நீங்கள் தேடியது "திருநம்பி"

மேட்டுப்பாளையம்:

கோவை குழந்தைகள் நல அலுவலகத்திற்கு நேற்று ஒரு அழைப்பு வந்தது. அதனை அங்கு பணியில் இருந்த குழந்தைகள் நல அலுவலர் பரமேஸ்வரி எடுத்தார்.

அப்போது எதிர்முனையில் பேசிய நபர், காரமடை அடுத்துள்ள தோலம்பாளையம் ஜே.ஜே நகரில் 2 பெண்கள் சேர்ந்து சிறுவர்களை அடித்து துன்புறுத்துவதாகவும், அவர்கள் காயம் அடைந்துள்ளதாகவும் தெரிவித்து விட்டு இணைப்பை துண்டித்து விட்டார்.

இதையடுத்து குழந்தைகள் நல அலுவலர் பரமேஸ்வரி, களப்பணியாளர் ரெபீனா ஆப்பிரிணம் என்பவருடன் தோலம்பாளையம் ஜே.ஜே.நகர் பகுதியில் குறிப்பிட்ட அந்த வீட்டிற்கு சென்று விசாரணை நடத்தினர்.

அப்போது அங்கிருந்த 2 பெண்களும் சேர்ந்து சிறுவர்களை தாக்கியது உறுதியானது. தொடர்ந்து நடத்தப்பட்ட விசாரணையில் பரபரப்பு தகவல்கள் தெரியவந்தன.

பெரியநாயக்கன்பாளையத்தை சேர்ந்தவர் மஞ்சு(வயது25). இவருக்கு ராஜீவ் காந்திநகரை சேர்ந்த ரமேஷ்(30) என்பவருடன் திருமணம் ஆனது. இவர்களுக்கு ராகுல், ரோஷன் என 2 மகன்கள் உள்ளனர்.

இந்த நிலையில் கணவன், மனைவி இடையே ஏற்பட்ட கருத்து வேறுபாடு காரணமாக மஞ்சு தனது கணவரை பிரிந்து விட்டார். இதையடுத்து அவர் தனது மகன்களுடன் பெரியநாயக்கன்பாளையத்தில் உள்ள தாய் கோவிந்தம்மாள் வீட்டிற்கு வந்தார்.

அங்கிருந்தபடி, அந்த பகுதியில் உள்ள தனியார் நிறுவனத்தில் வேலைக்கு சேர்ந்தார். அப்போது அதே நிறுவனத்தில் பணிபுரிந்த திருநம்பியான பிரியங்கா(28) என்பவருடன் பழக்கம் ஏற்பட்டுள்ளது. இந்த பழக்கம் நாளடைவில் தகாத உறவாக மாறியது.

இதையடுத்து மஞ்சுவும், பிரியங்காவும் தோலம்பாளையம் பகுதியில் வீடு ஒன்றை வாடகைக்கு எடுத்து கணவன், மனைவி போல் வாழ்ந்து வந்தனர். மஞ்சு தான் செல்லும் போது, தனது மகன்களையும் அங்கு அழைத்து சென்றார்.

இந்த நிலையில் இவர்களின் உறவிற்கு சிறுவர்கள் 2 பேரும் இடையூறாக இருப்பதாக மஞ்சுவும், பிரியங்காவும் நினைத்தனர்.

கடந்த 9-ந் தேதி மஞ்சுவும், பிரியங்காவும் சேர்ந்து சிறுவர்களை தகாத வார்த்தைகளால் பேசி கடுமையாக தாக்கியுள்ளனர். கத்தியை காட்டி கொன்று விடுவதாகவும் மிரட்டியதும் விசாரணையில் தெரியவந்தது.

தொடர்ந்து அதிகாரிகள் சிறுவர்கள் 2 பேரையும் பார்த்தனர். அப்போது அவர்களுக்கு முகம், தாடை, கழுத்து, கை, மூக்கு, கால்களில் காயம் ஏற்பட்டிருந்தது. உடனடியாக அவர்கள் 2 பேரையும் மீட்டனர்.

இதுகுறித்து மாவட்ட குழந்தைகள் நல அலுவலர் பரமேஸ்வரி மற்றும் ரெபீனா ஆப்பிரிணம் ஆகியோர் சம்பவம் குறித்து காரமடை போலீசில் புகார் அளித்தனர்.

புகாரின் பேரில் இன்ஸ்பெக்டர் ஞானசேகரன் தலைமையிலான போலீசார் திருநம்பி பிரியங்கா மற்றும் சிறுவர்களின் தாய் மஞ்சு ஆகிய 2 பேரையும் கைது செய்தனர். பின்னர் அவர்கள் 2 பேரையும் கோர்ட்டில் ஆஜர்டுத்தி கோவை ஜெயிலில் அடைத்தனர்.

திருநம்பியுடன் வாழ்வதற்கு ஆசைப்பட்டு பெற்ற தாயே தனது பிள்ளைகளை அடித்து கொடுமைப்படுத்திய சம்பவம் அந்த பகுதியில் பெரும் அதிர்ச்சியை ஏற்படுத்தி உள்ளது.

கோவை:

கோவை மாவட்டம் பொள்ளாச்சி அருகே உள்ள அர்த்தனாரிபாளையத்தை சேர்ந்தவர் 27 வயது வாலிபர். விவசாய கூலித்தொழிலாளி.

இவருக்கும் பக்கத்து ஊரை சேர்ந்த 19 வயது இளம்பெண்ணுக்கும் கடந்த 7 மாதங்களுக்கு முன்பு திருமணம் நடந்தது. இந்தநிலையில் புதுப்பெண்ணின் நடவடிக்கையில் மாற்றம் தெரியவந்தது. அவர், தனது தோழியுடன் அடிக்கடி போனில் பேசி வந்தார்.

கடந்த 5 மாதங்களுக்கு முன்பு திடீரென அந்த இளம்பெண் மாயமானார். இதுகுறித்து விவசாய கூலித்தொழிலாளி, மாயமான தனது மனைவியை கண்டுபிடித்து தரும்படி ஆழியாறு போலீசில் புகார் செய்தார்.

புகாரின் பேரில் போலீசார் வழக்குப்பதிவு செய்து மாயமான இளம்பெண்ணை தேடி வந்தனர். அப்போது இளம்பெண் திருநம்பியாக மாறிவிட்டது தெரியவந்தது. மேலும் விசாரணையில் அவர் தனது பள்ளி வகுப்பு தோழியுடன் சென்னையில் வீடு எடுத்து கணவன்-மனைவி போல வசித்து வருவது தெரியவந்தது.

இதனையடுத்து போலீசார் சென்னைக்கு விரைந்தனர். திருநம்பியாக மாறி இருந்த பெண்ணையும், அவரது தோழியையும் மீட்டனர். பின்னர் திருநம்பியான இளம்பெண்ணை கோவைக்கு அழைத்து சென்று அவரது கணவருடன் அனுப்பி வைத்தனர்.

இந்த நிலையில் திருநம்பியான இளம்பெண் 3 மாத கர்ப்பமாக இருப்பது மருத்துவ பரிசோதனையில் கண்டுபிடிக்கப்பட்டது. வீட்டிற்கு வந்த பின்னரும் திருநம்பியான இளம்பெண், தனது தோழியுடன் தொடர்ந்து செல்போனில் பேசி வந்தார்.

சம்பவத்தன்று இரவு வீட்டில் இருந்த திருநம்பியான இளம்பெண் திடீரென மீண்டும் மாயமானார். இதனையடுத்து அவரை கண்டுபிடித்து தருமாறு, அவரது கணவர் ஆழியாறு போலீசில் புகார் செய்தார். புகாரின் பேரில் போலீசார் விசாரணை நடத்தினர்.

விசாரணையில் மீண்டும் சென்னை சென்று, தனது தோழியுடன் திருநம்பியாக மாறிய இளம்பெண் வசித்து வருவது தெரியவந்தது. போலீசார் 2 பேரையும் மீட்கும் முயற்சியை மேற்கொண்டு வருகின்றனர்.

திண்டுக்கல்:

திண்டுக்கல் வேடபட்டியை சேர்ந்தவர் மணிகண்டன்(21). இவர் ஆணாக பிறந்து திருநங்கையாக மாறி மாயா என்ற பெயரோடு வாழ்ந்து வந்தார். மதுரை தல்லாகுளம் பகுதியை சேர்ந்தவர் உமாமகேஸ்வரி(24). இவர் பெண்ணாக பிறந்து திருநம்பியாக மாறி கணேஷ் என்ற பெயரில் வாழ்ந்து வந்தார்.

இவர்கள் 2 பேரும் திருமணம் செய்ய முடிவு செய்தனர். திண்டுக்கல் அபிராமி அம்மன் கோவிலில் இந்துசமய அறநிலையத்துறை அதிகாரிகளிடம் தங்களுக்கு திருமணம் செய்து வைக்கும்படி தெரிவித்தனர். ஆனால் அதிகாரிகளோ, அர்ச்சகர்களோ இந்த திருமணத்தை நடத்தி வைக்க முன்வரவில்லை. இதனைதொடர்ந்து திருநங்கை மாயா, திருநம்பி கணேஷ் ஆகிய இருவரும் அங்குள்ள விநாயகர் கோவிலில் தாலி கட்டி திருமணம் செய்து கொண்டனர்.

உடன் வந்த திருநங்கைகள் இந்த திருமணத்தை நடத்தி வைத்து அவர்களுக்கு அட்சதை தூவி வாழ்த்துக்களை தெரிவித்தனர். அபிராமி அம்மன் கோவிலில் நடந்த இந்த வித்தியாசமான திருமணத்தை கோவிலுக்கு வந்த பக்தர்கள் ஆச்சரியத்துடன் பார்த்து சென்றனர்.

இதுகுறித்து திருமணத்தை நடத்தி வைத்த திருநங்கைகள் தெரிவிக்கையில், தன்பாலின ஜோடிகள் சேர்ந்து வாழ உச்சநீதிமன்றமே அனுமதி வழங்கி உள்ளது. இதேபோல் திருநங்கையும், திருநம்பியும் திருமணம் செய்து கொண்டு வாழும் முறையை கேரள உள்ளிட்ட பிறமாநிலங்களில் பொதுமக்கள் மற்றும் சமூகத்தினர் ஏற்றுக்கொண்டுள்ளனர்.

ஆனால் தமிழகத்தில் இதுபோன்ற திருமணங்களை பொதுமக்கள் ஏற்றுக்கொள்ள தயங்கி வருகின்றனர். சமூகத்தில் ஏற்றத்தாழ்வுகள் இருப்பது போல இதுபோன்ற திருமணங்களை ஏற்றுக்கொள்ளும் மனநிலையும் மாற வேண்டும். இவர்களும் மனிதர்கள் என்பதை உணர்ந்து இந்த தம்பதிகளுக்கு சமூகம் அங்கீகாரம் வழங்க வேண்டும்.

அப்போதுதான் தாழ்வுமனப்பான்மையால் தற்கொலை போன்ற சம்பவங்கள் நடைபெறாமல் இருக்கும் என்றனர்.

திருவனந்தபுரம்:

கேரளா மாநிலத்தின் முதல் திருநம்பி ஆணழகன் பிரவீன்நாத் (வயது 20).

திருநம்பியாக இருந்து ஆணழகன் போட்டியில் பங்கேற்று பரிசு பெற்றதன்மூலம் இவர் மாநிலம் முழுவதும் பிரபலமானார். இதற்காக பிரவீன்நாத்தை பலரும் பாராட்டினர்.

கடந்த காதலர் தினத்தன்று திருநம்பி பிரவீன்நாத், தன்னோடு நெருக்கமாக பழகிவந்த திருநங்கை ஒருவரை காதல் திருமணம் செய்து கொண்டார். இதுவும் அப்போது பெரும் பரபரப்பை ஏற்படுத்தியது.

திருமணத்திற்கு பிறகு பிரவீன்நாத், திருநங்கை மனைவியுடன் சந்தோசமாக வாழ்ந்து வந்தார். கடந்த சில வாரங்களாக இவர் மனம் உடைந்த நிலையில் காணப்பட்டார். உறவினர்கள் யாரிடமும் பேசாமல் தனியாகவே இருந்தார்.

நேற்று வீட்டில் யாரும் இல்லாதபோது வாயில் நுரை தள்ளியபடி மயங்கி கிடந்தார். இதனை கண்ட அக்கம் பக்கத்தினர் அவரை மீட்டு அருகில் உள்ள ஆஸ்பத்திரியில் சேர்த்தனர். அங்கு பிரவின்நாத்தை பரிசோதித்த டாக்டர்கள் அவர் விஷம் குடித்து இறந்துவிட்டதாக தெரிவித்தனர். இது தொடர்பாக போலீசாருக்கும் தகவல் தெரிவிக்கப்பட்டது. போலீசார் பிரவீன்நாத்தின் உடலை மீட்டு பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். மேலும் அவர் எதற்காக தற்கொலை செய்தார் என்பது குறித்து விசாரணை நடத்தி வருகிறார்கள்.

காஞ்சிபுரம்:

காஞ்சிபுரம் மாவட்டத்தை சார்ந்த மூன்றாம் பாலினத்தவர்களுக்கான (திருநங்கைகள் மற்றும் திருநம்பிகள்) சிறப்பு தனியார் துறை வேலைவாய்ப்பு முகாம் காஞ்சிபுரம் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் நடத்தப்பட்டது.

இதில் காஞ்சிபுரத்தைச் சார்ந்த 114 திருநங்கைகள் மற்றும் 3 திருநம்பிகள் மற்றும் 5 வேலையளிக்கும் தனியார் துறை நிறுவனங்களும் கலந்துகொள்ள விருப்பம் தெரிவித்தனர்.

இதனைத் தொடர்ந்து நடைபெற்ற வேலை வாய்ப்பு முகாமில் 6 திருநங்கைகளும், 3 திருநம்பிகளும் பணிக்கு தேர்வு செய்யப்பட்டனர்.

அவர்களுக்கு பணி நியமன ஆணைகளை மாவட்ட கலெக்டர் ஆர்த்தி வழங்கினார். அவருக்கு திருநங்கைகள் மற்றும் திருநம்பிகள் நன்றி தெரிவித்தனர்.

நிகழ்ச்சியில் மாவட்ட வேலை வாய்ப்பு மற்றும் தொழில்நெறி வழிகாட்டு மைய துறை இயக்குனர் அருணகிரி உள்பட பலர் கலந்து கொண்டனர்.

திருவள்ளூர்:

கன்னியாகுமரி மாவட்டத்தைச் சேர்ந்தவர் ஆனந்தி என்கிற அம்மு (35). திருநங்கையான இவர் கடந்த 10 ஆண்டுகளுக்கு மேலாக புட்லூர் பகுதியில் வசித்து வருகிறார்.

இவர் கடந்த சில நாட்களுக்கு முன்பு சென்னை நுங்கம்பாக்கத்தில் உள்ள சகோதரன் அமைப்பு மூலம் திருநம்பியாக மாறிய திண்டுக்கல் மாவட்டத்தைச் சேர்ந்த பாத்திமா என்கிற செய்யது செரீப் (21) என்பவரை அழைத்து வந்து தன்னுடன் தங்க வைத்து இருந்தார். இந்நிலையில் நேற்று முன்தினம் அம்முவின் வீட்டுக்கு சிலர் வந்து செய்யது செரீப்பை அழைத்து சென்று விட்டதாக கூறப்படுகிறது. பின்னர் அவர் குறித்து எந்த தகவலும் தெரியவில்லை. அவர் மாயமாகி இருந்தார்.

இதனால் அதிர்ச்சி அடைந்த அம்மு பல இடங்களில் தேடியும் திருநம்பி செய்யது செரீப்பை கண்டு பிடிக்க முடியவில்லை.

இதுகுறித்து செவ்வாப்பேட்டை போலீசில் அம்மு புகார் செய்தார். அதில் மாயமான திருநம்பி செய்யது செரீப்பை கண்டுபிடித்து தருமாறு தெரிவித்து உள்ளார். இதுகுறித்து போலீசார் விசாரணை நடத்தி வருகிறார்கள்.

கோவை,

தேனியை சேர்ந்தவர் கவி (வயது 20). பெண்ணாக பிறந்த இவர் நாளடைவில் திருநம்பியாக மாறினார். இவருக்கு பெற்றோர் இல்லை. எனவே கவி கோவை மாவட்டம் சுல்தான்பேட்டை அருகே உள்ள பச்சாகவுண்டன் பாளையத்தில் திருநம்பியான ஜீவா என்பவருடன் வசித்து வந்தார்.

இவர் மூங்கில் தொழுவை சேர்ந்த அண்ணன், தம்பிகளான சந்திரசேகர், ராதாகிருஷ்ணன் ஆகியோருடன் சேர்ந்து சொட்டு நீர் பாசனம் அமைக்கும் பணியை மேற்கொண்டு வந்தார்.

கடந்த 2-ந் தேதி வேலைக்கு செல்வதாக கூறி விட்டு சென்ற கவி திரும்பி வீட்டிற்கு வரவில்லை. அவருடன் தங்கி இருந்த திரு நம்பி ஜீவா அவரை அக்கம் பக்கத்தில் தேடினார். ஆனால் எந்த பலனும் இல்லை. அவரது செல்போனும் சுவிட்ச் ஆப் செய்யப்பட்டு இருந்தது.

இதனால் சந்தேகம் அடைந்த ஜீவா இது குறித்து சுல்தான்பேட்டை போலீஸ் நிலையத்தில் புகார் செய்தார். புகாரின் பேரில் சுல்தான் பேட்டை போலீசார் கவியுடன் வேலைக்கு செல்லும் அண் ணன் தம்பி களான சந்தி ரசேகர், ராதா கிருஷ் ணன் ஆகிய ோரை போலீஸ் நிலையத் துக்கு அழைத்து விசார ணை நடத்தி னர். பின்னர் போலீசார் அடுத்த நாள் 2 பேரும் விசாரணைக்கு வரவேண்டும் என கூறி இருந்தனர். ஆனால் அவர்கள் விசாரணைக்கு வரவில்லை. 2 பேரும் தலைமறைவாகி விட்டனர்.

திருநம்பி கவி மாயமாகி 25 நாட்கள் ஆகியும் அவர் என்ன ஆனார். எங்கு உள்ளார் என கண்டு பிடிக்க முடியவில்லை.எனவே அவர் கொலை செய்யப்பட்டு இருக்கலாமா? என்ற கோணத்தில் போலீசார் தற்போது விசாரணை நடத்தி வருகின்றனர். மேலும் அண்ணன், தம்பிகளான சந்திரசேகர், ராதாகிருஷ்ணன் ஆகியோர் விசாரணைக்கு வராமல் தலைமறைவாக உள்ளதால் போலீசாருக்கு சந்கேம் ஏற்பட்டுள்ளது. திருநம்பி என்ன ஆனார் என்பது பற்றி விசாரணை நடக்கிறது. 

ஊட்டி:

நீலகிரி மாவட்டம் மசினகுடி அடுத்த உண்டி மாயார் பகுதியை சேர்ந்தவர் ஹரி. திருநம்பியான இவரை குடும்ப சூழ்நிலை காரணமாக அவரது பெற்றோரால் கவனிக்க முடியவில்லை.

இதையடுத்து ஹரியை ஊட்டியை சேர்ந்த வக்கீல் சவுமியா சாசு என்பவர் தத்து எடுத்து வளர்த்து வருகிறார். திருநம்பி ஹரி படிப்பதில் மிகவும் ஆர்வம் உடையவராக இருந்தார். படித்து நல்ல வேலைக்கு செல்ல வேண்டும் என்பதை லட்சியமாக கொண்டிருந்தார்.

இதையடுத்து அவர் பள்ளியில் சேர்ந்து படித்தார். பள்ளி படிப்பை முடித்த கையோடு ஊட்டி அரசு கலைக்கல்லூரியில், படிக்க விண்ணப்பித்தார். தற்போது அவருக்கு ஊட்டி அரசு கலைக்கல்லூரியில், பி.ஏ. பொருளாதாரம் முதலாம் ஆண்டு படிக்க இடம் கிடைத்துள்ளது.

இதையடுத்து அவரும் கல்லூரிக்கு சென்று மற்ற மாணவர்களுடன் இணைந்து படித்து வருகிறார். மற்ற மாணவர்களும் அவருடன் சகஜமாக பழகி வருகின்றனர்.

இதுகுறித்து திருநம்பி ஹரி கூறுகையில், எனக்கு படிப்பில் ஆர்வம் உள்ளது.

ஆர்வம் உள்ளதால் படிக்க விரும்பினேன். தற்போது ஊட்டி அரசு கலைக்கல்லூரியில் பி.ஏ. பொருளாதாரம் படித்து வருகிறேன். படித்து முடித்ததும் அரசு பணியில் சேர்ந்து மக்களுக்கு சேவை செய்வதே எனது லட்சியம் என்றார்.

இதன்மூலம் நீலகிரி மாவட்டத்தில் முதன் முதலாக கல்லூரிக்கு செல்லும் திருநம்பி ஹரி ஆவார்.