்ய உதவுகிறது.

பிக்சல் 7 சீரிஸ் மாடல்களில் வழங்கப்பட்டு இருக்கும் டென்சார் ஜி2 பிராசஸர் தான் பிக்சல் டேப்லெட் மாடலிலும் வழங்கப்படுகிறது. இந்த பிராசஸர் தலைசிறந்த இமேஜ் பிராசஸிங் மற்றும் மெஷின் லெர்னிங் வசதிகளை வழங்குகிறது. இத்துடன் பிக்சல் போன் அம்சங்களான வீடியோ காலிங், போட்டோ எடிட்டிங், ஹேண்ட்ஸ் ஃபிரீ கூகுள் அசிஸ்டண்ட் போன்ற வசதிகளை பிக்சல் டேப்லெட் கொண்டிருக்கிறது.

இந்த டேப்லெட் பிரீமியம் நானோ செராமிக் பினிஷ் கொண்டிருக்கிறது. இதில் பெரிய ஸ்கிரீன் வழங்கப்படுவது மட்டும் தெரியவந்துள்ளது. ஸ்கிரீன் அளவு, ரெசல்யூஷன் மற்றும் இதர அம்சங்கள் பற்றி எந்த தகவலும் வெளியாகவில்லை.

சியோமி நிறுவனம் ஏற்கனவே அறிவித்தப்படி இந்திய சந்தையில் ரெட்மிபேட் மாடலை அறிமுகம் செய்தது. புதிய ரெட்மிபேட் மாடலில் 10.6 இன்ச் 2K LCD ஸ்கிரீன், 90Hz ரிப்ரெஷ் ரேட், மீடியாடெக் ஹீலியோ ஜி99 பிராசஸர், அதிகபட்சம் 6 ஜிபி ரேம் வழங்கப்பட்டு இருக்கிறது. இத்துடன் 8MP பிரைமரி கேமரா, 8MP செல்பி கேமரா வழங்கப்பட்டுள்ளது.

ரெட்மிபேட் மாடல் ஆண்ட்ராய்டு 12 மற்றும் MIUI13 ஒஎஸ் கொண்டிருக்கிறது. இத்துடன் இரண்டு ஆண்ட்ராய்டு ஒஎஸ் அப்டேட் மற்றும் மூன்று ஆண்டுகளுக்கு செக்யுரிட்டி அப்டேட்கள் வழங்குவதாக சியோமி அறிவித்து இருக்கிறது. இந்த டேப்லெட் 8000 எம்ஏஹெச் பேட்டரி மற்றும் 18 வாட் பாஸ்ட் சார்ஜிங் வசதி கொண்டிருக்கிறது. ரெட்மிபேட் டேப்லெட் உடன் 22.5 வாட் சார்ஜர் வழங்கப்படுகிறது.

ரெட்மிபேட் அம்சங்கள்:

10.61 இன்ச் 2000x1200 பிக்சல் LCD ஸ்கிரீன், 90Hz ரிப்ரெஷ் ரேட்

ஆக்டா கோர் மீடியாடெக் ஹீலியோ ஜி99 பிராசஸர்

Arm மாலி G57 Mc2

3 ஜிபி ரேம், 64 ஜிபி மெமரி

4 ஜிபி ரேம், 128 ஜிபி மெமரி

6 ஜிபி ரேம், 128 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 12 மற்றும் MIUI 13

8MP பிரைமரி கேமரா

8MP செல்பி கேமரா

யுஎஸ்பி டைப் சி ஆடியோ, டால்பி அட்மோஸ், குவாட் ஸ்பீக்கர்கள்

வைபை, ப்ளூடூத் 5.3, யுஎஸ்பி டைப் சி

8000 எம்ஏஹெச் பேட்டரி

18 வாட் சார்ஜிங்

விலை மற்றும் விற்பனை விவரங்கள்:

ரெட்மி பேட் மாடல் கிராபைட் கிரே, மூன்லைட் சில்வர் மற்றும் மிண்ட் கிரீன் என மூன்று விதமான நிறங்களில் கிடைக்கிறது. இதன் 3 ஜிபி ரேம், 64 ஜிபி மெமரி மாடல் விலை ரூ. 14 ஆயிரத்து 999 என்றும் 4 ஜிபி ரேம், 128 ஜிபி மெமரி மாடல் விலை ரூ. 17 ஆயிரத்து 999 என்றும் 6 ஜிபி ரேம், 128 ஜிபி மெமரி மாடல் விலை ரூ. 19 ஆயிரத்து 999 என்றும் நிர்ணயம் செய்யப்பட்டு உள்ளது.

அறிமுக சலுகையாக ரெட்மி பேட் விலை முறையே ரூ. 12 ஆயிரத்து 999, ரூ. 14 ஆயிரத்து 999 மற்றும் ரூ. 16 ஆயிரத்து 999 என மாற்றப்பட்டு இருக்கிறது. விற்பனை ப்ளிப்கார்ட், Mi அதிகாரப்பூர்வ வலைதளங்கள், Mi ஹோம் ஸ்டோர், ஆப்லைன் ஸ்டோர்களில் இன்று (அக்டோபர் 5) முதல் கிடைக்கிறது.